Hechos 23:35 - El Nuevo Testamento en matsés

³⁵ Aden chiaquien: Mibi icsambocquid nec, caquido chochoacsho issun mimbi nabanaid mibi chuimequin tantiembi, quepanëdash Uedis. Aden chiec onqueshumbic ënden chuiquid tapambo Edodes cuëmëdquidën shubu uaid yacno buanshun nauedmeshun Uedisën: Pabado puduenanec cuennushe. Ista, capanëdash sondado chuiquin.

Hechos 23:35 Referans Kwoze

Hechos 23:30

Aden Pabado quënën tsadunmeboshombic: Pabado cuessunnenu, quequin isadaidbon podquied cuëmanshun cainec, quesho tantiashun badedquio mibi yacno buanmembi. Adembidi: Pabado icsambocquid nec, quequin aid cuessunnenu, quequido mibi yacno nidmembi. Adoac ma ambibi Pabadon icsambuen naid mibi chuinu, queshun.

Hechos 25:16

Adoaquimbi: Mibëd chushcananaid Pabadontsen mibi bëisquin chiambocnoc: Cuessunneta, quetiapimbo iquebi. Doma yacnocquidon: Naden nata, quequin chiaid naquin adometiapimbo iquebi, quequin isadaidbon chuiquido chiombi.

Mateo 27:27

Adoaquien Pidaton sondadon abi tabadtedniaid yacno Esus buanshun: Isec cho, cac aton sondado utsibo dadpen chochoash Esus datsidadpanëdash.

Hechos 24:22

Aden Pabadon chuisho tantiash: Nuquin Papa yacno tabadmianquid iquec, quequin utsibon chuisho tantiabued yec: Nëbi mibitedishun chuibansho tantiombi. Comandante Disias nëmbo choshon chiac tantiashun mibi padpiden chuimembi, quepanëdash Uedis Pabadobëta isadaidbon chuiquido chiec.

Hechos 24:19

Ubi capusho istuidquido isadaidbo nidaid Asia caid yacnouësh choquido niosh. Pabado icsambuec tabadsho isombi, quepac caosh. Aidombo choshon ambi chiaid abimbo icnuc nëshuntsen adombuembidi chuitiadquidi nec.

Hechos 24:10

Adsho tantiashun: Onque, quequin mëdante uiccaquin Uedisën ismiac Pabado nadec onquepanëdash: Chuiquid tapan tantiata. Umbitsen chuinu. Dadpen seta matanmequin cun matses isadaidbo abi chushcananaid tantiashun mimbi bëdambuen tantiaquin nacnenshundennioc. Adquid mibi nec, quequin tantiaquin: Umbi naid mibi chuibanec bëdambo iquebi.

Hechos 24:1

Adashic 4tedec ushash Nuquin Papa ismequin nëish iua cuessunneshun pichicaquidon chuiquid tapambo Ananiasbëd isadaidbon chuiquido tsësiobo utsi utsiec Pabadon icsambuen naid Uedis chuinuec Sesadea yacno chochopanëdash. Icsambocquid nec, quequin chuibanquid Tedtudo cuëmëdquidtsen bëpanëdash.

Uanën dada uaid 18:28

Adnubien badiadnuc Caipasën aton chuiquid utsibobëtan aton matses iuaquido Doma yacnocquidon chuiquid cobednadodën shubu yacno Esus buampondash. Buanashic: Matses utsin shubun puduedshun mishtemaid mishash tsusedpabon aton mado uënës uamenquio icquin obeca caniactsëc cuessunniampid tantiate uëshë tantiec cun matsesbëtan pebededtiapimbo icmane, quiash aidën shubun puduedenquio icpondash.

Mateo 2:16

Adnubien isadaidbon chuiquid tapa Edodes: Uispa isquin tantiaquidon cacuidposhi, quiash cumapenec nëishshun aton iuabo naden chuipanëdash: Uispa isquin tantiaquidon chuibocpadtsëcquid dada bacuëmpibotedi seta daëd ictsëcquidotedi cuessun secatan. Beden yacnocquidon bacuëbobëtabi uanno pauequidon bacuëbotsen cuessun secatan, cac cuessun secatampanëdash.

Mateo 2:3

Adsho tantiash dacuëdcuededpanëdash. Edusaden yacnocquido abitedimbo: Padtec. ¿Midapadquid bacuë capendabac? quecuededpanëdash Edodes isadaidbon chuiquid ambi namiaidobëdi.

Mateo 2:1

Nidaid cuëshë Udea caid yacnocquid shubu daëpactsëcquid Beden yacnoshon Madian Esus tishpanëdash. Adnubien shubu dadpen icquid Edusaden yacno isadaidbo matsesën chuiquid Tapa Edodes cuëmëdquid icpanëdash. Aid icnubi matses utsibo uispa isquin tantiaquido Esus isnuec uëshë choacmiuësh chopanëdash. Edusaden yacno choshon

Hechos 24:23

Aden chuishumbic naden Uedisën sondadon chuiquid capitan chuipanëdash: Shubuno Pabado buanuashun quënën tsadunshun. Puduennushe Ista. Aid: Umanuc capuec nidnu, quesho tantiash aidbëd nidta. Adembidi abi nashunquin isquido chosho issun iuedta, quequin chuita, quepanëdash Uedis capitan chiec.