Hechos 23:18 - El Nuevo Testamento en matsés

¹⁸ Adoac Pabadon piac comandante yacno buanash sondadon chuiquid capitan: Mimbi quënën nauedmebued Pabado cuëmëdquidën chioshi. Cun piac comandante chuite buneque. Aid yacno buantan, cac bëombi, quequin chuipanëdash.

Hechos 23:18 Referans Kwoze

Epeso 3:1

Pabado nebi. Isadaidpembo icsho mibitedi nashunquin Esuquidistun naid chuibennesho bedshun quënën tsadunac tsadebi.

Pidemon 1:9

Mibëd tantiananquid icquimbi naden chiembi: Pabado nebi. Tsësiobudobi. Esuquidistu chuibansho quënën tsadunondac tsadec nebi.

Epeso 4:1

Nuquin Icbo Esuquidistu chuibennesho bedshun quënën tsadunaid icquin naden mibitedi chuinu. Nuquin Papan tantiamiaido yec bëdambuec tabadquid nec, quequin chiacpadquid mibi neque. Bëdambuec tabadta.

Hechos 28:17

Adec Doma yacno choash daëdec ushec tabadshun: Isadaidbon chuiquido chuinu. Chome, capondambi. Adoac chomiacsho issun Pabadon naden chuipondash: Tantia. Chuinu, cun matsesën chuiquido. Nuquin matses icsambuen chuishunambo iccombi. Adembidi nuquin tsusedpabon: Naden nata, quequin chiaid niacambo iccombi. Aden nainquio icshobi Edusaden yacnoshon nuquin matsesën bedshun Doma yacnoquidon chuiquid menequin buanmiondashi.

Hechos 27:1

Aden Uestobëtan Aquidipan: Nidaid Itadia caid yacno buanmenuna, queshun sondadon chuiquid capitan Udio cuëmëdquid naden chuipanëdash: Pabadobëta mëtaniaido utsitedi buanec nidta, cac buanec puduampondash. Aidi aton sondadobëta chuiquid tapambo empedadodën namiaido nec, quequin cuënaid nepondash.

Hechos 16:25

Adoaquien inchësh poctsenquio Pabadobëd Sidas Nuquin Papa chiec onquepanëdash. Adecbidi Nuquin Papan naid chiec cuëdëmpanëdash. Adec cuëdënsho quënën tsadunaid utsibon tantianubi

Ducas 7:40

Adsho ambibi tantiaquin Esusën: Tantiata. Mibi tantiamequin chuinu, Simon, capanëdash. Adoaquien: Ai, en chuiban. Tantianu, quepanëdash Simon.

Uanën dada uaid 18:12

Adshobien Doma yacnocquid sondadon aton chuiquidbëtan Nuquin Papa tabadte shubu dapa isquid sondadon Esus bedpondash. Aden bedshun: Cuidmenuen chuiquid tapa yacno mibi buannu, quetanquin podo catanepondash.

Hechos 23:17

Adoaquien Pabadon sondadon chuiquid capitan caid naden chuipanëdash: Cun piac comandantebëd onquete buneque. Aid yacno buantan, capanëdash.

Hechos 23:19

Aden chiaquien aid mëdinanquin udictsëc buanshun comandanten: ¿Atotsi ubi chuinuec cho? capanëdash.