Hechos 22:25 - El Nuevo Testamento en matsés

²⁵ Adoac cueste nitsinacno buanshun cuestebëta abi tanesho cacuestsennubi Pabadon: ¿Doma yacnoquido icshobi umbi naid chuimiabida ubi cacuese? quepanëdash Pabado sondadon chuiquid utsi capitan chiec.

Hechos 22:25 Referans Kwoze

Hechos 16:37

Adoaquien Pabado: Umbi naid chuimenquio icquin ubi daëdi Doma yacnoquido icshobi utsibon isnubi cacuesmeposhi. Adshumbic quënën tsadunoshi. Nëbi puduenmenuen ¿utsibon isenquiocnobida ubi daëdi puduenme? Padi. Ubi daëdi puduenmenuec ma chuiquidobi chopanuna, quequin quënën tabadquido ista cabued chuipanëdash.

Hechos 25:16

Adoaquimbi: Mibëd chushcananaid Pabadontsen mibi bëisquin chiambocnoc: Cuessunneta, quetiapimbo iquebi. Doma yacnocquidon: Naden nata, quequin chiaid naquin adometiapimbo iquebi, quequin isadaidbon chuiquido chiombi.

Hechos 27:43

tantiash: Pabado cuessunnenushe, queshun: Padi ¡Chën! capondash sondado chuiquid capitanën. Aden chuishumbic: Acten tantanec mëquiadquido tantanec abia nidaid yacno nidannenubi

Hechos 23:17

Adoaquien Pabadon sondadon chuiquid capitan caid naden chuipanëdash: Cun piac comandantebëd onquete buneque. Aid yacno buantan, capanëdash.

Hechos 27:3

Adec cano dapa antabëdtoanec nidquin badiadshun shubu dadpen icquid Sidon caid yacno istuidpondash. Ambo choshon: Mitsana nibëdeque. Mibëd tantiananquido yacno nidta. Aidon mibi nashunquin menetsiash, quequin Pabado bëdambuen tantiaquin sondadon chuiquid Udion chuipondash.

Hechos 27:1

Aden Uestobëtan Aquidipan: Nidaid Itadia caid yacno buanmenuna, queshun sondadon chuiquid capitan Udio cuëmëdquid naden chuipanëdash: Pabadobëta mëtaniaido utsitedi buanec nidta, cac buanec puduampondash. Aidi aton sondadobëta chuiquid tapambo empedadodën namiaido nec, quequin cuënaid nepondash.

Hechos 10:1

Adnubien shubu dadpen icquid Sesadea caid yacno Codnedio cuëmëdquid isadaidpembo nidaid Itadia caid yacnouësh choash ambo tabadpanëdash. Aidi Doma yacnocquid sondado dadpen 400tedshun chuiquid sentudion caid nepanëdash.

Mateo 27:54

Nidaid uëdëquec ishcudnuc dacuëdampambo icsho isashien Esus isec tabadquido sondado aton chuiquid capitambëdi dacuëdtanec: Ma nëid dada Nuquin Papan Madombobi nepayoc, quecuededpanëdash.

Mateo 8:8

sondadon chuiquid capitanën: Padi, Icbo. Mibi bëdamboshë icquidquio nec. Ubi icsambocquid icquin mibi cun shubun puduedmetiapimbo iquebique. Nidenquio icquin nëshunquiobi mimbi tantiacpadombuen chuiquin: Bëdanta, cac cun iua bëdantsiashe, Bëdanmeta.

Mateo 10:17

Mibi chieshënquido iqueque. Tantechoquiota. Aidon mibi bedshun: Ma cuesmenu, queshun aton chuiquido yacno mibi buanendac. Adoac Nuquin Papan Chiaid chuibante shubu yacnoshon mibi cacuesmendac.

Hechos 22:26

Adsho tantiatanec sondadon chuiquid capitan aton chuiquid tapa comandante yacno nidshun chiec: ¿Atotsi mimbi naic? Ma mimbi bëbued nëid dada: Doma yacnoquido nebi, quepaboc, quepanëdash.

Hechos 23:27

Nadquio iccoshe. Tantia. Chuinu. Pabado isadaidbon bedshun cuessunnetsensho issun: Doma yacnoquido nec, quequin utsin chuisho tantiashun cun sondadobëd choquin mënchiccombi.