Hechos 22:16 - El Nuevo Testamento en matsés

¹⁶ quequin chuishumbic: ¿Atotsi cainec tsadec ne? Esus tantiabenquin mimbi icsambuen naid chuita. Ma mimbi icsambuen naid tantienquio yec Nuquin Papa bëshunnu. Aden chuitanquin: Nëbi Esus tantiaquid nebi, quequin utsibo ismequin acten mentometa, capondashi Ananiasën.

Hechos 22:16 Referans Kwoze

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Hechos 2:21

Adnubimbi: Cun Icbombo Esus nec, ubi caquidquio ëbëd tabadmendambi, quequin Nuquin Papan chuimiacpaden Oedën dada uapampic.

Ebedeo 10:22

Adquid icnuc bëchish nibëdquiecnuc acten dapanacbimbuen nuqui icsambuen naid nibëdacbimbuecnuc Nuquin Papan nuqui bëdambuen isec. Adoac: Nuquin Papa tantiaquidquio nuqui nec. Adecbidi: Nuquin Papan ambi tantiacpadombuen naindac, quequin tantiaquidquio nuqui nec. Adquid yec Nuquin Papa chiannequid nuqui nendac.

Tito 3:5

Aidëmbi matses icsambuen naquid icshobi cuidmenquio icte bunquid icquin bëdambuen isquin nuquitedi mënchicpondash. Adshumbic nuqui icsambuen naidtedi ucmenuen nuqui utsiacbimbuecnuc chuca icmequin aton Mayan Bëda meniac.

Codinto 1 6:11

Ënden mibitedi utsi utsiec adquido iccondaidi nëbi abi tantiaquido yansho issun acten mentoaido iquec. Adembidi mibitedi Nuquin Papan bëdamboshëcquid icmequin Nuquin Icbo Esuquidistu tantiaquid icsho mibi isaisabimbuecnuc bëdambuen isec. Adembidi Nuquin Papan aton Mayan meniaido mibitedi nendac.

Petedo 1 3:21

Aid acte cubudnëdaid tantiaquin acten mentomete nec, quequin nuqui tantiec. Nëbi nuqui bëdambuen isquin mënchicaido icquin acten mentomec. ¿Nuquin dadan icquid bëchish ucquinda nuqui acten mentomedi? Padenquio. Nuquitedi acten mentomec Nuquin Papa naden chuiquin: Umbi icsambuen nabanaidtedi bëchish ucacbimbuen mibi tantiembique. Ubi bëdambuen ista, quequin acten mentomec. Aden abi tantiasho Nuquin Papan uincuenmenëdaid icquin Esuquidistun nuqui cuidmenquio iquec.

Cadasia 3:27

Adquido icsho acten mentoaido yec Esuquidistubëd daëdash abentsëc yacbimbuecquido nuqui nec. Adecbidi Esuquidistupadquid nuqui nec.

Codinto 1 12:13

Adecbidi isadaidbo yec matses utsibo yec utsin iuaido yec matsesën iuacmaido yec quec Esus tantiaquido iquec. Adquido icsho acten mentoaido yec abentsëc yacbimbuec nuquitedi tabadnubi Nuquin Papan Aton Mayan abentsëcquiobi nuqui meniaid nuquibëd tabadec.

Hechos 9:14

Aidëmbidi Edusaden yacnocquidon chuiquid tapanquio dada uaid sananquin nëmbotsen mibi tantiaquido bedmeshun buannuec aidi chopac caosh, quepanëdash Ananias Esus chiec.

Codinto 1 1:2

Aidbëtambi Codinto yacnoquid Nuquin Papan bëdambuen tantiamiac Esus tantiaquido icsho mibitedi tantiembi, quequin chiec nebi. Esuquidistunuidtsëqui bëdamboshëcquid icmequin tantiamiac Nuquin Papa tantiaquido mibitedi nec. Adoaido icquin utsi utsiec yacnoshon Esus tantiaquid utsibobëtan Nuquin Icbo Esuquidistu chiannequid nuquitedi nec. Aidi Nuquin Icbo yec aidon Icbobidi nec.

Hechos 9:18

Aden Ananiasën chuinubi nuëcquid bitsibimbuecquid ëshënuësh paëdnubi bëshuacbuedëmbi Saudon bëdambuen isbenuapanëdash. Aden isbenash capusho acten mentopanëdash.

Uanën dada uaid 13:8

Petedon: Padi. Iua namiacbimbuen mibi tapanmetiapimbo iquebi, cauapondash. Adoaquien Esusën: Umbi tapanabi yac cun iuambo mibi ictiapimbo ictsiac, capondash.

Hechos 7:59

Aden dashcute sanshun cuënoten sesiac Estebanën Esus cuënquin naden chuipanëdash: Ubi iued, Icbo, quetanec

Epeso 5:26

Adec abided cuidadec uënëssun: Ubi tantiaquido bëdamboshëcquid icmenu, queshun ambi Chiaid tantiamequin abi tantiaquido acten mentoadmendac.