Hechos 22:12 - El Nuevo Testamento en matsés

¹² Ambobi dada Ananias cuëmëdquid icpanëdash. Aidi: Nuquin Papan: Naden nata, quequin Moises chuiquin dada uamiampid tantiaquin naquidquio icsho ambocquido isadaidbon bëdambuen isaidquio icpanëdash.

Hechos 22:12 Referans Kwoze

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 6:3

Niante chedo nashunquid icta, canuen dada 7ted nadquidquio istuidta. Nuquin Papan Mayan Bëdan tantiamiac bëdambuec tabadsho mimbi bëdambuen isaidquio istuidshun: Niante chedo nashunquin menequid icta, cata.

Uan 3 1:12

Demetedio caidien bëdambuen nabanquid nec, quequin utsibon abimbo chiec. Aidi Nuquin Papan chiacpadombuen nabanec tabadquidquio nec, quequin muainquiocquin utsibon bëdambuen chuinubi adembidi ubëd icquidobëtan Demetedio chiaid tantiash: Muequi nec, quenquio mibi iquec.

Ebedeo 11:2

Nuquin tsusedpabon: Abimbo caic, queshun abi tantiec tabadsho Nuquin Papan bëdambuen ispampic.

Timoteo 1 3:7

Adembidi chuibanquid icmenuen Esus tantiesabon: Bëdambocquid nec, casho tantiata. Icsambocquid nec, caid chuibanquid icmenda. Adquid icmiac icsambuen nasho Esus tantiesabon mamënshuntsiash. Adquid Mayan Icsa Satanasën badedi icsametsiashe. Icsambo icquid nec, caid: Esus chuibanquid icta, cainda.

Codinto 2 6:8

Utsin utsinquien ubitedi bëdambuen isquin bëdambuen chuinubi utsibon ubi icsambuen chuishunaqui bëdambo iquebi. Bëdambuen chiaqui: Muaquid nec, quenubi abimbo chuiquidquio nebi.

Hechos 17:4

Aden chuibanac Esus tantiaquid nëidtedi yampanëdash. Nëidic isadaidbo utsi utsiec. Utsibic Nuquin Papa tantiaquido quidieco matses dadpen. Utsibic ambocquidon chuiquid tapabon chido utsi utsiec. Aidtedi Esus tantiaquid yampanëdash.

Hechos 8:2

Adec nidanniambic Nuquin Icbo tantiaquidombo Esteban chococash iuec cumapenec sedenquec shubicuededpanëdash.

Ducas 2:25

Adnubien Edusaden yacnocquid Simeon cuëmëdquid Nuquin Papan: Naden nata, quequin Moises chiampid tantiaquin naquidquio icpanëdash. Aidi isadaidbon chuiquid tapa abentsëcquiobi Nuquin Papan Chomiaidquio cainquidquio icpanëdash. Aidi Nuquin Papan aton Mayan Bëda meniaidquio nepanëdash.