Hechos 21:33 - El Nuevo Testamento en matsés

³³ Adec choshon sondadon chuiquid comandante caidën: Bed, cac Pabado bedtanquin shocosh bucu daëdshun mëtanemepanëdash. Adotanquin ambo tabadquido chuiquin: ¿Tsutsi nëid nec? ¿Atotsi icsambuen naosh? capanëdash sondadon chuiquidën.

Hechos 21:33 Referans Kwoze

Epeso 6:20

Esuquidistun: Ubi chuibenneta, caid icquin aid chuibennesho mëtaneshun quënën tsadunaid nebi. Adoaid ubi icsho: Mimbi tantiacpaden dacuëdenquio icquin Esusën naid Chiaid Bëda chuibanquid Pabado icme, quequin Nuquin Papa chianneta.

Hechos 21:11

Adec choshon Pabadon tsipante bedshun Pabado tatanetanquin mëtanetanec Acabo nadpondash: Nuquin Papan Mayan Bëdan naden chioshibique. Tantia. Chuinu. Umbi chuibocpadombuen isadaidbon Edusaden yacno tabadquidon nëid tsipante icbo bedshun tatanetanquin mëtaneshun buanshun isadaidpembo menendac, quepondash Acabo Pabado chiec.

Hechos 20:23

Shubu dadpen icquid ubi nidacnoshon nidacnoshonquien Nuquin Papan Mayan Bëdan naden chuided chuidedoshi: Mibi mëyantequid iquendac. Adembidi mibi quënën tsaduntequid iquendac, quequin chioshi.

Hechos 12:6

Adshumbic: Badiadshun isadaidbon isnubi Petedo chuimembi, quequin Edodesën tantianubi aid inchëshëmbi Petedobëta sondado daëd shocosh bucun aucbidaëdi mëtaniacchobi ushec uenubi sondado utsi daëd shëcuë cuëman tabadpanëdash.

Hechos 28:20

Aden naoshi, quequin mibi chuinuen mibitedi chochomiombi. Uënësash uincuente iquec, quequin tantiaquin nuquin matses isadaidbon cainacpaden cainquid icsho bedshun mëtaniaid nebi, quepondash Pabado isadaidbon chuiquido chiec.

Hechos 22:29

Aden Pabadon chuisho tantiash ambi icsambuen naid chuimenuen cacuestsembuedo nidannepanëdash. Aden chuisho tantiash: Doma yacnoquido icshobi Pabado shocosh bucun mëtanemechitombi, quequin tantiec comandante dacuëdpanëdash.

Timoteo 2 2:9

Aden Chiaid Bëda Esusën naid chuibennequidquio icsho chieshënquin bedshun cuessunnianquid uidën uacbimbuen shocosh bucu nacnenaidën mëtaniac mëyadebi. ¿Ubi aden uidënuaquin mëtaniacpadenda Nuquin Papan Chiaid uidën uapadic? Padenquio.

Timoteo 2 1:16

Onesipodo caidëmbien ubi bëdambuen ispondash. Abëd icquidobëtan ubi quënën tsadunacsho issumbi dacuëdenquio icquin isuan isuanquin bëdambo icmioshi. Adsho issun: Aton shubun icquidobëta aid bëdambuen ista, Papa, quequin Nuquin Papa chiannembi.

Hechos 26:29

Adoaquien Pabado: Nëid uëshënquiobi daëdpactsëc chiombi. Aidtedtsëqui chiac tantiatiapimbocsho issun iuen chuibantsiambi. Mibëd iccuededquidobëta mibi cain: Ma Esus tantiaquid ubipadquid mibitedi yampanu. Adquid yansho ma mibi shocosh bucun mëtanenquio icpanu, quequin chiec nebi, quepanëdash.

Hechos 25:16

Adoaquimbi: Mibëd chushcananaid Pabadontsen mibi bëisquin chiambocnoc: Cuessunneta, quetiapimbo iquebi. Doma yacnocquidon: Naden nata, quequin chiaid naquin adometiapimbo iquebi, quequin isadaidbon chuiquido chiombi.

Hechos 22:30

Adshumbic badiadshun ambi shocosh bucu mëtanemebued chicmeshun nëish iua cuessunneshun pichicaquidon chuiquidobëd isadaidbon chuiquid tapabo iccuededacno Pabado buanmepanëdash. ¿Atotsi nasho isash isadaidbo nëid cuessunnete buneque? Tantianu, quequin comandanten Pabado buanmeshun isadaidbo dadpen iccuededacno puduedmeshun nënantanquio Pabado nidtomepanëdash.

Pidipos 1:7

Adquid yanshun ubi chieshënenquio icquin mimbi ubi tantiaquiec. Adsho mibitsen tantiaquiembi. Nëbi quënën tsadunondac abi tsadebi. Aden quënën tsadunaqui Nuquin Papan Chiaid Bëda chuibanquin tantiamiac: Abimbo caic, queshun ma tantiabennu, quequin chuibanembi. Adembidi chuiquid tapabo tantiamequin chuidenniondambi. Adquid icsho mibitedishun ubi tantiaquin mimbi ubi nashunoc.