Hechos 21:13 - El Nuevo Testamento en matsés

¹³ Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Hechos 21:13 Referans Kwoze

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Pidipos 2:17

Bëdambo mibi iquec, Nuquin Papan mabi canu, queshun Esus tantiaquin bëdambuen nabanta. Utsibo nashunquin chieshtoenquio icquin chuibanta. Aden bëdambo nuadtequid Nuquin Papa shëdmiacbimbuen mimbi chuibanaid chuisho tantiec tsadsho ubi caic: Cuessunnenu, cac bëdambo ictsiabi. Aido bëdambo iquec, quiash mibitedi tantiec ubi cuishonquenubi adecbidi cuishonqueta.

Timoteo 2 4:6

Tantia. Chuinu, mado. Nuquin Papan tantiacpadën Nuquin Papa ismequin nëish iua pichicacbimbuec ubi uënëste uëshë nëbi yanec.

Esusën Uan ismiaid 12:11

Nëbi umbi isac Mayan Icsa Satanasën Esus tantiaquido chieshtometiapimbo iquec. Obecabimbuecquid yec abided cuidadec uënësaidën intaquën chieshtotiapimbocquid icmendac. Cuessunnenu, caqui: Esusën iuambo nebi, queshun uënëste dacuëdënenquio icquin abi chuibanendac.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Petedo 2 1:14

Nëbi mibi uënësendac, quequin Nuquin Icbo Esuquidistun tantiamiondashibique. Nëbi uënësendabi.

Hechos 20:37

Aden Nuquin Papa chiec onqueshumbic abitedishun: Uënësquiocnoc chiosh, quequin tantiec shubiquimbi Pabado dayumbededquin tanchoccapondash.

Hechos 5:41

Puduenmiac: Nuquin Papan namiacpaden Esus chuibansho mëyanac bëdambo iquebi, quec cuishonquecuededpanëdash.

Esusën Uan ismiaid 3:10

Umbi chiacpaden utsi uainquio icquin ubi tantiasho issun mibi cudasquin dayun uaindambi. Mayan Icsa Satanasën: Mibi icsamenu, quequin: Tannu, queshun natiamboshë icmendac. Adoshobi mibi cudasquin dayun uaindambi. Adembidi nidaid utsi utsiec yacno tabadquido abitedi natiamendac.

Timoteo 2 1:4

Ubi nidnu, quesho tantiash mibi shubiondaid tantiec mibi iste bunquiebi, mado. Mibi isec cuishonquetsiabi.

Codinto 1 15:31

Cun utsibo, badiadquidën badiadquidënquien ubi cuessunnete utsibo bunec, quequin abimbo chiec nebi. Adembidi abimbo chuiquin: Nuquin Icbo Esuquidistu tantiaquid yanondash, quequin mibitedi tantiec: Bëdambo iquebi, quec cuishonquec tsadebi.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Pidipos 2:26

Aidi mibitedi padpiden iste bunec uënësquio yec tsadposh. Ubi nënec uënëstsembued cun matses chuinuec nidaccosh, quiash shubiantiadtsëcquio icposh.