Hechos 20:22 - El Nuevo Testamento en matsés

²² Aden chuibanshobi Nuquin Papan Mayan Bëdan: Nëbi Edusaden yacno nidta, quequin chuiposhi. Adec aidën chuibocpadequi nidebi. ¿Atotsi ubi Edusaden yacnoshon napatsiashba? quec nidebi.

Hechos 20:22 Referans Kwoze

Santiaco 4:14

Ma adquid badiadash ictequid tantiesa neyoc. Badiadbudnuc pushudquid cuencuempambo icbuedi badedquio nidacbimbuec mibitedi nibëdanendac.

Codinto 2 5:14

Esuquidistun tantiaid icquin ënenquio icquin naden chuibanquid nebi. Matses abitedi tantiec abided cuidadec Esuquidistu abentsëqui uënëspanëdash. Adquid icnuc uënësacbimbuen aid tantiaquid icquin nuqui bunaid nainquio iquendac, quequin nuqui tantiec.

Petedo 2 1:14

Nëbi mibi uënësendac, quequin Nuquin Icbo Esuquidistun tantiamiondashibique. Nëbi uënësendabi.

Hechos 20:16

Ambo choash: Edusaden yacno badedquio nidebi. Adec ambo nidnu, quequin nidaid Asia caid yacno tabadenquio icquin shubu dadpen icquid Epeso datanembi. Isadaidbon aton tiedën caniquid tidico caid bedaid tantiate uëshë chonoc Edusaden yacno badedquio nidash tabadtiadquio iquebi, quequin tantiec Epeso datanembi, quepondash Pabado.

Hechos 19:21

Adashien Pabado: Edusaden yacno nidnu, quequin nidaid Masedonia caid yacnocquido isbidanquin nidaid Acaya caid yacnocquidotsen isbidanec nidec Edusaden yacno nidash tabadashic shubu dadpen icquid Doma caid yacnotsen nidtiadquio iquebi, quequin Pabadon tantiapanëdash.

Hechos 17:16

Adashic Atenas yacno Pabado tabadquin Sidasbëta Timoteo cainec capuquimbi Atenas yacnocquidon papa canun nacnenaid dadpenquio tabëcaid tabadsho isbampanëdash. Adsho isash Pabado uënësquio yampanëdash.

Uanën dada uaid 18:4

Adec chochosho isash bëquedbanec nidquin: Nëbi uënës uamenuen ubi bedmec, quequin ambibi tantiashun Esusën: ¿Tsutsi nibënec ne? caquien:

Uanën dada uaid 13:1

Adashic cun tsusedpabon: Ma cun mado uënësmenquio icnu, queshun obeca caniactsëc cuessunniampid inchësh tantiate nëbi yannuc inchëshën Esusbëd pec tabadpondabi. Adec tabadequi Esus ambibi tantiec: Nëbi matses nianec Cun Pa yacno aidbëd tabadec niduaindabi. Ubi tantiaquido ënenquio icquin tantiembi, quepondash.

Ducas 12:50

Adecbidi: Ubi uënës uanun mëyantequidquio iquendac, quequin uënësquiocquin tantiec: Ëndembi uënës uamepatecnëdani, quec tabadebi.

Ducas 9:51

Adashic Esus abi abuc indote uëshë chote anoentsëqui yannuc: Uënësmane, quenquio yec nidebi, quequin ambibi tantianec Edusaden yacmi niduaic puduampanëdash.