Hechos 20:13 - El Nuevo Testamento en matsés

¹³ Adashic Pabado: Podquedën nidebique. Shubu dadpen icquid Aso yacno nidshun ubi cainta, quianec nidpondash. Adec nidnubi cano dapa antabëdtoanec puduanec nidequi Aso yacno nidannepondabi.

Hechos 20:13 Referans Kwoze

Madcos 6:46

Aden matsestedi nidmianec macuësh tapa yacno Nuquin Papa chiec Esus nidpanëdash.

Madcos 1:35

Adashic badiadte anoentsëqui isucunanec shubu nibëdacno abentsëqui Esus nidpanëdash. Adec nidshun Nuquin Papa chuipanëdash.

Hechos 16:10

Aden tantiash: Nuquin Papan: Nidaid Masedonia caid yacnoshontsen Esus chuibanta, caoshibique. Ambo nidnun nacnennuna, Pabadon cac badedquio buannun nacnembededpondambi.

Hechos 20:5

Aidtedi abia bëyucanec Asia yacno nidec shubu dadpen icquid Todoade yacno chochoash tabadquin ubëta Pabado caimpaccondash.

Hechos 20:12

paëdbued uincuenacsho aton shubuno utsibon buansho isash bëdambo yec cuishonquec nidannepondash.

Hechos 20:14

Adec Aso yacno choshon istuidac Pabado ubitedibëd cano dapa antabëdtoanec nidec shubu dadpen icquid Mitidene yacno nidpondash.