Hechos 20:1 - El Nuevo Testamento en matsés

¹ Natia cuëdcuededbuedo nidannian Esus tantiaquido chochomiash Pabado: Nidaid Masedonia caid yacno niduaibique. Esus tantiec bëdambuec tabadta, quequin chianec Epeso yacnouësh puduanec nidpanëdash.

Hechos 20:1 Referans Kwoze

Codinto 2 7:5

Nidaid Masedonia caid yacno choacsho natiamiac ushtiapimbo iccobi. Esuquidistu tantiesabon chieshënquin natiameposhi. Adoac natiec dacuëdec tabadobi.

Hechos 19:21

Adashien Pabado: Edusaden yacno nidnu, quequin nidaid Masedonia caid yacnocquido isbidanquin nidaid Acaya caid yacnocquidotsen isbidanec nidec Edusaden yacno nidash tabadashic shubu dadpen icquid Doma caid yacnotsen nidtiadquio iquebi, quequin Pabadon tantiapanëdash.

Timoteo 1 1:3

Tantia. Mibi chuinu, mado. Nidaid cuëshë utsi Masedonia caid yacno nidquin umbi chiondacpadquiec Epeso yacno icta. Mibi yacnocquidon: Nuquin Papan Chiaidquio chuinu, quebuedombi aid abimbo chienquio icsho tantiashun naden chuita: Nuquin Papan Chiaid chuiquimbi muaquin ambembi chiaid utsibëta natsusuaquin chuibanenda, cata.

Tesadonica 1 5:26

Ambocquido Esus tantiaquidotedi chuiquin: Pabado chedon nuqui tantiaquiec, quequin chuibanta.

Codinto 1 16:20

Adembidi Esus tantiaquid utsibotedishun: Mibi tantiembi, quequin chiosh. Aden Esus tantiaquido icquin mibi padquid utsibo chuiquin: Mibitedi tantiembi, cabanta.

Codinto 1 16:5

Nidaid cuëshë Masedonia caid matambidanec nidequi shubu dadpen icquid Codinto yacno nidendabi.

Doma 16:16

Esus tantiaquido yec utsibobëd: Mibi tantiembi, cananta. Adembidi nëmbo icquido Esuquidistu tantiaquidtedishun mibitedi caic: Mibi tantiembi, quiosh.

Hechos 20:37

Aden Nuquin Papa chiec onqueshumbic abitedishun: Uënësquiocnoc chiosh, quequin tantiec shubiquimbi Pabado dayumbededquin tanchoccapondash.

Hechos 20:10

Adnubien Pabadotsen budquin dayumbudec: Uënësbuedi abi tiboquianeque. Natiec shubicuededenda, quepondash.

Hechos 16:9

Ambo choash tabadquin inchëshën ushquin isacbimbuen nidaid Masedonia caid yacnocquid dada abentsëc nadec onquesho Pabadon ispanëdash: Ubitedi tantiaquin nashunec cho, quec onquesho tantiapanëdash.

Hechos 11:26

Saudo istuidash Antioquia yacno aidbëdi Bednabe chopanëdash. Ambo choash seta abentsëc matanmec ambocquid Esus tantiaquidobëd iccuededquin Esusën naid chuibanquin aid daëdshun tantiamepanëdash. Aden chuiban chuibanac Esus tantiaquid dadpen yansho issun: Quidistubo nec, quequin tauaquin Antioquia yacnoshon cuëmbempanëdash.

Codinto 2 13:12

Mibi tantiembi, mibitedi cananta. Adembidi ubëd icquidon mibi tantiaquin: Aido tantiembi, quiosh, cata, caoshi.

Hechos 16:12

Auëshquio puduanec nidequi nidaid cuëshë Masedonia caidën icquid shubu dadpen icquid Pidipos yacno Doma yacnocquido dadpenquio tabadacno choash daëdpactsëc ushec tabadpondabi.

Hechos 20:2

Auëshquio puduanec nidquimbi nidaid Masedonia caid yacnocquid Esus tantiaquido iccuededacno iccuededacnombuen chiec: Chieshtoenquio icquin Esus tantiata, quequin aden bëdambo icmequin chuibidanec nidaid Quedesia caid yacno nidpanëdash Pabado.

Hechos 20:3

Ambo nidash uëshë 3ted nidmec tabadash: Nidaid Sidia caid yacnotsen cano dapa antabëdtoanec nidebi, quepanëdash. Adsho tantiashun: Cano dapan nidsho Pabado cuessunnenu, quequin isadaidbon mibi cainec, cac nidaid Masedonia caid yacno aucbidi nidec Pabado podquiedën niduapanëdash.

Doma 15:19

Nuquin Papan Mayan Bëdan tantiamiacpadombuen nadatiambocquin nabanquin ismiondambi. Adosho issun dadpenshun Esus tantiabenshun Nuquin Papan chiacpadombuen natiadquio yanondash. Shubu dadpen icquid Edusaden yacnouësh nidquin shubu dadpen icquid yacno yacnombuen chuibennequin nidaid cuëshë utsi Ididia caid yacno cuëscaquin Esuquidistun naid Chiaid Bëda chuibanondambi.