Hechos 2:46 - El Nuevo Testamento en matsés

⁴⁶ Adecbidi badiadquidën badiadquidënquiec Nuquin Papa tabadte shubu dapa yacno nidash iccuededpanëdash. Adecbidi shubu utsi utsiec yacno nidash iccuededquin Esus uënës uaid tantiaquin pan cuëshcuëshshun pebededpanëdash. Adecbidi bundoshon pete pec cuishonquecuededuapanëdash.

Hechos 2:46 Referans Kwoze

Hechos 5:42

Adshumbic badiadquidën badiadquidënquien Nuquin Papa tabadte shubu dapa tsicatiacnoshon puduedshun matses tantiamequin Chiaid Bëda naden chuibampanëdash: Nuquin Papan Chomiaidquio Quidistu quequin Mesias caid Esus nec, quepanëdash. Adec chiannec shubun shubunquiec puduedcuennequin adembidi chuibampanëdash.

Hechos 2:42

Aden Esus tantiabenshun Esusën: Ubi chuibenneta, caidon Esus chuibansho tantiec abëd icquido menenanec tabadquimbi Esus uënësaid tantiaquin actequid acshun pan cuëshë pebededtednepanëdash. Adembidi Nuquin Papa chiannepanëdash.

Hechos 20:7

Ambo tabadequi dominco inchëshën Esus tantiaquidobëd iccuededquin abëd icquidobëtan Pabadon Esus uënës uaid tantiaquin pan cuëshcuëshshun pebededpondash. Aden piashic Pabado: Badiadash nidebi, quiash inchësh poctsembo yantsëcquiec iuec onquepondash.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Hechos 16:34

Aden mentoac aton shubuno buanshun pemepanëdash. Adashic Nuquin Papan Chiaid abimbo tantiaquid yec: Ambi bëdambo icmiaido nebi, quiash seshunniadtsembued aton shubun icquidobëd cuishonquecuededpanëdash.

Codosas 3:22

Iuabon, nidaidënshun mibi iuaquidën chiacpaden nabanta. Aidën: Naden na, quequin chuishun isnuc nabanta. Mibi iuaquidën isenquiocnobi adombuembidi nabanuata. Aden nabansho mibi bëdambuen isendac. Cun Icbo Esuquidistun ubi isec, queshun aden nabanta.

Doma 12:8

Utsibic: Utsibo chieshtomenquio icquin Esus tantiameta, quequin chuiquid icquin: Bëdambuec tabadnuna, quequin chuibanta. Utsibic atona nibëdquido menequid icta, caid icquin cudasenquio icquin menianneta. Utsibic Esus tantiaquidon chuiquid icta, caid icquin Nuquin Papan namiacpadombuen Esus tantiaquido bëdambuen tantiaquin nabanmeta chieshenquio icquin. Utsibic daicsaido yec isedanquido yec aton shubu nibëdquido yec aton pete nibëdquido yec macho yec tsësio yec quesho bëdambuen nashunquid icta, caid icquin cuishonquequin nashumbanta.

Ducas 24:53

Adec chochoash tabadquin Nuquin Papa tabadte shubu dapa yacno badiadquidën badiadquidënquiec nidted nidtedquin Nuquin Papan naid cuëdënquin chuidednepanëdash.

Codinto 2 11:3

Umbi chuibanac Esuquidistu tantiabuedombi nisi bëdambo isadacbimbuecquidën muaquin chiac Eban Nuquin Papan Chiaid niacquin tantienquio icpampicpaden muaquin chuibanac mimbi Esuquidistu tantienquio yampanundac, quec natiec tsadebi.

Hechos 5:21

Badiadnuc Nuquin Papa tabadte shubu dapa tsicatiaidën puduedshun quënën tsadunmiacsho puduenmiaido Nuquin Papabëd tabadte chuibanuaic tabadpanëdash. Adnubien nëish iua cuessunneshun pichicaquidon chuiquid tapambo yec abëd icquid yec saduseobo yec isadaidbo tsësiobo yec quenuc chochomiash onquecuededshun: Esus chuibennequido ubitedishun quënën tsadunmebuedo bedtan, cac

Hechos 3:1

Adnubien uëshë budec 3 yannuc aton matses isadaidbon nadedniacpadec Petedobëd Uan Nuquin Papa tabadte shubu dapa yacno Nuquin Papa chiec nidpanëdash.

Ducas 24:30

Adshumbic nuntan tabadquin pete tabëcte dayun abëdi tsadquin pan bedshun: Mimbi pete uaid bëdambo iquec, Papa, quequin Nuquin Papa chuishun cuështanquin Esusën abidaëdi menepanëdash.

Mateo 6:22

Adshumbic abi macuësh tapa poctse tsadquin utsitsen Esusën naden chuiuapanëdash: Min tantiaten bëdambuen tantiaquin Nuquin Papa tantiaquiec mitsanauidi tantienquio yec mibi bëdambuec tabadendac.

Epeso 6:5

Tantia, iuabo. Mibitedi chuinu. Nidaidënshun mibi iuaquid yec min icbo neque. Aidën chiacpadombuen nabanta. Chieshënenquio icquin bëdambuen isquin nashunta. Esuquidistu nidaidën icsho nashunacbimbuen mibi iuaquidën chiacpadombuen nabanta.

Ducas 11:41

Atona nibëdquid tantiaquin menededneta. Aden mimbi menedednesho issun Nuquin Papan mibi bëdambuen isendac, quepanëdash Esus.

Codinto 1 10:16

Nuquin Icbo Esus abided cuidadec uënësaid tantiec iccuededquin actsëcnun Nuquin Papa chuishun Esuquidistun intac acacbimbuen nuquitedi acbededpec. Adembidi petempi cuësh cuështsëcshun pequin Esuquidistun dada piacbimbuen nuquitedi pebededpec.