Hechos 2:40 - El Nuevo Testamento en matsés

⁴⁰ Aden iuen bëdambuen chuibanequi: Nuquin matses isadaidbo Esus tantiesabo icnubi mimbi icsambuen naid ënash Esus tantiaquidquio icta, quequin chuibudquin Petedon ëmpanëdash.

Hechos 2:40 Referans Kwoze

Pidipos 2:15

Esus tantiaquido icsambo iquec, utsibo quenushe. Adenda. Nuquin Papan: Cun mado nec, cun champi nec, caido yec bëdambuec tabadta. Matses dadpenquio abi icsate bunacpadequi icsamboshëcquido icnubi adequi bëdambuec tabadta. Adec tabadquin icsambo icquido mimbi Esus tantiametsiac paposhquiacbimbuecnuc. Aden nabanec mibitedi bëdambuec tabadendac.

Timoteo 1 4:16

Nuquin Papan Chiaid niacmane, quec mibibi datantiadec: ¿Adabi bëdambuec tabadpeba? ¿Adambi Nuquin Papan Chiaidquio muainquio icquin chuibampoba? quec mibibi tantiadta, mado. Bëdambuec tabadquin Nuquin Papan Chiaidquio ënenquio icquin chuibanta. Aden Nuquin Papan chiacpadombuen chuibanash Aidbëd mibi tabadendac. Mimbi chuibansho bëdambuen tantiaquidotedi adecbidi Esusbëd tabaduaindac.

Epeso 4:17

Nëbi Nuquin Icbo Esuquidistun namiaid icquin aidën tantiamiacpadombuen mibitedi chuinu: Nuquin Papa tantiesabo yec icsambuec tabadacpadec tabadenda. Aidon ambi icsambuen tantiacpadombuenuidi tantiaquin nabanec.

Codinto 2 6:17

Nadembidi chuiquin Nuquin Icbon dada uamepampic: Ubi tantiesabobëd tabadenquio yec cuenta. Umbi: Mishtemaid nec, caid mishenda. Adec icsambuen nainquio yec tabad. Adquid: Ubëd iquec cho, caindambi.

Mateo 17:17

Esusën abëd icquidobëta ambo icquidotedi naden chuipondash: Umbi nadatiambo icquin nabanquin dadpen ismiaqui mimbi ubi tantienquio iquec. Icsambuen tantiaquid yec icsambuec tabadquido mibitedi nec. Mibitedishun tantienquiocsho isash ¿tedectsibi mibëd icpe? ¿Mitsipadombuembimbi chieshtoenquio icquin mibi chuibudpe? quetanquin: Min mado bec cho, capondash.

Mateo 16:4

Nuquin Papan Chiaid niac niacquido yec mibitedi icsamboshë icquido nec. Adquido iquequi ubi tantiate bunenquio icquimbi: Nadatiambo icquin nabanquin ubi isme, mimbi ubi capec. Adsho nëbi mibitedi ismenquio iquembi. Iuecshumbimbi mibi ismendac. Nuquin Papan ambi oncamiaid Onas nampicpadombuen naquin ismendambi, quianec aido nianec Esus nidpondash.

Cadasia 5:3

Tantia. Padpiden chuiuanu. Aden Moisesën chiampid naquin shui dëbid dëtemequidën Nuquin Papa bëdambuen ismenuen ambi Moises chuiquin dada uamiampidtedi naquido nendac.

Hechos 28:23

Aden Pabadon tantiaid tantianuec: Nëidted ushash padpidec chouaindabi, quianec nidannepondash chuiquido. Adec nidanniash ambi chiactedec ushash Pabado tabadacno isadaidbon chuiquidobëd utsibo dadpen chochopondash. Adec chochoash tabadsho issun aido tantiamequin: Nuquin Papan namiacno tabadte iquec, quequin Esus tantiaquid icmenu, quequin Nuquin Papan: Naden nata, quequin Moises dada uamiampidbëta Nuquin Papan oncamiaido chuiquin dada uampid chuibampanëdash. Aden chuibanquin badiadnuc chuiquin bedanshun inchëshbudtsëqui chuibanquin Pabadon ëmpondash.

Mateo 23:33

Adashic abi padiseobo chiec: Nisibimbuecquido yec icsa uanquido mibitedi nec. Adquido icsho Nuquin Papan chian annëdënquiacno nësecaquin mibitedi cuentiapimbo icnuc cuidendac.

Petedo 1 5:12

Umbi daëdpactsëc chuiquin Sidbano dada uamebued mibi yacno buanmembi: Ma mibitedishun isnu, queshun. Aidi chieshtoenquio icquin Esus tantiaquidquio icsho umbi cun utsi caid nec. Ma nëid isash: Ubitedi tantiaquidquio icquin Nuquin Papan ubitedi bëdambuen isquin bëdambo icmec, quequin ma tantianu, quequin abimbo mibitedi chuibanondambique. Chieshtoenquio icquin Nuquin Papa tantiec tabadta.

Tesadonica 1 2:11

Amën aton mado: Naden na, quequin nëishmenquio icquin bëdambuen chiacbimbuen mibitedi abentse abentsen bëdambo icmenuen bëdambuen chuibanondambi. Adembidi mibitedi shubisho isash uënësquiocquimbi mibi bëdambo icmiondambi.

Codinto 2 5:20

Esuquidistun: Umbi naid chuibenneta, caido ubitedi nebi. Adquido icquin umbi chuibannubi Nuquin Papan: Aidon chiaid tantiata, caido icquin abi tantiaquid yanshun: Umbi icsambuen naid bedshunash Esuquidistu abided cuidadpanëdash, quequin Nuquin Papabëd tabadte bunquin mimbi icsambuen naid ënshun Esuquidistu tantiaquiota.

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Ducas 21:36

Ënenquio icquin aid uëshë chote cainec tabadquin Nuquin Papa naden chuidoneta: Chieshtomenquio icquin mibi tantiaquidquio ubi icmeta, Papa. Adembidi natiamequin cuidte uëshë choec, queshun ubi mënchicta, Papa. Aid uëshë chonoc ubi bedshun mimbi Chomiaid Matsesën Tishaid bëisquid ubi icmeta, Papa, quequin chianneta, capanëdash Esusën.

Madcos 8:38

Esus tantiaquid yec ambi chiaid tantiaquid nebi, quequid icquimbi ubi tantiesabo icsambuec tabadquido dacuëdënquin ubi caic: Aid tantiaquid nebi, catiapimbocquid icsho isash nadendabi. Matsesën Tishaid icshobi Nuquin Papa nadatiambocquidquio icquin abitedishun Icbombo icmiac Cun Pabëd icquido bëdamboshëcquidobëd choshon nidaidënshun umbitsen: Nëid ubi tantiaquid nec, cauatiapimbo iquendabi, quepanëdash Esus.

Hechos 20:21

Nuquin Papa tantiabenquin mimbi icsambuen nabanaid ënshun Nuquin Icbo Esuquidistu tantiaquid icta, quequin isadaidbobëta isadaidpembo chuibanondambi.

Uanën dada uaid 21:25

Esusën naid abitedimbo chuiquin dada uambo iccombi. Ambi naidbëta ambi chuibanaid abitedimbo chuiquin dada uaquin dadauate dadpenquioshë naimbudnequin dada uaid icnuc matses ¿mitsimbo tabadtiapimbo ictsiash? Aidted chuiquin dada uaombi.

Hechos 20:11

Aden chiash abuc quënë yacno padpidec dectatouashun pan cuëshcuëshshun abitedishumbi pebededpondash. Aden piash tabadec Pabado ambi badiadtsëcquiec onquepondash. Adec badiadnubi abëd icquidobëd Pabado shubu nuntanuësh puduennubien

Hechos 20:9

Adec Pabado iuec onquenubi cania Eutico cuëmëdquid abucquid iste shëcuë yacno tsadec ushcastoash ushtotanec abucuëshquio paëdpaccondash. Adec paëdsho isash budbudshun uënësacsho isbededpondash.

Hechos 20:2

Auëshquio puduanec nidquimbi nidaid Masedonia caid yacnocquid Esus tantiaquido iccuededacno iccuededacnombuen chiec: Chieshtoenquio icquin Esus tantiata, quequin aden bëdambo icmequin chuibidanec nidaid Quedesia caid yacno nidpanëdash Pabado.

Hechos 15:32

Adnubien Udasbëtan Sidasën Nuquin Papan oncamiaido icquin Nuquin Papan Chiaid chuibanquin Antioquia yacnocquid Esus tantiaquido: Chieshtoenquio ictsiabi, camenuen bëdambo icmequin tantiamepanëdash.

Hechos 10:42

Abëd icshobi: Ubi chuibanquin naden chuiban: Matses cuidte chuibanquid Nuquin Papan icmioshi. Uënësaidobëta uënësabicquido abitedi aden chiendambi. Bëdambocquid ubëd tabadmequimbi icsambuen naquido cuidmendambi, quequin Umbi Chiaid chuibanta, Esusën caondaid nebi.

Mateo 12:34

Ma mibitedi nisibimbuecquido neyoc. Adquido icquin ¿Mitsipaden bëdambuen tantiaquin mimbi chuibampe? Ma mimbi icsambuen tantiaquin utsibo icsambuen chuishumboc.

Ducas 16:28

Cun utsibo 5ted uënësabi yec nidaidën tabadeque. Cun utsibo nëmbo ubi mëyadacno chonoshe, queshun ma aido chuinu. Nidmeta, papa, queposh atona dadpen icbued.

Hechos 4:36

Adecbidi tsusedpa Debin tsiuecquid acte utsi nënantanquio nidaid nacnëdquid Chipide caid yacnoshon tishaid Edusaden yacno choash Ose tabadpanëdash. Aidi: Utsibo shubisho issun bëdambo icmequid nec, quequin Bednabe cuëmpanëdash Esus chuibennequidon.