Hechos 2:31 - El Nuevo Testamento en matsés

³¹ Aden Nuquin Papan nanun chiaid tantiaquin Esus uincuente isacbimbuen dada uaquin: Nuquin Papan Chomiaid Quidistu uënësacsho chococaqui aton nami chodquenquio yec uincuenendac, quequin Dabidën chuipampic.

Hechos 2:31 Referans Kwoze

Hechos 2:27

Ënenquio icquin umbi chiacpadombuen naquidquio nec, queshun mimbi ubi uënës uacsho cun dada chodcamenquio icquin ubi uincuenmendac.

Hechos 13:35

Ambi chuiquin dada uamiampid utsi nad iquec: Mimbi namiaid icsaisa icsho aton nami chodquesa mimbi icmendac, quequin Nuquin Papan Dabid chuimepampic.

Mateo 11:23

Adembidi nëmbo icquido Capednaun yacnocquidotedi chiec: Nuquin Papa yacno tabadtequido nebi ¿quecta mibitedi ique? Tantia. Chuinu. Ma mibitedi Nuquin Papan chian annëdënquiacno nësecatequidombo nepayoc. Ëndenquimboshë shubu dadpen icquid Sodoma yacnocquido cuidquin Nuquin Papan nibëdanmepampic. Umbi nadatiambocquin nabanquin mibitedi ismebocpadombuen ismiac aidon ambi icsambuen naid ëntsempampic. Aden abi icsaid ënsho Nuquin Papan aido cuidenquio icac nëbi aton matses abi ictsiash.

Codinto 1 15:4

Uënësacsho shëcuë nacnenaidën nauedshun bëtashac daëdec ushtanec Nuquin Papan chuiquin dada uamiampicpadequi uincuempanëdash.

Cadasia 3:8

Isadaidpembotsen Nuquin Papa tantiaquido yanendac, quequin naden ëndenquimbo Nuquin Papan Abadauan chuipampic: Nidaid utsi utsiec yacno tabadquidontsen min tsiuecquid abentsëc tantiasho icsaisabimbuecnuc bëdambuen isendambi, quequin chiampid cun tsusedpan dada uapampic.