Hechos 2:27 - El Nuevo Testamento en matsés

²⁷ Ënenquio icquin umbi chiacpadombuen naquidquio nec, queshun mimbi ubi uënës uacsho cun dada chodcamenquio icquin ubi uincuenmendac.

Hechos 2:27 Referans Kwoze

Hechos 2:31

Aden Nuquin Papan nanun chiaid tantiaquin Esus uincuente isacbimbuen dada uaquin: Nuquin Papan Chomiaid Quidistu uënësacsho chococaqui aton nami chodquenquio yec uincuenendac, quequin Dabidën chuipampic.

Esusën Uan ismiaid 1:18

Nëbi adquid iquec abi iquebi. Adquid iquequi uënëspobi. Adbuedi nëbi uincuenash uënëstiapimbo icquid nebi. Adquid yec uënëstequidën Icbombo nebi, queposh.

Esusën Uan ismiaid 20:13

Uënësaid abitedimbo icposh. Utsi utsiec uënësacsho acte dapa mad caid nëniaid uincuenmiaido neposh. Utsi utsiec nidaidën chococaid neposh. Adsho aidon nabanaidtedi tantiaquin abimbo chuiquin abi tantiaquido abëdi tabadmequimbi abi tantiesabo Nuquin Papan cuidposh.

Codinto 1 15:55

Adquid icmian ¿mitsimbo uënëstequid istuidpec? Aid dëniacac nibëdquiec. Adembidi ¿mitsimbo uënësmiantequidën chishpi istuidpec? Aid chicac nibëdquiec, quequin chuipampic.

Codinto 1 15:52

Ambi namiaidën abucshun ënquin shoncanubi ëshë badedquio bëchicquetanacbimbuec badedquio uënësaidotedi uincuenendac. Adash padpidec uënësenquio iquendac. Nuquitedi dada chuca uaquin uënësesa Nuquin Papan icmendac.

Uanën dada uaid 11:39

Adashien Esus: Cuënote dapa bidiacquin shëcuë shëcne, quepondash. Adsho tantiash uënësaidën chuchu Madta: Padi, Icbo. Ënden pisenashe. Chococash mabi 3tedec ushboc, capondash.

Esusën Uan ismiaid 3:7

Padpiden naden chuiuaposhi: Pidadedpia yacnoshon ubi chuibanquidën iste chuinu. Dada uata. Tantia, Pidadedpia yacnocquido. Icsaisambo yec abimbo chuiquidquio icquin Nuquin Papan Chomiaidën naden chuiposhi: Cun tsusedpa Dabid yampicpadquid matses namequidquio yec aid abentsëqui Nuquin Papa yacno puduedmianquid Mesias nec, utsibon: Padi, catiapimbo icnuc. Umbi shëcniaid utsin shëcnandotiapimbo iquec. Adembidi umbi shëcnandoaid utsin shëcnetiapimbo iquec.

Uan 1 2:20

Esuquidistu icsaisambo yec Nuquin Papan madombo nec. Adquid icquin: Nëid cuna nec, quequin aton Mayan meniac abimbo chiaid tantiaquido mibitedi nendac.

Ducas 4:34

Nasaded yacnocquid Esus caid ¿atotsi quec nëmbo cho? ¿Ubipadquidtedi nibëdquio icmenuecta cho? Umbi isaidquio mibi nec. Nuquin Papan Mado Icsaisambo mibi nec, caquien

Ducas 1:35

Adsho tantiashumbien: Nuquin Papan Mayan Bëda budshun mibi usundomiac mimbi bacuë tishendac. Aden Nadatiambocquidën naidënquio usundomiaid icquin mimbi tishendac. Aden tishaid icsho: Nuquin Papa Nadatiambocquidën Madombo yec bëdamboshëcquidquio nec, utsibon cabededendac.

Madcos 1:24

Nasaded yacnocquid Esus caid ¿atotsi quec nëmbo cho? ¿Ubipadquidtedi nibëdquio icmenuecta cho? Umbi isaidquio mibi nec. Nuquin Papan bëdambuen isaidquio yec Icsaisambo mibi nec, quepanëdash.

Mateo 11:23

Adembidi nëmbo icquido Capednaun yacnocquidotedi chiec: Nuquin Papa yacno tabadtequido nebi ¿quecta mibitedi ique? Tantia. Chuinu. Ma mibitedi Nuquin Papan chian annëdënquiacno nësecatequidombo nepayoc. Ëndenquimboshë shubu dadpen icquid Sodoma yacnocquido cuidquin Nuquin Papan nibëdanmepampic. Umbi nadatiambocquin nabanquin mibitedi ismebocpadombuen ismiac aidon ambi icsambuen naid ëntsempampic. Aden abi icsaid ënsho Nuquin Papan aido cuidenquio icac nëbi aton matses abi ictsiash.

Hechos 4:27

Aden chiaid mimbi Dabid dada uamiampicpadembi nëbi Edusaden yacno isadaidpembon chuiquid daëd Edodesbëd Ponsio Pidato aton matsesbëd icnubi isadaidbo chedo iccuededquin Mimbi Chomiaid icsaisambo Esus mimbi Mesias icmiaid chieshënquin uënës uamenuec onqueuapanëdash.

Hechos 3:14

Esus icsaisa yec bëdamboshëcquid nec, quequin utsin tantianubi aid bunenquio icquin: Chieshëmënec cuessunnianquid quënën tsadunaid chicquin Esusded cuidta, quequin mibitedishun chuipondac.

Ducas 16:23

Adoac chian annëdënquiacnouësh mëyadquin abuc isquimbi atona nibëdquid uënësbuedi Dasado Abadauanën dayunquio tsadsho isposh.

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Hechos 2:26

Ubi adoquid nec, quiash bëdambo yec cuishonquec cuëdënebi. Ubi dayun uaquin ubi bëdambuen namec, quequin tantiec natiec tabadenquio iquebi.

Hechos 2:28

Nadec bëdambuec tabadtsiash, quequin mimbi ubi bëdambuen tantiamec. Mibëd iquec bëdambo yec cuishonquec tabadebi, quequin Dabidën dada uapampic.