Hechos 2:22 - El Nuevo Testamento en matsés

²² Adembidi Nuquin Papan Chomiaid chuinu. Tantiata, isadaidbo. Nasaded caid yacnouësh caniquid Esus Nuquin Papan Chomiaid icquin nadatiambocquin nabanquin dadpen ismebansho mimbi isondac.

Hechos 2:22 Referans Kwoze

Uanën dada uaid 3:2

Aidi inchëshën Esusbëd onquenuec chopanëdash. Adec choshon: Nuquin Papan namiaid icquimbien bëdambuen chuibanquin naic, quequin mibi tantiombi. Mimbi nadatiambocquin nabansho issun: Nuquin Papan namiaidënuidtsëquien aden nabantsiash, mibi caombi, quepanëdash Nicodemo.

Hechos 4:10

Tantia, isadaidbotedi, nëid dada caputiapimbocquid Esuquidistu Nasaded yacno iccondaidën nadatiambocquin bëdanmiaid nec. Aidi mibitedishun cueste napotiaidën dectanquin uënës uamiacsho Nuquin Papan uincuenmiaidën bëdanmiac nëid caputiapimbocbuedi nëbi nidtoash capusho mimbi isec.

Ducas 11:20

Nuquin Papan nadatiambocquin namiac podobitsi icsa dapuduenmequid yec ¿ambi Chomiaidquio Nuquin Papan namiacno matses tabadmequid mibitedi yacno ënden choabida ictic? quepanëdash Esus.

Mateo 12:28

Nuquin Papan Mayanën nadatiambocquin namiac podobitsi icsa dapuduenmequid iquec ¿ambi Chomiaidquio Nuquin Papan namiacno matses tabadmequid mibitedi yacno ënden choabida ictic? quepondash Esus.

Mateo 9:8

Adosho isash dacuëdtanequien: Adquidshenda icpec. Nuquin Papan namiaid icquimbien nachitec. Abi namequid Nuquin Papa bëdambo iquec, quecuededpanëdash isquido.

Ebedeo 2:4

Aden chuibanaid abimbo iquec, camequin Nuquin Papan matsesën natiapimbo ictequid ismiantequid ismequimbi nadatiambocquin nabanquin nënquido bëdanmequin tantiamepanëdash. Adoshombic aton Mayan Bëda abi tantiaquido menequin abi bunacpaden ubitedi namepondash.

Codinto 2 12:12

Natiamiaqui chieshtoenquio icquin Esuquidistu umbi chuibansho mibitedishun tantiapondac. Adembidi Nuquin Papan namiac nadatiambocquin umbi nabansho mibitedishun isbededpondac. Adosho issun Esuquidistun: Ubi chuibenneta, caidquio Pabado nec, quequin chuitiadquidëmbi padenquio mimbi icpondac.

Hechos 26:26

Chuiquid tapa Aquidipan umbi chuibambued: Abimbo caic, quequin tantiec. Aden tantiasho dacuëdenquio icquin aid chiec nebi. Umbi chuibambued ompoenquio icquin utsibon chuisho aidëmbi tantiapanëdash.

Hechos 26:9

Ënden shubu dadpen icquid Nasaded yacno icnëdaid Esus tantiaquido: Icsambocquid neque. Cuessunnemembi, quequin tantiapondambi.

Hechos 24:5

Nëid dada mimbi bëmebued icsambocquid nec. Adquid iquec Nasaded yacno iccondaid tantiaquidon chuiquid nec. Aidëmbi nidaid utsi utsiec yacno nidshun ambi tantiaid chuibanquin isadaidbo cumapenen chushcananmequin cuëdcuededmiac cuëshëdcuededpac caosh.

Hechos 22:8

Adoaquimbi: ¿Tsutsi ne? capondac. Adoaquien: Nasaded yacno iccondaid mimbi mëyanaid Esus nebi, capondashi.

Hechos 21:28

Isadaidbotedishun tantiata. Nëid dada: Isadaidbon icsambuen naic, quequin: Nuquin Papan: Naden nata, quequin Moises chuiquin dada uamiampid icsambo icquid nec, caosh. Adembidi Nuquin Papa tabadte shubu dapa icsambo iquec, quequin chuiquid icquin Nuquin Papa tabadte shubu dapan puduedtemaid isadaidpembo iuedquin nëid shubu bëdamboshëcquid icsa uamebued neque. Bednu. Uidën uata, quec abimbo chiacbimbuec cuëdcuededpanëdash.

Hechos 14:27

Ambo choash tabadquin ambo icquid Esus tantiaquidobëd iccuededquin Nuquin Papan tantiamiacpaden abi capucuenniacnoshon ambi nabanaidtedi Pabadobëtan Bednaben chuibampanëdash. Isadaidpembo dadpen Esus tantiaquid yamposh, quequin chuibampanëdash.

Hechos 13:16

Adoaquien abi tsadacnouëshi nidtoash otacquio tabadmenuen mëdante uic uiccashun Pabadon: Nuquin Papa tantiaquido icsho Nuquin Papan naid mibi chuibannu. Tantiaquiota, isadaidbo. Adembidi Nuquin Papa tantiaquido icquin matses utsibontsen tantiata.

Hechos 6:14

Naden Estebanën chioshe. Tantia: Nasaded yacno iccondaid Esus caidën Nuquin Papa tabadte shubu dapa chic chiquendac. Adembidi nuquin tsusedpa Moisesën: Naden nata, quequin dada uaquin chiampid utsi uaquin namenu, quequid nec, quequin Estebanën chuibanosh, quequin muaquin chuipanëdash.

Hechos 5:35

buanan naden chuipanëdash: Cun matses isadaidbo, icsambuen namane, queshun bëdambuen tantiaquioshon nata.

Hechos 3:12

Adec tabadsho issun Petedon naden chuibampanëdash: Cun matses isadaidbo ¿Atotsi quiash: Padtec, quequin ubi daëdi mibitedishun bëise? ¿Ubi daëdshun nacta nëid capupadic? ¿Ubi bëdambocquid icquindambi nadatiambocquin nadio?

Uanën dada uaid 19:19

Adnubien Pidaton: Nasaded yacnouësh caniquid yec Esus isadaidbon chuiquid tapa nec, quequin cueste pada uaidën dada uapanëdash. Aton matses Doma yacnocquidon onqueten dada uaquinc ebedeon onqueten dada uaquinc quidiecon onqueten dada uaquinc catanquin Esus dectanaid cuesten Esusën mapi abuctsëc dectanmepanëdash. Aid dectanaid shubu dadpen icquid Edusaden anoentsëqui icsho cun matses dadpen aid dada uaid isec onquepondash.

Uanën dada uaid 15:24

Adembidi Nuquin Papa yacnouësh choambo icquin umbi nadatiambocquin nabanquin aido ismiabi icnuc Nuquin Papan: Cun Mado chieshënec mibi icsambo iquec, cainquio ictsenosh. Mambi utsibon nabanacmaidquio nabamboc. Aden nabansho issumbi ubi chieshënquin Cun Patsen chieshënec.

Uanën dada uaid 12:17

Ënden uënësaidi Esusën Dasado uincuenmesho isbuedon: Uënësaidi uincuenmesho isombi, quequin matses dadpen chuibennepanëdash.

Uanën dada uaid 11:47

Adsho tantiatanequien nëish iua cuessunneshun pichicaquidon chuiquido yec padiseobo yec Moises dada uamiampid tantiamequido yec isadaidbon chuiquid utsibo yec quenuc chochomiash tabadec nadec onquecuededpanëdash: ¿Mitsipadotiad? Nuquin matses ismequin nadatiambocquin dadpen nabanac caoshe.

Uanën dada uaid 10:37

Cun Pan nadatiambocquin namiacpadombuen nabanenquio icsho issun mibitedishun ubi tantiashunenda.

Uanën dada uaid 9:33

Nuquin Papan chomiacmaid icquin Esusën ubi aden bëdanmenquio ictsenosh, quepanëdash bëshuacbued.

Uanën dada uaid 7:31

Adec Esus cuessunnemete bunnubi utsibo dadpenshun Esus tantiabempondash. Nëid padquid utsi nibëdec. Nadatiambocquin nabanquin matses bëdanmequid yec Nuquin Papan Chomiaid Quidistu caid nec, queshun Esus tantiabempondash.

Uanën dada uaid 6:27

Peteuidtsëqui tantiaquin pete bednuen naquidquio mibi nec. Aidquio chodquetequid neque. Chodquetiapimbo icquid tantiaquin bëdambuen nata. Aden nash Nuquin Papabëd ënëdenquio yec tabadtequid mibi yantsiandac. Nuquin Papan: Umbi chomiaidquio yec Matsesën Tishaid neque. Ismenu, quequin Aidën namiacpadombuen mibi ismequin nadatiambocquin nabanombi, quepondash Esus.

Uanën dada uaid 6:14

Aden pemiaquien ambi pemiaido: Nadatiambocquin nabanquin Esusën pete dadpenquio icmiosh. Aidi Nuquin Papan ambi oncamiaid bëdamboshëcquid chomendac, campidien nec, quecuededpanëdash Esus tantiamenquio iquec.

Uanën dada uaid 5:36

Adquid Uan icnuc ubi abimbo chuiquin tantiamequidquio abi utsi iquec. Aidëmbi: Matses ismenu, queshun nadatiambocquin nabanquidquio icmepondashi. Ambi chomiaid icquin Nuquin Papan namiacpadombuen nadatiambocquin nabanquin umbi ismesho isash: Ai, aidi nec, queshun ubi tantiatiadquidi mibitedi nec.

Uanën dada uaid 4:48

Adoaqui badedi nidenquio yec abi datsidadquido chiec: Ubimbo mibitedishun tantienquio iquec. Umbi nadatiambocquin nabansho issunuidtsëqui: Nuquin Papan Chomiaidien nechitec, quequin mimbi tantiec, quepondash Esus.

Uanën dada uaid 1:45

Esusbëd icquid yanash Natanaed chiec Uedipe nidpondash. Adec nidquin istuidshumbien: Isec cho. Moisesbëtan Nuquin Papan oncamiaidon chuiquin: Bëdamboshëcquid choendac, quequin dada uaquin chiampid iccoshe. En isec cho. Aidi shubu dadpen icquid Nasaded caid yacnouësh caniquid Esus Osen mado nioshe, capanëdash.

Ducas 24:18

Adec nidtuidshun Quedeopas cuëmëdquidën: ¿Edusaden yacno icquimbi ashunquio nabued mimbida tantiambo icco? quepanëdash Esus caic.

Mateo 2:23

Adec nidec shubu dadpen icquid Nasaded yacno choash ambobi tabadpanëdash. Nasaded yacnocquid Nuquin Papan Chomiaid nendac, quequin Nuquin Papan oncamiaidon chuiquin dada uampicpadec ambo tabadequi Esus canipanëdash.

Hechos 2:19

Adnubi abucuësh uinsadpambo ictequid icnubi nidaidënshun istequid intac yec nëdënquequid yec nidaidën abembi pushudquid yec quenuc adquidtedi mibi ismendambi.

Hechos 2:43

Adec tabadcuededquimbi Esusën: Ubi chuibenneta, caidon nadatiambocquin nabampanëdash. Adosho isash abitedi tantiadempambo yec tabadpanëdash.

Hechos 3:6

Petedon: Piucquid cuna nibëdec. Umbi tantiaid Esuquidistu Nasaded yacno iccondaidën bëdanmiacpadec bëdanec nidtoash nidec nid, capanëdash.

Ducas 18:37

Adoaquien abentsëcshun: Nasaded yacnouësh choquid Esus cuenec nec, capanëdash.