Hechos 19:26 - El Nuevo Testamento en matsés

²⁶ Aden nanubi nidaid utsi yacnouësh Pabado cuëmëdquid nëmbo choshon cumapenen naden chuibanec: Adtemisabimbuecnuc nacnenaid tiboquesa iquec. Adquid matsesën tantiaid abimbo ictiapimbo iqueque. Aid tantienda, quequin chuibanac Epeso yacnocquidobëtan nidaid cuëshë Asia yacnocquid matses dadpenshun Adtemisa tantienquio yanac.

Hechos 19:26 Referans Kwoze

Codinto 1 8:4

Umbi chuibocpadembidi ambi papa canun nacnenaid ismequin nëish iua pichicaquin dasambued pambidtambi pepe, quequin chuiquin mimbi dada uacbued issun chuinu. Ambi papa canun nacnenshun tabëcaid tiboquenquio yec tabadnubi: Nuquin Papa abentsëcquiobi iquec, quequin nuquitedi tantiec.

Hechos 17:29

Nuquin Papan uaido yec ambi matses uampidën tsiuecquido yec tiboquequid icquin shocosh bëshpiu bëshpiucquid odo yec shocosh ushu yec cuënote yec quequin ambibi tantiaquin matsesën nacnenaid tiboquesa icsho papa cuënenquio ictiadquidi matses nec.

Esusën Uan ismiaid 9:20

Adnubien Nuquin Papan cuidaidën matses uënësabi icquidon ambi icsambuen naid ëntiapimbo icquin ambi naiduidi nabamposh. Nuquin Papa tantienquio icquin podobitsi icsabo tantiaquin ëntiapimbo icposh. Adembidi ambibi shocosh piu piupactsëcquid odo caid nacnenshun ambi papa caid ënenquio icquin tantiaposh. Utsibombic shocosh ushu pëdata caid nacnenaid. Utsibombic shocosh piumbocquid nacnenaid. Utsibombic cuënote nacnenaid. Utsibombic cute nacnenaid. Adquidtedi ambibi nacnenaid tantiabededposh. Ambi nacnenaido ëshën isenquio yec pabiaten tantienquio yec caputiapimbo icquid icshobi Papa, quequin chuibededposh.

Hechos 19:10

Adec seta daëd matanmequin Pabadon Nuquin Papan Chiaid chuibampanëdash. Aden nidaid Asia caidën icquidtedishun isadaidbobëtan isadaidpembon Nuquin Icbo Esusën Chiaid chuibansho tantiapanëdash.

Hechos 14:15

¿Atotsi quequin aden nai? Ubi daëdi mibi padquid matsesquio nebi. Mimbi tantiacmaid nebique. Baca cuessunnenda. Chiaid Bëda Esusën naid mibitedi naden chuinuec chobi. Nuquin Papa uënëstiapimbocquid abentsëcquiobi iquec. Aidëmbi abu uaquinc nidaid uaquinc acte uaquinc cashun aidën icquidtedi uaquidquio neque. Aiduidtsëqui tantiaquin matsesën papa canun nacnenaid tantiesa icta.

Tesadonica 1 1:9

Ambocquidombien ambo nidacsho ubitedi mimbi naid chioshi naden: Ambi papa canun ambi nacnenaidtedi aidon tantienquio yanac caosh. Adshumbic: Matses uaquid Nuquin Papambo uënëstiapimbocquid neque. Aidën chiacpadombuen nanuen aid tantiembi, quequin mimbi naidtedi tantiashun aidon chioshi.

Cadasia 4:8

Ënden mibitedi Nuquin Papa tantiesa icquin utsi mimbi: Papa, quequin tantiapanëdac. Aidën iuabo yec mëtaniacbimbuec mibi icpanëdac.

Codinto 1 12:2

Ënden Esus tantiesabo icquin matsesën ambibi nacnenshun papa caid onquetiapimbo icquidi tantiaquin nabanec mibitedi tabadpondac.

Hechos 18:19

Adec nidequi Epeso yacno chopanëdash. Ambo choshon Aquida aton chidobëta: Nëmbobi tabadta, capanëdash. Adshun aid daëdi nianec Nuquin Papan Chiaid chuibante shubu yacno nidshun isadaidbo Esus tantiamenuen Nuquin Papan Chiaid chuibampanëdash Pabadon.

Hechos 19:1

Codinto yacno Apodo icnubi Pabado nidaid Pidiquia caid yacnouësh puduanec podquedën choec macuësh tapa naquiadcuëtsenec shubu dadpen icquid Epeso yacno chopanëdash. Ambo choshon Esus tantiaquido istuidshun

Hechos 19:25

Aidëmbi: Esus tantianu, quesa icquin ambi namiaidobëta abipadquid Adtemisa caidën shububimbuecnuc nacnenmequid utsibo iccuededmequin Demetedion nadopanëdash: Nuqui tantiaid Adtemisan shububimbuecnuc shubumpi nacnenshun menequin piucquid dadpen nuqui bedbanec, quequin mibitedishun tantiec.