Hechos 17:5 - El Nuevo Testamento en matsés

⁵ Aden Pabadon chuibanac Esus tantiaquid dadpen yansho isashien isadaidbo utsibo nëishshun abembi capuquido tantiesabo icsambocquid dadpen iccuededmequin aidotsen chuiquin nëishmiac natia chushquecuededpanëdash. Adec chushquecuededsho tantiashun Pabadobëta Sidas bednuec Pabado ushacno Ason cuëmëdquidën shubun puduedpanëdash.

Hechos 17:5 Referans Kwoze

Cadasia 5:26

Ubiuidtsëqui bëdambocquid nebi, quenda. Chuiquid dëniacte bunec chieshëmënec tabadenda. Utsina isash aid bunquiec nëishnanenquio yec bëdambuec tabadnuna.

Hechos 17:13

Adnubien: Bedea yacnoshontsen Pabadon Nuquin Papa caidën chiaid chuibanec, quesho tantiash Tesadonica yacnocquid isadaidbo Bedea yacno nidshun ambocquidotsen nëishmiac chushquec cumapenec cuëdcuededpanëdash.

Cadasia 5:21

Nëidic utsina isash natiambo bunec chieshëmënquido. Nëidic badedbadedquien tantiadennuen acte paë uaid acquido. Nëidic badedbadedquien nua pequido. Nëidic inchëshën ushenquio yec iccuededec mamënec icsambuec tabadquido. Nëidic aidpadquid utsi naic tabadquido. Adquidtedishun ambi icsambuen naid ëntiapimbo yec uënësash Nuquin Papan namiacno tabadtiapimbo iquendac, quequin ënden mibitedi chuibanondambi.

Doma 16:21

Ubëtan Esusën naid chuibennequid Timoteon mibitedi tantiec. Adembidi Dusio yec Ason yec Sosipatodo yec quequin cun matses isadaidbon mibitedi tantiec.

Hechos 17:7

Aido Asonën aton shubun iuedac caosh. Aidombi nuquin chuiquid tapa Sesadën chiaid niacquin: Chuiquid utsi Esus cuëmëdquid iquec, quequin chuibanac caosh, quepanëdash Pabado chieshënquido aton chuiquido chiec.

Hechos 14:2

Aido Esus tantiaquid yannubi isadaidbo utsibon Pabadon chuibanaid tantiatiapimbo icquin Esus tantiaquido muaquin chuiquin isadaidbopembotsen nëishmepanëdash.

Codinto 1 3:3

Esus tantiesa tabadacpadec chushcananquido yec Esus bëdambuen tantiabenabictsëcquido mibitedi nec. Adquido iquec Nuquin Papa tantiesabon tantiacpaden tantiaquido mibitedi nec.

Hechos 19:40

Cumapenec cuëdcuededac caosh, quesho nuqui iuaquid Doma yacnocquidon chuiquid tapanquio tantianushe. Aden tantiashun abëd icquid chomiac: ¿Atotsi queshun nao? cac ¿midapaden chuitiapimbo nuqui ictsiaque?

Hechos 18:12

Adnubien aid nidaid cuëshë Acaya caid yacno Cadion cuëmëdquid chuiquid cobednadod icnubi Acaya yacnocquido isadaidbo dadpenshun: Pabado icsambo iquec, queshun bedshun cuidte chuiquid yacno Pabado buampanëdash.

Hechos 14:19

Adnubien isadaidbon chuiquido Antioquia yacnocquidobëd Iconio yacnocquido Disteda yacno chochoshon: Pabado icsambocquid nec, quequin chiac Disteda yacnocquido nëishcuededpanëdash. Adec nëishcuededshun Pabado cuënoten sesetanquin: Uënësosh, queshun nimbanquin buanshun shubu nibëdacno Pabado netampanëdash.

Hechos 13:45

Adsho isashien isadaidbon chuiquido: Umbi chuibansho tantianuec aidted chochoenquio iccosh, quequin tantiec nëishpanëdash. Adec nëishash: Mimbi Nuquin Papan Chiaid icsambuen chuibanec, quequin Pabado icsambuen chuishumpanëdash.

Mateo 27:18

Naden tantiaquin Pidaton chuipanëdash: Esus chieshënquidon: Ubi chuiquid tapa icmenquio icquin Esus chuiquid tapa icmenushe, queshun chieshënquin isadaidbon chuiquidon Esus uënës uamete bunec, quequin Pidaton aden chuipanëdash.

Santiaco 4:5

Adquid chuiquin naden dada uamiampid iquec. Nuquin Papan nuquitedi tantiaquin aton Mayan meniash nuqui cudasendac, quequin chuipampic.

Hechos 7:9

Aden chiashic: Acobon mado 12ted nuquin tsusedpabo icpampic. Acobon mado chido utsin tishaid Ose icpampic. Aidi aton papan tantiaidquio icsho isash nëishshun chieshënquin aton utsibon bedshun piucquid bedquin matses utsi menepampic. Aden meniac nidaid utsi Equipito yacno Ose buampampic. Aden buanacsho abëd icquin Nuquin Papan Ose bëdambuen namepampic.

Hechos 17:6

Adec puduedshun isac Pabadobëd Sidas nibëdsho issun chieshëmënquidon Asombëta Esus tantiaquid utsibo bedshun aton chuiquid tapabo yacno buampanëdash. Aden buanash cumapenec cuëdcuededec: Nidaid utsi utsiec yacno capucuennequin icsambuen tantiamequin chuitemaid chuibanquido nëmbo choaccosh.

Hechos 17:9

Adtanec Asombëta abëd icquido chiec: Mibi: Puduenmete bunebique. Ubi piucquid mene. Aden meniac mibi nidmembi, cac meniac Asombëta abëd icquido puduenmepanëdash.

Codinto 2 11:26

Adecbidi quenenenquio yec capucuennequin Esuquidistu chuibenniombi. Adec utsi utsiec yacno nëpaëdtiapambocquid acte potec nidtedniondabi. Adecbidi ampeshumënquid icpondash. Adecbidi cun matses isadaidbobi ubi mëyante bunquid icpondash. Adecbidi isadaidpembo adquidbidi icpondash. Shubu dadpen icquid yacno adquidbidi ubi cueste bunquid icpondash. Matses daëdpactsëc yacno adecbidi ubi cueste bunacno capucuenniondabi. Adecbidi acte dapa mad caidën capucuenniondabi. Esuquidistu tantiaquid nebi, quequin muaquin chuiquidën mibi cueste bunec, caqui capucuenniondabi.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.