Hechos 16:2 - El Nuevo Testamento en matsés

² Timoteo bëdambocquid nec, quequin Disteda yacnocquid Esus tantiaquidobëtan Iconio yacnocquid Esus tantiaquidon Pabado chuipanëdash.

Hechos 16:2 Referans Kwoze

Timoteo 2 3:15

Ënden bacuëmpi icquimbi Nuquin Papan Chiaidquio min matsesën chuibansho mimbi tantianëdac. Adshun: Aton Mado Esus tantiaquid uënësacsho abëdi Nuquin Papan tabadmendac, quequin mimbi tantiabennëdac. Aden Nuquin Papan bëdambuen isquin cuidenquiocte tantiametembo Nuquin Papan Chiaid nendac.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Ebedeo 11:2

Nuquin tsusedpabon: Abimbo caic, queshun abi tantiec tabadsho Nuquin Papan bëdambuen ispampic.

Timoteo 2 3:11

Aden chuibennesho issun chieshënondashi. Nëidted shubu dadpen icquid yacnoshon ubi chieshënondaid mimbi tantiec. Antioquia yacnoshon. Adembidi Iconio yacnoshon. Adshobini shubu dadpen icquid utsi Disteda yacnoshonquio cuessunneuidquiopondash. Adshobi Nuquin Icbon nac uënësenquio icpondabi.

Timoteo 1 3:7

Adembidi chuibanquid icmenuen Esus tantiesabon: Bëdambocquid nec, casho tantiata. Icsambocquid nec, caid chuibanquid icmenda. Adquid icmiac icsambuen nasho Esus tantiesabon mamënshuntsiash. Adquid Mayan Icsa Satanasën badedi icsametsiashe. Icsambo icquid nec, caid: Esus chuibanquid icta, cainda.

Hechos 16:40

Adoac puduenanec nidequi Didian shubu yacno choash puduedshun Esus tantiaquido iccuededsho issun: Esus tantiec chieshtoenquio yec bëdambuec tabadta, quequin Pabadon chuibampanëdash. Aido chuibidanec Pabadobëd Sidas nidpanëdash.

Hechos 14:21

Adec Dedbe yacno nidash tabadquimbi Pabadobëtan Bednaben Chiaid Bëda Esusën naid chuibanac Esus tantiaquid dadpen yampanëdash. Auëshquio padpidec puduanec chouaic shubu dadpen icquid Disteda yacnoba chopanëdash. Adashic Iconio yacnotsen chouashic Antioquia yacno chouapanëdash.

Hechos 13:51

Adoac puduanquimbi: Esus umbi chuisho tantiesabo nëido nec, quequin nidaid putu tabesquequin ismiash nidannec shubu dadpen icquid Iconio caid yacno nidpanëdash.

Hechos 6:3

Niante chedo nashunquid icta, canuen dada 7ted nadquidquio istuidta. Nuquin Papan Mayan Bëdan tantiamiac bëdambuec tabadsho mimbi bëdambuen isaidquio istuidshun: Niante chedo nashunquin menequid icta, cata.

Timoteo 1 5:25

Utsimbien bëdambuen nabanquin ismiac: Bëdambo icquid nec, badedi catsiash aton matsesën. Utsimbic ismenquio icquin bëdambuen nabansho: Bëdambo icquid nec, quequin badedquio tantienquio icquimbi iuecshun chuisho adembidi tantiatsiash. Ubi adsho tantiashun: Nuquin Papan Chiaid chuibanquid icta, badedquio cainda.

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Hechos 14:1

Adashic Pabadobëd Bednabe shubu dadpen icquid Iconio yacno choash tabadpanëdash. Ambo tabadec Nuquin Papan Chiaid chuibante shubu yacno nidash puduedshun Esusën naid chuibanac isadaidbobëd isadaidbopembo dadpen Esus tantiaquid yampanëdash.

Hechos 14:6

Adec onquesho tantiashun utsin: Aden chuibededosh, quequin chiac cuenec nidequi nidaid cuëshë Dicaonia caidën icquid shubu dadpen icquid Disteda caid yacno nidash tabadquin Pabadobëtan Bednaben Esusën naid Chiaid Bëda chuibampanëdash. Adtanec auëshquio puduanec nidec shubu dadpen icquid Dedbe caid yacnotsen nidash tabadquin adombuembidi Esus chuibampanëdash. Adtanec auëshquio puduanec nidshun nidaid Dicaonia caid yacno shubu utsi utsiec yacno nidquin ambocquidotsen Chiaid Bëda Esusën naid chuibanuapanëdash.

Pidipos 2:22

Timoteon bëdambuen naondash, quequin mimbi tantiec. Mimbi aden tantianubi ubëtan Esusën naid chuibanondash. Adquid yec cun madobimbuecquid nec.