Hechos 15:7 - El Nuevo Testamento en matsés

⁷ Adec iuec onquec tabadash Petedo nidtoec nadpanëdash: Cun utsibo, tantia. Chuinu. Ënden Nuquin Papan naden chuipondashi. Isadaidpembo Esuquidistu tantiaquid icmete bunebique. Aidotsen Esusën naid Chiaid Bëda chuibenneta, quequin chuipondashi. Adoac umbi naondaid chuibansho mibitedishun tantiondac.

Hechos 15:7 Referans Kwoze

Hechos 15:2

Adnubien Pabadobëd Bednabe ambo tabadquin aidon chuisho tantiash: Nuquin Papan aden chiambo iqueque. Aden chienda, quec aidobëd cumapenec cuëdcuededpanëdash. Adsho tantiashun Esus tantiaquido chuibanquidon: Edusaden yacno nidshun cumapenec cuëdcuededbued Esusën: Ubi chuibenneta, caidobëta Esus tantiaquidon chuiquid tapabo chuitanta, quequin Bednabebëta Pabado chuishumbic Esus tantiaquid utsibo chuiuaquin: Aidobëd nidta, quequin chuipanëdash.

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Hechos 10:20

Aido umbi chomiaido neque. Budash cacuidenquio yec aidobëd nidtan, capanëdash.

Pidipos 2:14

Adoac bëdambuec tabadec chushcananenda. Adecbidi: Bëdambuen nanuna, cac chieshec icsambuec onquenda.

Hechos 15:39

Adoaquien Bednaben aden tantienquio icquin: Aidi buannuna, quequin iuen chuibudaqui Pabadon adembidi: Padi, cauac Pabadobëd cuëshëdnanec Bednabe Madcosbëd cano dapa antabëdtoanec nidec acte nënantanquio nidaid nacnëdquid Chipide yacno nidpanëdash.

Hechos 13:2

Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Hechos 4:25

Ëndenquimboshë mimbi tantiacpaden min Mayan Bëdan tantiamequin oncamiac cun tsusedpa Dabidën naden chuiquin dada uapampic: ¿Atotsi quiash ubi dëniactiapimbo icquidobi isadaidpembo cumapenec nëishash ubi dëniacte buncuededpec? Adecbidi ¿atotsi quiash Umbi Chomiaid icsambuen mëyanmenuec isadaidbo abembi onqueuapec?

Hechos 3:18

Adote chuiquin Nuquin Papan: Umbi Chomiaid Quidistu Mesias caid matsesën uënës uaendac, quequin ambi oncamiaidtedi Nuquin Papan dada uamiampicpadembi napondash.

Hechos 1:24

Adshun Nuquin Papa chiec nadec iccuededquido onquepanëdash: Nëid daëd iqueque. Is, Papa. Matses abitedishun tantiaid tantiaquid mibi neque. ¿Mitsicquidimbi: Esus chuibenneta, cape? Ubitedi tantiame, Papa.

Hechos 1:16

Tantia, cun utsibo, Udas padon naid chuibannu. Abëd icquid icquimbi Esus chieshënquido Udasën Esus bedmiondash, quequin nuquitedi tantiec. Aden Udasën nate chuiquin Nuquin Papan Mayan Bëdan tantiamiacpadombuen nuquin tsusedpa Dabidën dada uapampic.

Uanën dada uaid 15:16

Esusbëd icquid icnu ¿quequinda mimbembi tantiadionda? Padenquio. Umbien mibi: Cho, caondac. Utsibo tantiamequin ma nëidon ubi chuibennenu. Aden chuibanac utsibotsen ubëd tabadtequid yanendac, queshun mibi: Cho, caondambi. Aden umbi chiacpadombuen naquidën Nuquin Papa chuiquin: Min mado tantiaquid nebique. Ubi nashun, Papa, cac mimbi chiacpadombuen Nuquin Papan mibi nashunendac.

Uanën dada uaid 3:27

caquien Uanën: Nuquin Papan namiabicquidën aden natiapimbo iquec.

Hechos 10:19

Aden chuinubi ambi isbued tantiec Petedo tsadsho Nuquin Papan Mayan Bëdan: Dada 3ted choshon mibi nibënec.

Hechos 15:14

Isadaidpembo tantiaquin aido Esus chuibanta, quequin Nuquin Papan chiacpaden Simon Petedon chuibanac isadaidpembo Esus tantiaquid yanosh, quequin chuisho nuqui tantioc. Nuquin Papan aidobëta nuqui aton matses icmiac.

Hechos 21:16

Adec nidsho isash Sesadea yacnocquid Esus tantiaquido utsi utsiec Pabadobëd nidquin Emenason cuëmëdquidën shubu yacno buanac puduedash ushpondabi. Aid shubu icbo Chipide yacnouësh choash Edusaden yacno tabadquid ënden Esus tantiabennëdaid nepondash.