Hechos 14:4 - El Nuevo Testamento en matsés

⁴ Adoac aid daëdshun nadatiambocquin nabansho isash isadaidbon chuiquidon chuibocpadec: Bednabebëd Pabado icsambocquid nec, utsi utsiec quenubien utsibo: Ambi chiaid abimbo iquec, quepanëdash.

Hechos 14:4 Referans Kwoze

Hechos 28:24

Aden chuibansho tantiash utsi utsiec: Abimbo caic, queshun Esus tantiabennubi utsi utsiec: Aidën chiaid tantiatiapimbo iquebi, quepondash.

Hechos 19:9

Aden chuibansho tantiash isadaidbo utsi utsiec pamumëdacbimbuec tabadquin: Tantiatiapibi, quequin Nuquin Papa yacno tabadmianquid chieshënquin icsambuen chuishumpanëdash. Adoac Esus tantiaquidobëd Pabado: Nidnunid, quianec Nuquin Papan Chiaid chuibante shubu yacnouësh puduenanec nidec Tidano cuëmëdquidën chuibanquin tantiamete shubu yacno nidshun adombuembidi tantiamenuen badiadquidën badiadquidënquien Nuquin Papan Chiaid chuibampanëdash.

Hechos 14:14

Aden ambi papa canun nacnenaid ismequin pichicanuen baca cuessunnemenuen bësho issun Pabado: Icsambo iquec, quequin ismenuen abi dasiuidaid aton dashcute bëntsecquid shoyonquin cancheuidtanec iccuededquidon nënantanquio nidash Bednabebëd Pabado cumapenec cuëdquin chiec nadpanëdash:

Codinto 1 9:5

Adembidi ubëd chuibennec nidquidën aton chido Esus tantiaquid buanac bëdambo iquec. Adombuembidi Petedon aton chido buanec. Adembidi Esusën utsibon chuibennequin aton chido buansho: Bëdambo iquec, caimbi.

Hechos 13:2

Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash.

Uanën dada uaid 7:43

Aden tantiec dadpen: Bëdambocquid nec, quenubi aidtedbidi: Icsambo icquid nec, quec cuëshëdpondash.

Ducas 2:34

Aden chuishumbic Madia chiec Simeon: Tantia. Chuinu. Nuquin Papan bëdambo icmiaid mibi nec. Min mado tantiesa isadaidbo utsi utsiec icsho Nuquin Papan cuidendac. Min mado tantiaquid utsi utsiec icsho Nuquin Papan abi yacno iuedendac. Min mado Nuquin Papa yacno puduedmianquid nec, quesho tantiashun matses dadpenshun icsambuen chuishunquin chieshënendac.

Hechos 13:45

Adsho isashien isadaidbon chuiquido: Umbi chuibansho tantianuec aidted chochoenquio iccosh, quequin tantiec nëishpanëdash. Adec nëishash: Mimbi Nuquin Papan Chiaid icsambuen chuibanec, quequin Pabado icsambuen chuishumpanëdash.

Hechos 13:50

Aden chuibansho tantiashumbien: Pabado icsambocquid nec, quequin isadaidbon chuiquidon nidaid Pisidia yacnocquid shubu dadpen icquid Antioquia yacnocquidon chido bëdambocquid yec Nuquin Papa tantiaquidobëta ambocquidon chuiquid tapabo nëishmeshun Pabadobëta Bednabe mëyanmetanquin ashunquio cuenmepanëdash.

Hechos 14:2

Aido Esus tantiaquid yannubi isadaidbo utsibon Pabadon chuibanaid tantiatiapimbo icquin Esus tantiaquido muaquin chuiquin isadaidbopembotsen nëishmepanëdash.

Hechos 14:5

Aden chuisho tantiash: Bednabebëta Pabado bedtanquin mëyanshun cuënoten sesequin cuessunnenuna, quec nëidted onquepanëdash. Nëidic Esus tantiesabo isadaidbon chuiquido. Utsibic isadaidbopembo. Nëidic ambocquidon chuiquido. Aidtedi adec onquecuededpanëdash.

Hechos 14:19

Adnubien isadaidbon chuiquido Antioquia yacnocquidobëd Iconio yacnocquido Disteda yacno chochoshon: Pabado icsambocquid nec, quequin chiac Disteda yacnocquido nëishcuededpanëdash. Adec nëishcuededshun Pabado cuënoten sesetanquin: Uënësosh, queshun nimbanquin buanshun shubu nibëdacno Pabado netampanëdash.

Tesadonica 1 2:14

Cun utsibo, nidaid Udea caid yacnocquido yacpadquiec chieshtoenquio icquin mimbi Esus tantiec. Udea yacnoshon Esus tantiaquido icsho aton matses isadaidbon cuestiadquio icquin chieshënac chieshtoenquio iccondash. Adombuembidi min matsesën chieshënac mibitedi chieshtoenquio iccondac.