Hechos 14:11 - El Nuevo Testamento en matsés

¹¹ Aden taicsaid Pabadon bëdanmiac capucuensho isash ambocquido aton onqueten cuëdcuededquin: Disteda yacnocquidon papa cain tantiaid matsesbimbuec yanash abucuësh budoshe. Nëid daëd isec cho, quepanëdash.

Hechos 14:11 Referans Kwoze

Hechos 28:6

Aden mëpebocsho issun: Pabado mëbidisquesho isnu, quequin caimbededpondash. Adembidi mëbidisquenquio yec uebudec uënësso isnu, quequin caimbededuapondash. Aden tantiaquin iuen cainquin isnubi mëbidisquenquio yec uënësenquio icsho isash: Nisin mëpebued utsibon papa quequin tantiaid nepanui, quecuededpondash Madta caid yacnocquido.

Hechos 8:10

Aden nabansho isash tantiadempambo yec tabadec: Abimboshenda caposh. Nëid dada Nuquin Papa caidën nadatiambocquin nabanquin tantiamiaid nec, quequin ambocquidobëtan aton chuiquidon aidën chuisho tantiapanëdash.

Hechos 12:22

Aid onquesho tantiash: Nidaidënshun tishaid onquiac padpenquio onquec. Abuc tabadquid nuqui papa caidien Edodes nechitec, quec iccuededquido cumapenec cuëdcuededpanëdash.

Hechos 14:6

Adec onquesho tantiashun utsin: Aden chuibededosh, quequin chiac cuenec nidequi nidaid cuëshë Dicaonia caidën icquid shubu dadpen icquid Disteda caid yacno nidash tabadquin Pabadobëtan Bednaben Esusën naid Chiaid Bëda chuibampanëdash. Adtanec auëshquio puduanec nidec shubu dadpen icquid Dedbe caid yacnotsen nidash tabadquin adombuembidi Esus chuibampanëdash. Adtanec auëshquio puduanec nidshun nidaid Dicaonia caid yacno shubu utsi utsiec yacno nidquin ambocquidotsen Chiaid Bëda Esusën naid chuibanuapanëdash.

Hechos 14:12

Adtanequi Bednabe otacquio tsadquid icsho issun ambi papa cain tantiaid Seus cain Bednabe cuënquimbi Pabado chuibanec onquequid icsho issun ambi tantiaid utsi Edmes cain Pabado cuëmpanëdash Disteda yacnocquidon.