Biblia Todo Logo
Bib sou entènèt

- Piblisite -




Hechos 13:8 - El Nuevo Testamento en matsés

8 Adoac choshon aidon Esus chuibampanëdash. Aden Saudon chuibansho tantiec chuiquid tapa tsadsho issun nënëchoquid Badesusën tantiamenquiocnuen utsi uain chuiuapanëdash. Aidi quidiecon onqueten Edimas cuëmpanëdash.

Gade chapit la Kopi




Hechos 13:8
16 Referans Kwoze  

Chidobo chiec muaquid yec nëidon icsambuen nampidpadquid nec. Abentsëc Anes cuëmëdnubi utsi Ambades cuëmëdpampic. Isadaidbo tsusedpa Moisesën Nuquin Papan Chiaidquio chuisho tantiashumbi aidon: Muequi nec. Umbimbo nadatiambocquin nabanquin ismenu, quebuedombi bëdiactsëc tantiaquin nauidpampic. Adsho issun: Muambo nec, capampic matsesën. Adembidi chido chiec muaquido Nuquin Papan Chiaid chiesa nendac. Icsambuen tantiaquin Nuquin Papambo tantiesa nendac. Adembidi aidon muaquin chuisho tantiashun matses dadpenshun: Muequi nec, capendac.


Aden Edimas bëshu uacsho isec tantiadempambo ictanec: Nuquin Icbon chiaid abimbo iquec, quiash chuiquid tapa Sedquio Paudo Esus tantiaquid yampanëdash.


Adnubien Dida caid udictsëc shubu dadpen icquid Ope caid yacnocquid Esus tantiaquid chido Tabita cuënshumbic quidiecon onqueten Dodcas cain cuënaid icpanëdash. Aidëmbi atona nibëdquido nashundednequimbi pete nibëdquido menedednepanëdash.


Adnubien Samadia yacno ënden bedanquin nënëchoquid icquin nadatiambocquin naquin ismiac anocquido tantiadempambo icpanëdash. Adembidi: Matsesën chuiquid nebi, quequin muaquin chuipanëdash, Aid dada Simon cuëmëdquid nepanëdash.


Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.


Adanec Andedes aton buchi chiec badedquio nidpondash. Adec nidquin Simon Petedo istuidash: Nuquin tsusedpabon chiampid Nuquin Papan Chomiaid Quidistu Mesias caid istuidombique. En isec cho, buchi, capanëdash.


Adnubien aid nidaid cuëshë Acaya caid yacno Cadion cuëmëdquid chuiquid cobednadod icnubi Acaya yacnocquido isadaidbo dadpenshun: Pabado icsambo iquec, queshun bedshun cuidte chuiquid yacno Pabado buampanëdash.


Adambo icnuc Demetediobëd icquido aidbëd chushquiaid chuimenuen Epeso yacnocquidon: Naden nata, quequin chiaid tantiaquid cuidte chuiquido yacno nëid daëd buanshun: Nëid icsambocquido nec, quequin chuitiadquidi mibi nec. Adoac chuiquidon mimbi buambuedtsen chuimequin tantiatsiash. Aido ismequin buantiadquidi mibi nec.


Swiv nou:

Piblisite


Piblisite