Hechos 13:50 - El Nuevo Testamento en matsés

⁵⁰ Aden chuibansho tantiashumbien: Pabado icsambocquid nec, quequin isadaidbon chuiquidon nidaid Pisidia yacnocquid shubu dadpen icquid Antioquia yacnocquidon chido bëdambocquid yec Nuquin Papa tantiaquidobëta ambocquidon chuiquid tapabo nëishmeshun Pabadobëta Bednabe mëyanmetanquin ashunquio cuenmepanëdash.

Hechos 13:50 Referans Kwoze

Timoteo 2 3:11

Aden chuibennesho issun chieshënondashi. Nëidted shubu dadpen icquid yacnoshon ubi chieshënondaid mimbi tantiec. Antioquia yacnoshon. Adembidi Iconio yacnoshon. Adshobini shubu dadpen icquid utsi Disteda yacnoshonquio cuessunneuidquiopondash. Adshobi Nuquin Icbon nac uënësenquio icpondabi.

Hechos 14:19

Adnubien isadaidbon chuiquido Antioquia yacnocquidobëd Iconio yacnocquido Disteda yacno chochoshon: Pabado icsambocquid nec, quequin chiac Disteda yacnocquido nëishcuededpanëdash. Adec nëishcuededshun Pabado cuënoten sesetanquin: Uënësosh, queshun nimbanquin buanshun shubu nibëdacno Pabado netampanëdash.

Hechos 14:2

Aido Esus tantiaquid yannubi isadaidbo utsibon Pabadon chuibanaid tantiatiapimbo icquin Esus tantiaquido muaquin chuiquin isadaidbopembotsen nëishmepanëdash.

Hechos 13:45

Adsho isashien isadaidbon chuiquido: Umbi chuibansho tantianuec aidted chochoenquio iccosh, quequin tantiec nëishpanëdash. Adec nëishash: Mimbi Nuquin Papan Chiaid icsambuen chuibanec, quequin Pabado icsambuen chuishumpanëdash.

Hechos 21:27

Adashic 6tedec ushquin naimbudnubi Pabado Nuquin Papa tabadte shubu dapa yacno nidash tsicatiaidën puduedash capusho nidaid Asia caid yacnouësh chochoquido isadaidbon ispanëdash. Aden isash Pabado bedmete bunec: Isadaidbo utsibo nëishmenu, quequin cumapenec cuëdquin:

Hechos 17:13

Adnubien: Bedea yacnoshontsen Pabadon Nuquin Papa caidën chiaid chuibanec, quesho tantiash Tesadonica yacnocquid isadaidbo Bedea yacno nidshun ambocquidotsen nëishmiac chushquec cumapenec cuëdcuededpanëdash.

Doma 10:2

Esus tantiabi icquin umbi chuidennecpadombuen chiec: Nuquin Papan chiacpadombuenuidi naquin bëdambuen ismembi, quebuedombi aidon bëdambuen ismete tantienquio iquec.

Hechos 13:43

Aden chiaqui Pabadobëd Bednabe nidsho issun isadaidbo utsibobëtan isadaidpembon isadaidbopadquid icnuequid utsin utsinquien tsibanampanëdash. Aden abi tsibanansho issun: Nuquin Papan bëdambuen tantiaid yec chieshtoenquio icquin Aid tantiec bëdambuec tabadta, quequin chuipanëdash Pabadobëtan Bednaben.

Hechos 8:1

Esteban cuënoten sesequin cuessunnenu, cac: Ai, adota, quiash ambobi isec Saudo tsadpanëdash. Esteban sesiaid uëshëmbi Edusaden yacnoshon Saudon Esus tantiaquid utsi utsien cumapenen mëyanmequin tauadopanëdash. Adosho isash Esus chuibennequido ambobi tabadpanëdash. Adnubien Esus tantiaquid utsibo uanno uannoec nidannec nidaid Udea yacno utsi utsiec nidanniash tabadnubi Samadia caid yacno nidanniash utsibo tabaduapanëdash.

Hechos 6:12

Aden chiac chuiquido yec Moisesën dada uampid tantiamequido yec isadaidbo utsibotedi yec quec nëishcuededshun Esteban bedshun isadaidbon chuiquid tapabo iccuededacno buanshun iuedquin ismepanëdash.

Hechos 2:5

Aden Nuquin Papan aton Mayan menenubien isadaidbo utsibo Edusaden yacno chochoash dadpen tabadpanëdash. Aido Esus tantiesabo iquequi aton tsusedpabon chiampicpaden nanuec nidaid utsi utsiec yacnouësh Edusaden yacno chochoaido icpanëdash.

Madcos 5:17

Aden chuisho tantiashun chochobuedon: Nëmbo iquenquio yec nidec nid, capanëdash Esus chuiquin.

Mateo 10:23

Shubu dadpen icquid yacno nidacsho natiamequin chieshënac shubu dadpen icquid utsi yacno cuenta. Amboshontsen umbi naid chuisho chieshënuac shubu dadpen icquid utsi yacnotsen cuenuata. Adecuidi cuendedneta. Nëid nidaid Isadaidën shubu dadpen icquid abitedi yacno nidabi icnubi nuquin matses isadaidbo abitedi chiabi icnubini Matsesën Tishaid yec chouaindac, quepondash Esus.

Madcos 15:43

Aidi isadaidbon chuiquid tapa utsibobëd iccuededquid abentsëc Ose cuëmëdquid shubu dadpen icquid Adimatea caid yacnoshon tishaid yec: Ubi uënësabicnubi ma Nuquin Papan abitedishun Icbo icquin ambi namiacnoshon chomiaidën abitedi namete iquec, quequin cainquid yec dacuëdenquio iquec Pidato chiec nidpanëdash. Adec nidshun: Esusën dada bedshun chococate bunebique. ¿Ada ubi buanme?

Hechos 14:4

Adoac aid daëdshun nadatiambocquin nabansho isash isadaidbon chuiquidon chuibocpadec: Bednabebëd Pabado icsambocquid nec, utsi utsiec quenubien utsibo: Ambi chiaid abimbo iquec, quepanëdash.

Hechos 14:5

Aden chuisho tantiash: Bednabebëta Pabado bedtanquin mëyanshun cuënoten sesequin cuessunnenuna, quec nëidted onquepanëdash. Nëidic Esus tantiesabo isadaidbon chuiquido. Utsibic isadaidbopembo. Nëidic ambocquidon chuiquido. Aidtedi adec onquecuededpanëdash.

Hechos 16:14

Pabadon chuibanacno chido Didia cuëmëdquid shubu dadpen icquid Tiatida yacnouësh choquid icpondash. Aidi dashcute umu umumbo bëdaidquio cuëshaid menequin piucquid bedquid nepondash. Aidi Nuquin Papa tantiaquid icquin Pabadon chuibansho tantiec tsadsho Nuquin Icbon tantiamiac Esus tantiaquid Didia yampondash.

Hechos 17:4

Aden chuibanac Esus tantiaquid nëidtedi yampanëdash. Nëidic isadaidbo utsi utsiec. Utsibic Nuquin Papa tantiaquido quidieco matses dadpen. Utsibic ambocquidon chuiquid tapabon chido utsi utsiec. Aidtedi Esus tantiaquid yampanëdash.

Hechos 17:12

Aden isbanash: Abimbo caic, quiash isadaidbo dadpen Esus tantiaquido yampanëdash. Adecbidi isadaidpembon chuiquido quidieco matses utsi utsiec aton chidobëdi Esus tantiaquid dadpen yampanëdash.

Hechos 17:17

Adec uënësquio yanec Nuquin Papan Chiaid chuibante shubu yacno nidshun Esus tantiamenuen Nuquin Papan Chiampid Pabadon isadaidbobëta Nuquin Papa tantiaquido utsibo chuibampanëdash. Adembidi ambocquidon piucquid bednuen menebanacno nidshun adombuembidi Pabadon chuibanuapanëdash.

Hechos 18:7

Aden chiashic Nuquin Papan Chiaid chuibante shubu yacnouësh puduenanec aid dayuntsëqui shubu icquidën Pabado puduedpanëdash. Aid shubu icbo Tisio Usto cuëmëdquid Nuquin Papa tantiaquidquio icpanëdash.

Hechos 28:17

Adec Doma yacno choash daëdec ushec tabadshun: Isadaidbon chuiquido chuinu. Chome, capondambi. Adoac chomiacsho issun Pabadon naden chuipondash: Tantia. Chuinu, cun matsesën chuiquido. Nuquin matses icsambuen chuishunambo iccombi. Adembidi nuquin tsusedpabon: Naden nata, quequin chiaid niacambo iccombi. Aden nainquio icshobi Edusaden yacnoshon nuquin matsesën bedshun Doma yacnoquidon chuiquid menequin buanmiondashi.

Codinto 2 11:26

Adecbidi quenenenquio yec capucuennequin Esuquidistu chuibenniombi. Adec utsi utsiec yacno nëpaëdtiapambocquid acte potec nidtedniondabi. Adecbidi ampeshumënquid icpondash. Adecbidi cun matses isadaidbobi ubi mëyante bunquid icpondash. Adecbidi isadaidpembo adquidbidi icpondash. Shubu dadpen icquid yacno adquidbidi ubi cueste bunquid icpondash. Matses daëdpactsëc yacno adecbidi ubi cueste bunacno capucuenniondabi. Adecbidi acte dapa mad caidën capucuenniondabi. Esuquidistu tantiaquid nebi, quequin muaquin chuiquidën mibi cueste bunec, caqui capucuenniondabi.

Tesadonica 1 2:14

Cun utsibo, nidaid Udea caid yacnocquido yacpadquiec chieshtoenquio icquin mimbi Esus tantiec. Udea yacnoshon Esus tantiaquido icsho aton matses isadaidbon cuestiadquio icquin chieshënac chieshtoenquio iccondash. Adombuembidi min matsesën chieshënac mibitedi chieshtoenquio iccondac.