Hechos 13:31 - El Nuevo Testamento en matsés

³¹ Uincuenmiac isadcuenash iuec capusho nidaid Cadidea yacnouësh Edusaden yacno abëd chochobuedo aidotedi abibi ismiannepanëdash. Aden ismianniac nëbi aidombi abi Esuquidistu chuibanquin matses tantiamec, quepanëdash Pabado.

Hechos 13:31 Referans Kwoze

Hechos 1:3

Cueste napotiaidën dectanac uënësash uincuenshun: Uincuenobique. Is, quequin Esusën abëd icquidouidtsëqui ismebampanëdash. Ma abimbo iquec, quequin tantiaquin ubi chuibennenu, queshun aden ismebampanëdash. Adec 39tedec ushquin ismebennequin: Nuquin Papan namiacno tabadte iquec, quequin Esusën chuibampanëdash.

Ducas 24:48

Ubi nabuedbëta Umbi chuibambuedtedi mibitedishun chuibantequid nendac.

Hechos 1:11

Nidaid Cadidea yacnouësh choquido ¿atotsi quiash abuc isec tabadec ne? Abuc indosho mimbi isbued Esus abu ushun choec budsho mimbi padpiden isuaindac, quepanëdash abuc isbededec tabadquido chiec.

Hechos 1:8

Aden chiashic: Aton Mayan Bëda Nuquin Papan mibitedi meniac aidënquio bëdambuen tantiamiac nadatiambocquin naquin ubi chuibennequidquio mibitedi iquendac. Edusaden yacnoshomba mimbi ubi chuibanendac. Adoshombic nidaid cuëshë Udea yacnocquidobëta nidaid cuëshë Samadia caid yacnoquido chuibanendac. Adoshombic ënapenquio nidshun nidaid utsi utsiec yacnoshontsen adembidi mibitedishun chuibanendac, quepanëdash.

Mateo 28:16

Adnubini Esusbëd icquido 11tedtsëqui iquec Esusën chiacnombo nidaid Cadidea yacno nidec macuësh tapa yacno nidannepondabi.

Hechos 10:41

Aidëmbi uincuenshun matses abitedi ismenquio icquin Nuquin Papan: Nëidon umbi naid chuibennendac, caido icquin aidbëtan peshun accondambi.

Hechos 10:39

Cun matses isadaidbon nidaid Udea yacnobëta shubu dadpen icquid Edusaden yacnoshon Esusën nabansho ispondambi. Aidi cueste napotiaidën dectanquin isadaidbon uënës uamesho ispondambi.

Hechos 5:32

Esusën nabansho ubitedishun ispondambi. Adembidi uënësash uincuenacsho isondambi. Adembidi aton Mayan Bëdan tantiec. Esus tantiaquido icquin ambi chiacpadombuen nasho Nuquin Papan aton Mayan Bëda menendac, quepanëdash Petedo.

Hechos 3:15

Aden mibitedishun Esus uënës uamepondac. Aiduidtsëqui Nuquin Papabëd matses tabadmequid icsho uënës uamiacshobien Nuquin Papan uincuenmepaccondash. Aden uincuenmiacsho ubitedishun ispondambi.

Hechos 2:32

Aden Dabidën chiampicpadembi Nuquin Papan Esus uincuenmepanëdash. Aid uincuenmiacsho isondaido icquin ubitedishun mibitedi chuibanec nebi.

Hechos 1:22

Uanën Esus acten mentosho isash niamëdenquio yec Esusbëd capucuenneshun Esus indosho isquidquio icsho: Esus chuibenneta, quequin nuquitedishun abentsëc chuinuna. Adoac Esusën: Ubi chuibenneta, caidobëtan Esus uincuenaid chuibantiad, quepanëdash Petedo ambo iccuededquido chiec.

Uanën dada uaid 15:27

Adoac mimbitsen ubi chuibanendac: Esusën tauaquin chuibannuc aidbëd ictennebi, queshun mibitedishun umbi naidbëta umbi chuibanaid bëdambuen chuibanendac.