Hechos 13:29 - El Nuevo Testamento en matsés

²⁹ Adoaquien Nuquin Papan chuiquin dada uamiampicpaden nabanquin nainacsho Esus cueste napotiaidën dectanquin uënës uamiacsho chicshun cuënote shëcuë chucanquio Esus nauedpanëdash.

Hechos 13:29 Referans Kwoze

Ducas 23:53

Aden chiaquien Pidaton: Adotan, cac nidshun Esusën dada imbudshun dashcute bëdamboshëcquidën dataneshun badedquio buanshun macuësh tapa tsimpiduc cuënote shëcuë uaquin ambi nacnenmiaid utsi chococacmaidënquio Osen Esusën dada chococapanëdash.

Uanën dada uaid 19:30

Adoac uba chinaid paë uaid mucambo icquid chishquin actanequien: Cun Pan chiacpadombuen nainquiombi, quetanequi tëdquëdbudec Esus uënëspondash.

Uanën dada uaid 19:28

Aden chuitanec uënësnushi Esus: Cun Pan chiacpadombuen nainombi. Matses tantiec ubided cuidadec uënësebi, quequin tantiec cun tsusedpan dada uaquin chiampicpadec: Acte bundobi, quepondash Esus.

Codinto 1 15:4

Uënësacsho shëcuë nacnenaidën nauedshun bëtashac daëdec ushtanec Nuquin Papan chuiquin dada uamiampicpadequi uincuempanëdash.

Hechos 5:30

Esus mibitedishun cueste napotiaidën dectanquin uënës uamiondaid nuquin tsusedpabon Papa campid Nuquin Papambien uincuenmepaccondash.

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Hechos 13:27

Adquid icsho: Nuquin Papan Chomiaid Esus nec, quenquio icquin Edusaden yacnocquidobëtan aton chuiquid tapabon: Icsambocquid neque. Unës ua, quequin chuipanëdash. Aden uënës uate chiaid tantienquio icquin chonoadtemaid uëshën uëshënquien istednequimbi Nuquin Papan ambi oncamiaidën dada uamiampicpadembi aidon Esus uënës uapanëdash.

Hechos 4:28

Mimbi ëndenquimbo tantiampicpadembi Esusded uënës uamepondash, Papa.

Hechos 2:23

Aidi Nuquin Papan ëndenquimboshë tantiampicpaden bedmeshun mëyanmequin: Uënës uata, cac Nuquin Papa tantiesabo matses icsambocquidën cueste napotiaidën dectanquin uënës uapondash.

Madcos 15:42

Adashic biednes caid uëshë inchëshbudtsëqui: Chonoadtemaid uëshë yaneque. Esus chococatannu, quianec Esus tantiaquid utsi nidpanëdash.

Ducas 23:50

Adnubien ambobi nidaid Udea yacnocquid shubu dadpen icquid Adimatea yacnoshon tishaid Ose cuëmëdquid isadaidbon chuiquid utsibobëd iccuededquid abentsëc bëdambocquid icpanëdash. Adquid yec: Isadaidbo chuiquido utsibo: Esus uënës uamenuna, quesho tantiash: Padi. Uënës uamenquioctiadquidi naic, quebued Ose nepanëdash. Aidi Nuquin Papan Chomiaid chuiquid tapa yansho iste bunquin cainquidquio yec adpanëdash.

Hechos 26:22

Adoshobi ubi dayun uaquid icquin Nuquin Papan: Udiubon cuessunnenushe, queshun cudasëmposhi. Adoac nëbi mibëtabi mimbi namiaido chuibanec nebi, chuiquid Aquidipa. Moisesën: Naden nata, quequin dada uampicpaden chuibanquid nebi. Nuquin Papan oncamiaid utsibon: Nadquid iquendac, quequin chiampicpaden chuibanquidbidi nebi. Aidon chiampid nadquio iqueque. Tantia.