Hechos 12:25 - El Nuevo Testamento en matsés

²⁵ Adnubic Antioquia yacnocquid Esus tantiaquidon aton piucquid ambi menenuen sanaid Bednabebëta Saudo meniac buanec Edusaden yacno choshon ambocquid Esus tantiaquido menebanash auëshquio puduanec Antioquia yacnobidi chouapanëdash. Aidobëdi Uan cashumbic Madcos caid chopanëdash.

Hechos 12:25 Referans Kwoze

Hechos 12:12

Adec nidequi Uan cashumbic Madcos caidën titan shubu yacno Petedo chopanëdash. Aidën tita Madia nepanëdash. Ambobi Esus tantiaquid dadpen iccuededquin Nuquin Papa chiec tabadpanëdash.

Petedo 1 5:13

Nuquin Papan tantiamiac nuquibëtan Esus tantiabenondaid Doma yacnocquido: Aido tantiembi, quiosh mibitedi caic. Adecbidi cun madobimbuecquid Madcostsen: Aido tantiembi, quiosh mibitedi caic.

Hechos 15:37

Adoaquien: Uan cashumbic Madcos cuënaid ma nuquibëd nidnu. Chuinuna, capanëdash Bednaben.

Hechos 4:36

Adecbidi tsusedpa Debin tsiuecquid acte utsi nënantanquio nidaid nacnëdquid Chipide caid yacnoshon tishaid Edusaden yacno choash Ose tabadpanëdash. Aidi: Utsibo shubisho issun bëdambo icmequid nec, quequin Bednabe cuëmpanëdash Esus chuibennequidon.

Codosas 4:10

Adistadco ubëta quënën tsadunaid nec. Aidëmbi: Aido tantiec tsadebique. Chui, quesho tantiashun dada uaimbi. Adombuembidi Madcos Bednaben utsin chiaid dada uaimbi. Aidi iuecash mibi yacno nidsho issun bëdambuen isquin iuedta.

Timoteo 2 4:11

Ducas abentsëqui ubëd iquec. Madcos bedbëtsenec cho, mado. Aidën ubi nashunquin ubëtan Nuquin Papan namiacpadombuen natsiashe.

Pidemon 1:24

Adembidi Madcos yec Adistadco yec Demas yec Ducas yec quec ubëtan chuibanquido icquin: Mibi tantiembi, quequin chuita, cac dada uaic nebi.