Hechos 11:12 - El Nuevo Testamento en matsés

¹² Adec tabadnubi Nuquin Papan Mayan Bëdan chuiposhi: Aid cacuidenquio yec nidtan, quesho tantiash aidobëdi nidpobi. Adecbidi Ope yacnocquido dada 6ted Esus tantiaquidobëd nidec Codnedion shubun puduedpobi.

Hechos 11:12 Referans Kwoze

Hechos 8:29

Adnubien Nuquin Papan Mayan Bëdan: Nidaid cano anoentsëc nidta, cac

Doma 3:22

Aden ambi chuiquin dada uamiampicpadombuen nëbi abi tantiamequid Esuquidistu uidtsëqui tantiasho Nuquin Papan matses bëdambuen isec icsambuen naisabimbuecnuc. Isadaidbobëtambi matses utsibontsen Esus tantiasho adoendac.

Tesadonica 2 2:2

dacuëdtanenda. Mibi yacnoshon ¿tsuntsin aden muaquin chuipash? Aidon: Tantia. Nuquin Icbo Esus ënden choac, quequin Nuquin Papan Mayan Bëdan tantiamioshi, quequin chiec muec niashe. Adec muasho tantienda. Aidon: Aden Pabadon chiaid iquec, quequin umbi dada uaidbimbuecquid isquimbien muaquin chuichitash.

Hechos 10:23

Adoaquien: Puduedash nëmbo ushec cho, quepanëdash Petedo. Adashic badiadanec Codnedion chomiaidobëd Petedo nidsho issun Esus tantiaquid Ope yacnocquidon utsin utsinquien tsibanampanëdash.

Hechos 15:9

Matses utsibo nec, quenquio icquin aidotsen Esus tantiamequin bëdambuen tantiamequiopondash.

Hechos 10:45

Aden meniacsho issun isadaidpembo abi onquiacmaidënquio matses utsin onqueten onquequi Nuquin Papa tantiec cuëdëmpanëdash. Adsho tantiash Petedobëd chochobuedo isadaidbo tantiadempambo yec aton tsusedpabon nacpaden shui dëbid dëtemequido: ¡Padtec! Dacuëdampambo icchitec. Isadaidpembotsen Nuquin Papan aton Mayan Bëda meniac, quepanëdash isadaidbo Petedobëd chochobuedo.

Uanën dada uaid 16:13

Nuquin Papan Mayan Bëda abimbo tantiamequid choshombien mibi abimbo chuiquin tantiamendac. Ambi tantiacpaden chienquio icquin Nuquin Papan Chiaiduidtsëqui chuiquin: Nadquio iquendac. Nadquid choendac, quequin mibi dadpen tantiamendac.

Mateo 1:20

Aden Osen tantiasho Nuquin Papan abëd icquid budmiaidën naden chuiquin Ose ushquin ismepanëdash: Dabid yampidën tsiuecquid icsho mibi chuinu. Tantia, Ose. Chudenquio icquin Nuquin Papan Mayan Bëdan Madia bacuë usundomiaque. Dacuëdenda. Dacuëdenquio icquin Madia min chido icmequin min shubuno buanta.

Esusën Uan ismiaid 22:17

Adsho tantiashun Nuquin Papan Mayambëtan Obecabimbuecquidën chidobimbuecquidën: Cho, cun Icbo Esus, capec. Adembidi chuibansho Esus tantiaquidotedishun: Cho, cun Icbo Esus, capec. Adshumbic: Acte bundoash ubi acte acme, quesho: Piucquid bec cho, quenquio icquin acte ushumbocquid cushtoshon acmiacbimbuen ënëdenquio icnuc abëd tabadmendac.

Hechos 15:7

Adec iuec onquec tabadash Petedo nidtoec nadpanëdash: Cun utsibo, tantia. Chuinu. Ënden Nuquin Papan naden chuipondashi. Isadaidpembo Esuquidistu tantiaquid icmete bunebique. Aidotsen Esusën naid Chiaid Bëda chuibenneta, quequin chuipondashi. Adoac umbi naondaid chuibansho mibitedishun tantiondac.

Hechos 13:4

Aden mamishquin chiacshobien Nuquin Papan Mayan Bëdan nidmiac Saudobëd Bednabe Antioquia yacnouësh puduanec nidpanëdash. Aid daëd nidsho isash Uan cashumbic Madcos caid nidpanëdash: Nëid daëd nashunquid icnu, quiash. Aidtedi nidannec acte cuëman shubu dadpen icquid Sedeusia caid yacno nidash cano dapa antabëdtoanec acte nënantanquio nidaid nacnëdquid Chipide caid yacno chopanëdash. Auëshquio puduanec nidequi shubu dadpen icquid Sadamina caid yacno chopanëdash. Adec choash tabadquin aton matses isadaidbo iccuededaid Nuquin Papan Chiaid chuibante shubun shubunquiec puduedshun Nuquin Papan Chiaid Bednabebëtan Saudon chuibampanëdash.

Hechos 13:2

Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash.

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Hechos 11:13

Puduedacsho isash Codnedio: Nuquin Papabëd icquid budshun naden chuiposhi: Simon cashumbic Petedo cuënaid Ope yacno tabadeque. Ma aid bedtannu. Mimbi namiaido nidmeta.

Hechos 28:15

Doma yacnocquid Esus tantiaquido: Pabado chedo choec, quesho tantiash utsi utsiec shubu daëdpactsëcquid Podo Apio caid yacno nidshun ubitedi bëquedec chopondash. Adecbidi utsi utsiec shubu dadpen icquid udi icquid 3Tabednas quequin cuënaid yacno chochoshon Pabadobëta ubitedi bëquedpondash. Adec Esus tantiaquido chochoacsho isashien: Ubi bëdambo icmenuen nëidtedi mimbi chomioc, Papa. Aden chomiacsho isash bëdambo iquebi, quequin Pabadon Nuquin Papa chuipondash.