Hechos 10:7 - El Nuevo Testamento en matsés

⁷ Aden chianec Nuquin Papabëd icquid nidambic Codnedion aton iua daëdbëta ambi tantiaidquio Nuquin Papa tantiaquidbidi icsho sondado utsi abentsëc chomeshun

Hechos 10:7 Referans Kwoze

Pidemon 1:16

Onesimo min iua iccondaidi Esus tantiaquid yanacsho mimbi cun utsi caidquio aidi nendac. Adquid icsho umbi tantiaidquio neque. Mimbitsen tantiaquiota. Mibi yacno nidshun Esuquidistu tantiaquid icquin mimbi chiacpadombuen chieshenquio icquin bëdambuen mibi nashunendac.

Ducas 3:14

Adembidi sondado chochoshon: ¿Atotsimbi napatsia? capanëdash Uan chuiquin. Adoaquien: Min piucquid bunquin utsibo bedshunenda. Utsibo chuiquin: Mitsana bec cho. Cueschitomane, cainda. Utsin bedaid tantiashun mua uaquin chienda. Min chuiquidën piucquid meniac: Daëdpactsëc iqueque. Utsibo bedshunnu, quenda, capanëdash Uanën sondado chuiquin.

Timoteo 1 6:2

Iua utsitsen chuiquin: Mibi iuaquid Esus tantiaquidbidi icsho: Ubipadquid icnuc aidën chiacpadombuen natiapimbo iquebi, cainda. Ubipadquid umbi tantiaid cun buchi caid neque. Aidën chiacpadombuen nanu, quequin mibi iuaquid tantiaquin bëdambuen nashunta, quequin iuabo chuita.

Mateo 2:13

Adec Esus isuambuedo uispa isquido nidambien Nuquin Papabëd icquidën Ose ushquin ismequin naden chuipanëdash: Isucunanec cuenta. Bacuëmpi aton titabëta buanec nidaid utsi Equipito yacno cuenta. Nuquin Papan: Cho, cabi choenda. Ambobi tabadta. Edodesën: Bacuëmpibo cuessun secatan, cac chochoeque. Cuenta, quequin Ose ushquin ismepanëdash Nuquin Papabëd icquidën.

Ducas 2:25

Adnubien Edusaden yacnocquid Simeon cuëmëdquid Nuquin Papan: Naden nata, quequin Moises chiampid tantiaquin naquidquio icpanëdash. Aidi isadaidbon chuiquid tapa abentsëcquiobi Nuquin Papan Chomiaidquio cainquidquio icpanëdash. Aidi Nuquin Papan aton Mayan Bëda meniaidquio nepanëdash.

Hechos 10:6

Aidi Simon cuëmëdquid utsi nëish iua bitsi uashun chodcashun nacnenquidën shubun tabadec. Aidën shubu acte dapa mad caid cuëman iquec, quepanëdash Nuquin Papabëd icquid Codnedio chiec.

Hechos 10:8

Nuquin Papabëd icquidën chuibuedtedi chuitanquin: Ma Petedo bedtannu, queshun aido Ope yacno Codnedion nidmepanëdash.