Biblia Todo Logo
Bib sou entènèt

- Piblisite -




Hechos 10:45 - El Nuevo Testamento en matsés

45-46 Aden meniacsho issun isadaidpembo abi onquiacmaidënquio matses utsin onqueten onquequi Nuquin Papa tantiec cuëdëmpanëdash. Adsho tantiash Petedobëd chochobuedo isadaidbo tantiadempambo yec aton tsusedpabon nacpaden shui dëbid dëtemequido: ¡Padtec! Dacuëdampambo icchitec. Isadaidpembotsen Nuquin Papan aton Mayan Bëda meniac, quepanëdash isadaidbo Petedobëd chochobuedo.

Gade chapit la Kopi




Hechos 10:45
12 Referans Kwoze  

Adoaquien: Puduedash nëmbo ushec cho, quepanëdash Petedo. Adashic badiadanec Codnedion chomiaidobëd Petedo nidsho issun Esus tantiaquid Ope yacnocquidon utsin utsinquien tsibanampanëdash.


Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.


Mibitedi isadaidpembo icsho: Shui dëbid dëtemesa nec, quequin isadaidbo shui dëbid dëtemequidon mibi icsambuen chuishumpondash. Nuquin Papan matses nebi, quequin shui dëbid dëtemequid isadaidbo nec.


Nuquitedi isadaidbon tishaid yec isadaidbo icnubi Moisesën chiampid chiacmaido yec isadaidpembo icsambuen naquido nec.


Aidi uincuenash nidacsho Nuquin Papan aton dayun abiucquio tsadtomepanëdash. Ambo nidacsho Nuquin Papan Aton Mayan Bëda menepanëdash. Adoac ambi chiannebocpadombuen Esusën aton Mayan Bëda ubitedi menebanac onquete utsin utsinquiec onquesho nëbi mibitedishun tantiec.


Aden chushcaic: Isadaidpembo shui dëbid dëtemesabo icnuc aton shubun puduedtemaidquio nec, quequin tsusedpabon chiaid niaquec aidon shubun puduedshun mimbi pepac caoc. ¿Mitsi paden tantiec puduedshun mimbi aidobëtan piaye? Tantianu. Chui, quepanëdash Edusaden yacno tabadquido.


Aden chuisho tantiash tsusedpabon chiampicpadombuen shui dëbid dëtemequido tabadquin cainnubi: Petedo Edusaden yacno choacsho issun ambi nabanaid chuimenu, quequin chushcapanëdash.


Aden chieshtoenquio icquin cainquin abi tantiaquid icsho Nuquin Papan ¿ada cacunmepec? Padenquio. Nuquin Papan nuquitedi tantiaquidquio icquin aton Mayan Bëda nuquibëd tabadmec, quequin nuquitedi tantiec.


Swiv nou:

Piblisite


Piblisite