Hechos 10:37 - El Nuevo Testamento en matsés

³⁷ Nidaid cuëshë Cadidea yacnoshon Uan acten mentoquidën mentoac Esusën nabanquin tauapanëdash. Nidaid cuëshë Udea yacnoshon adembidi aidën nabanaid chuisho mibitedishun tantiapanëdac.

Hechos 10:37 Referans Kwoze

Ducas 4:14

Adashic Nuquin Papan Mayanën nadatiambocquin tantiamiaidquio yec nidaid Cadidea yacno Esus chopanëdash. Adec chouacsho issun: Nuquin Papan Mayan Bëdan tantiamiaidquio nec, quequin abi isquidon chiac dadpenshun tantiapanëdash.

Hechos 28:22

Padnueni mimbi tantiaid mimbi chuisho tantiate bunec. Utsiboen nidaid utsi utsiec yacno tabadquido: Quidistubo icsambocquid nec, quepec, quepondash Doma yacnocquid isadaidbon chuiquido Pabado caic.

Hechos 26:26

Chuiquid tapa Aquidipan umbi chuibambued: Abimbo caic, quequin tantiec. Aden tantiasho dacuëdenquio icquin aid chiec nebi. Umbi chuibambued ompoenquio icquin utsibon chuisho aidëmbi tantiapanëdash.

Hechos 2:22

Adembidi Nuquin Papan Chomiaid chuinu. Tantiata, isadaidbo. Nasaded caid yacnouësh caniquid Esus Nuquin Papan Chomiaid icquin nadatiambocquin nabanquin dadpen ismebansho mimbi isondac.

Hechos 1:22

Uanën Esus acten mentosho isash niamëdenquio yec Esusbëd capucuenneshun Esus indosho isquidquio icsho: Esus chuibenneta, quequin nuquitedishun abentsëc chuinuna. Adoac Esusën: Ubi chuibenneta, caidobëtan Esus uincuenaid chuibantiad, quepanëdash Petedo ambo iccuededquido chiec.

Ducas 23:5

Adoaquien: Aidën chuibanac nëbi nidaid cuëshë Cadidea yacnocquido nëishash cumapenec cuëdcuededosh. Amboshon chuibanshumbic nëid nidaid cuëshë Udea yacno choshon adombuembidi chuibanuaposh, quepanëdash isadaidbon chuiquido Pidato chiec.

Mateo 2:1

Nidaid cuëshë Udea caid yacnocquid shubu daëpactsëcquid Beden yacnoshon Madian Esus tishpanëdash. Adnubien shubu dadpen icquid Edusaden yacno isadaidbo matsesën chuiquid Tapa Edodes cuëmëdquid icpanëdash. Aid icnubi matses utsibo uispa isquin tantiaquido Esus isnuec uëshë choacmiuësh chopanëdash. Edusaden yacno choshon

Mateo 3:6

Adec chochoash tabadquin Uanën chuisho tantiash: Aden icsambuen naombique. Umbi icsambuen naid ënnu, quequin chuisho tantiashun Uanën acte Odan caidën mentobampanëdash.

Hechos 10:36

Isadaidbon tsiuecquidoba tantiamenuen Nuquin Papan Esus chomepanëdash. Esuquidistunuidtsëqui Abitedishun Icbombo icquin Nuquin Papa matses bëdambuen ismec, quequin tantiembi.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.