Hechos 10:32 - El Nuevo Testamento en matsés

³² Simon cashumbic Petedo cuënaid Ope yacnocquidbëd tabadquid ma bedtannu, queshun mimbi namiaido nidmeta. Aidi Simon cuëmëdquid utsi nëish iua bitsi uashun chodcashun nacnenquidën shubun tabadec. Aidën shubu acte dapa mad cuëman iquec, quequin Nuquin Papabëd icquidën chuiposhi.

Hechos 10:32 Referans Kwoze

Uanën dada uaid 4:9

Acte bec cho ¿quecta ique? Ma mibi isadaidbo nepayoc. ¿Adquid icquimbida: Acte bec cho, ubi cai? capanëdash chidon. Samadia yacnocquidbëd onquesambo isadaidbo nec, quequin tantiec adpanëdash chido.

Uanën dada uaid 18:28

Adnubien badiadnuc Caipasën aton chuiquid utsibobëtan aton matses iuaquido Doma yacnocquidon chuiquid cobednadodën shubu yacno Esus buampondash. Buanashic: Matses utsin shubun puduedshun mishtemaid mishash tsusedpabon aton mado uënës uamenquio icquin obeca caniactsëc cuessunniampid tantiate uëshë tantiec cun matsesbëtan pebededtiapimbo icmane, quiash aidën shubun puduedenquio icpondash.

Hechos 10:31

Codnedio, abi chiec onquiannesho Nuquin Papan mibi tantiashunosh. Adembidi atona nibëdquido mimbi meniannesho aidëmbi bëshunenquio icquin tantiec.

Hechos 10:33

Aden chiac: Petedo bedtan, quequin umbi namiaido nidmiombi. Adoac bëdambocquid yec cacuidanenquio yec badedquio mibi choac. Adec mibi choacsho isash bëdambo iquebi. Nuquin Papan isnubi nëbi ambi tantiamiacpaden mimbi chuibansho tantiec ubitedi tabadnu, quepanëdash Codnedio Petedo chiec.

Hechos 11:3

Aden chushcaic: Isadaidpembo shui dëbid dëtemesabo icnuc aton shubun puduedtemaidquio nec, quequin tsusedpabon chiaid niaquec aidon shubun puduedshun mimbi pepac caoc. ¿Mitsi paden tantiec puduedshun mimbi aidobëtan piaye? Tantianu. Chui, quepanëdash Edusaden yacno tabadquido.

Hechos 9:6

Nidtoanec shubu dadpen icquid Damasco yacno nidec nid. Amboshon umbi: Nata, cacpadombuen ambocquid mibi chuimembique. Nidec nid, capanëdash.

Hechos 9:43

Adnubien Petedo Ope yacnocquid nëish iua bitsi chodcashun nacnenquid Simon cuëmëdquidën shubun iuec tabadpanëdash.

Hechos 10:5

Nëbi Simon cashumbic Petedo cuënaid: Ma bedtannu, quequin mimbi namiaid shubu dadpen icquid Ope yacno nidmeta.

Hechos 11:14

Aidëmbi mibëta min shubun icquidtedi: Nuquin Papa yacno tabadmetequid iquec, quequin chuibanendac, quequin Nuquin Papabëd icquidën chuiposhi, quequin Codnedion chuiposhi.

Hechos 15:7

Adec iuec onquec tabadash Petedo nidtoec nadpanëdash: Cun utsibo, tantia. Chuinu. Ënden Nuquin Papan naden chuipondashi. Isadaidpembo Esuquidistu tantiaquid icmete bunebique. Aidotsen Esusën naid Chiaid Bëda chuibenneta, quequin chuipondashi. Adoac umbi naondaid chuibansho mibitedishun tantiondac.

Hechos 16:9

Ambo choash tabadquin inchëshën ushquin isacbimbuen nidaid Masedonia caid yacnocquid dada abentsëc nadec onquesho Pabadon ispanëdash: Ubitedi tantiaquin nashunec cho, quec onquesho tantiapanëdash.