Epeso 6:18 - El Nuevo Testamento en matsés

¹⁸ Aton Mayanën tantiamiacpadombuen ënenquio icquin Nuquin Papa chianneta. Adec tabadquin uidënquio icquid yacbimbuen chieshtoenquio icquin Nuquin Papa tantiaquidotedi tantiaquin chianneta.

Epeso 6:18 Referans Kwoze

Tesadonica 1 5:17

Adembidi ënenquio icquin Nuquin Papa chianneta.

Codosas 4:2

Esuquidistu tantiaquido icquin Mayan Icsa Satanasën chieshtomenushe, queshun ënenquiocquin Nuquin Papa chianneta. Aden chianniac Nuquin Papan nasho issun: Mimbi naid bëdambo iquec, Papa, quequin Nuquin Papa chianneta.

Pidipos 4:6

Adecbidi uënësquio yec natiec tabadenda. Adenquio icquin mimbi tantiaidtedi Nuquin Papa chuita. Aden chiec: Mibi bëdamboshë iquec, Papa, quequin chianneta.

Timoteo 1 2:1

Tantia. Utsibotedi chuinu. Matses abitedimbo tantiaquin Nuquin Papa chianneta. Matses abitedi min Mado Esusbëta mibi bëdambuen tantiamequin bëdambuen ista. Matses nashunquidquio yec mibi bëdamboshë iquec, quequin Nuquin Papa ënenquio icquin chianneta.

Udas 1:20

Cun utsibo, umbi tantiaidombo mibitedi neque. Chieshtoenquio icquin Esus tantiaquiota. Adquid icquin aton Mayan Bëdan tantiamiacpadombuen Nuquin Papa chianneta.

Madcos 14:38

Ushenquio icquin Nuquin Papa chuita. Nuquin Papan Chiaid niacmequid Mayan Icsa Satanasën icsambuen namequin tannu, cac: Chieshtoenquio iquebi, quebuedi min dada uidëmpentsëcquio icsho badedquio mibi chieshtomendac, quepanëdash Esus.

Ducas 21:36

Ënenquio icquin aid uëshë chote cainec tabadquin Nuquin Papa naden chuidoneta: Chieshtomenquio icquin mibi tantiaquidquio ubi icmeta, Papa. Adembidi natiamequin cuidte uëshë choec, queshun ubi mënchicta, Papa. Aid uëshë chonoc ubi bedshun mimbi Chomiaid Matsesën Tishaid bëisquid ubi icmeta, Papa, quequin chianneta, capanëdash Esusën.

Mateo 26:41

Ushenquio icquin Nuquin Papa chuita. Nuquin Papan Chiaid niacmequid Mayan Icsa Satanasën: Icsambuen namequin tannu, cac: Chieshtoenquio iquebi, quebuedi min dada uidëmpentsëcquio icsho badedquio mibi chieshtomendac, quepanëdash Esus.

Epeso 1:16

Aden tantiaquin: Mimbi namiac aidon bëdambuen naic, queshun: Nuquin Papa bëdambo iquec, quequin ënenquio icquin chiannequin bëshunenquio icquin mibitedi tantiadednembi.

Doma 12:12

Uënësacsho abi yacno Esusën ubi tabadmendac, quequin cainec cuishonqueta. Utsibon chieshënquin natiamiaqui chieshtoenquio icquin tantiata. Ënenquio icquin badedbadedquien Nuquin Papa chianneta.

Madcos 13:33

Ubi chote uëshë tantiadenquio icnuc: Nuquin Papan Chiaid niacmane, queshun Aidën Chiaid istednequin tantiaquiota.

Petedo 1 4:7

Tantia, mibitedi chuinu. Nuquin Papan abitedi cuidte uëshë nëbi yanec, queshun mimbi icsambuen naid ënash bëdambuec tabadquin ënenquio icquin Nuquin Papa chianneta.

Hechos 1:14

Aidtedi Esusën: Ubi chuibenneta, caido quënë nuntan tabadnubi Esusën tita Madia yec Esus tantiaquid chido utsibo yec Esusën utsibo yec quec ambobidi iccuededtennequin: Nuquin Papa chuinuna, quequin chiannepanëdash.

Ducas 22:46

¿Atotsi quiash ushec samëde? Isucunshun: Mayan Icsa Satanasën namete bunacpaden ubi namenda, Papa, quequin Nuquin Papa chui, capanëdash Esusën abëd icquido chuiquin.

Ebedeo 5:7

Esuquidistu matsesash nidaidën tabadec: Ubi uënës uamequin mëyanquiendac, quequin tantiec shubiquioquin naden chuidonepanëdash: Nadatiambocquid icquin ubi uënës uamenda, Papa, quequin chuidoniaqui: Ai, quenquio icsho Aton Madon naden chiec: Papa, mimbi chiacpadombuen naindambi, quequin abi chuisho tantiashun aton Papan adombuen namepanëdash.

Timoteo 2 1:3

Cun tsusedpabon nampicpadombuen Nuquin Papa tantiaquin aidën chiacpadombuen naquid nebi. Adquid icquin Nuquin Papa ënenquiocquin badiadquidën badiadquidënquien mibi tantiaquin naden chiannembi: Mibi tantiaquid Timoteo bëdambo icmec mibi bëdamboshë iquec, Papa, quequin chiannembi.

Pidipos 1:4

Aden mibitedi tantiaquin Nuquin Papa chiannec cuishonquebi.

Epeso 6:19

Ubitsen tantiaquin Nuquin Papa chianneta. Dacuëdmenquio icquin mimbi tantiamiacpadombuen chuibanquidquio icme, quequin chuita. Adoac ambi oncamiacpadombuen ambi matses tantiamenquio icpampidi nëbi Nuquin Papan tantiamec, quequin tantiabicquido Esus chuibanendambi.

Hechos 12:5

Adnubien Esus tantiaquido iccuededquin Petedo quënën tsadunmiaid tantiaquin Nuquin Papambo tantiaquin chuibededec tabadpanëdash.

Hechos 10:2

Aidi aton shubun icquidobëd Nuquin Papa tantiaquid icquin isadaidbo atona nibëdquid icsho issun meniannequid nepanëdash. Adecbidi Nuquin Papa chiec onquiannequidquio nepanëdash.

Hechos 6:4

Aidtedi niante nashunquid icnubi ubitedishun Nuquin Papa chiannendambi. Adembidi Nuquin Papan Chiaid chuibennendambi, quepanëdash Esus chuibennequido.

Epeso 3:18

Mibi tantiaquido utsibobëd tantiananmeta. Adoac Esusën abi tantiaquidotedi ënenquio icquin tantiaquiec, quequin ma tantianu. Tantiananquidombo icmeta, quequin Nuquin Papa chiannembi.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Doma 8:15

¿Nuquin Papan Mayanënda mibitedi icsambocquidën iuabimbuecnuc dacuëdmepec? Padenquio. Mibitedi dacuëdmenquio iquec. Aidëmbi namiac mibitedi Nuquin Papan: Cun mado nec, Cun champi nec, caindac. Aidën tantiamiacpadombuen Nuquin Papa chuiquin: Papa papa, quequin nuqui chiannec.

Epeso 2:22

Mibitedi Esuquidistu tantiaquid utsibobëd abentsëc yacbimbuecsho Nuquin Papan Aton Mayan meniaid yec Aid tabadte shubu mibitedi nendac.

Ducas 3:37

Aidën papabic Matusaden. Aidën papabic Enoc. Aidën papabic Eded. Aidën papabic Macadaded. Aidën papabic Cainan.

Codosas 1:4

Ambo istanquidon: Esuquidistu tantiaquido yanash Esuquidistu tantiaquido utsibo mimbi: Cun matses nec, caidobëd tantiananquiec tabadosh, quequin chuisho tantiashun: Adequi bëdambuec tantiananmeta Papa, quequin Nuquin Papa chiannembi.

Cadasia 4:6

Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec.

Ducas 3:26

Aidën papabic Mad. Aidën papabic Matatias. Aidën papabic Semei. Aidën papabic Osec. Aidën papabic Oyada.

Codosas 1:3

Nuquin Papa Nuquin Icbo Esuquidistun Papa bëdamboshëcquid nec, quequin mibitedi tantiadednequin naden ënenquio icquin chiannembi. Aido bëdambo icmequin bëdambuec tabadquid icmeta, Papa.