Epeso 6:13 - El Nuevo Testamento en matsés

¹³ Adquid icnuc Mayan Icsa Satanas cuenmetequidtedi sondado tsasimbocquid dasiuinacbimbuen Nuquin Papan Ambi Chiaid tantiamiaido yec bëdambuen tantiec tabadtenneta. Mibitedi adec tabadnuc icsamiantequid uëshë chonoc icsambuen namenuec chosho bëcunniacbimbuec tabadta. Adec tabadquido yec mibitedi chieshtoenquio yec uidënquio iquendac.

Epeso 6:13 Referans Kwoze

Codinto 2 10:4

Mibi yacno nidshun matsesën tantiacpadempenquio Nuquin Papa nadatiambocquidën tantiamiacpaden umbi Ambi Chiaid chuibannubi Mayan Icsa Satanasën icsambuen tantiamiac ubi chieshënec icsambuec onquequidon icsambuen chuibanaid Nuquin Papan ënmendac.

Ducas 21:36

Ënenquio icquin aid uëshë chote cainec tabadquin Nuquin Papa naden chuidoneta: Chieshtomenquio icquin mibi tantiaquidquio ubi icmeta, Papa. Adembidi natiamequin cuidte uëshë choec, queshun ubi mënchicta, Papa. Aid uëshë chonoc ubi bedshun mimbi Chomiaid Matsesën Tishaid bëisquid ubi icmeta, Papa, quequin chianneta, capanëdash Esusën.

Epeso 5:16

Icsambuen naquido dadpen iqueque. Aidpadquid iquenda. Bëdambuen nabandednequidquio icta.

Ducas 8:13

Pete ëshë utsi cuënote dadpen samëdacno paëdaidbimbuecquid nad iquec. Nuquin Papan Chiaid chuibansho tantiash: Tantiabenombi, quiash cuishonquendac. Adbuedi aton tapun nibëdquio yacbimbuec chieshtomiantequid utsi utsiec icnuc bëdambuen tantienquio icquin Nuquin Papa tantienquio yanendac.

Esusën Uan ismiaid 3:10

Umbi chiacpaden utsi uainquio icquin ubi tantiasho issun mibi cudasquin dayun uaindambi. Mayan Icsa Satanasën: Mibi icsamenu, quequin: Tannu, queshun natiamboshë icmendac. Adoshobi mibi cudasquin dayun uaindambi. Adembidi nidaid utsi utsiec yacno tabadquido abitedi natiamendac.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Epeso 5:6

Muaquin ambembi chiec onquiaid tantiesa icta. Adquid ambi chiacpadombuen naisa icsho Nuquin Papan cumapenen cuidendac.

Esusën Uan ismiaid 6:17

Aidon: Ambi tantiacpadënquiobini nëbimbobi cuidchitec. Padtembo. ¿Tsutsi cuidenquio icpatsiash? queposh.

Doma 13:12

Nëbien Esus choec, quequin tantiaquin icsambuen nainquio yec bëdambuec tabadnuna. Sondado: Senushe, quiash tsasimbocquid dasiuidacbimbuen icsamianquidën iuanushe, queshun nuqui icsambuen naid ënshun bëdambuen tantianuna.

Santiaco 4:7

Aden chiampid icnuc Nuquin Papan chiacpadombuen nata. Mayan Icsa Satanasën tantiamiacpadombuen nainda. Mimbi aden nainquiocsho isash aidi cuenendac.

Petedo 1 4:1

Utsibon chieshënquin natiamequin aton dada mëyanaqui Esuquidistu chieshtoenquio icpanëdash. Adembidi mibitedi chieshënquin natiamiac chieshtoenda. Aden mëyanaqui icsambuen nate bunenquio mibi iquendac.