Epeso 5:8 - El Nuevo Testamento en matsés

⁸ Ënden Esuquidistu tantiesa yec inchëshquio yacno tabadacbimbuec mibitedi tabadpadennec. Adquid ictennedi nëbi Nuquin Icbo Esuquidistubëd abentsëc yacbimbuen aid tantiabenash badiadnuc isucunacbimbuen aid tantiec bëdambuec tabadta.

Epeso 5:8 Referans Kwoze

Uanën dada uaid 8:12

Adshumbic padpidembuen matses tantiamequin Esusën naden chuiuapondash: Nuquin Papan bëdambuen iste matses tantiamequidquio nebi. Umbi tantiamiac ubi tantiabenquido icsambuen nate bunenquio yanendac. Adash ubëd tabadtequid iquendac, quepondash Esus.

Uan 1 1:7

Nuquin Papan chiacpadombuen nabanquid yec Esus tantiaquid utsibobëd abentsëc yacbimbuec tabadquid nuquitedi nendac. Adquid nuqui icmenuec nuqui icsambuen naidtedi bedshunec abided cuidadec Nuquin Papan Mado Esuquidistu uënëspondash. Adec intac mëyanec uënësondaidënquio nuqui icsambuen naidtedi uqendac. Nuqui icsambuen nabued tantienquio yec bëshunendac.

Hechos 26:18

Aden chuibanac utsin utsinquien pashuacbimbuec icbuedombi tantiendac. Icsambuen naquid nebi, quequin tantienquio icbuedëmbi: Icsambuen naquid nebique. Ubi icsaid tantienquio yec bëshunta, Papa, quendac adquid. Mayan icsa Satanasën iua icbuedi Nuquin Papan bacuëbo yanendac. Adquid yansho ambi icsambuen naid ënmiac Nuquin Papan bëdambo icmiaid ubi tantiaquid utsibobëd iquendac, quequin Esusën chuipondashi.

Codosas 1:13

Ënden Mayan Icsa Satanasën iuaquin namiaido yec inchëshquio yacno tabadacbimbuec tabadsho Nuquin Papan nuqui mënchicpondash. Aden mënchicshun ambi tantiaidquio aton Mado Esuquidistun namiaido nuqui icmiondash.

Uanën dada uaid 12:46

Uëshë chënquequid isquin tantiacbimbuen Nuquin Papan matses bëdambuen iste tantiamequidquio nebi. Ubi tantiaquid yanash bëdambuec tabadec inchëshquio icnuc istiapimbo yacbimbuec icsambuec tabadenquio iquendac.

Epeso 4:18

Adquido yec pashuacbimbuecquido nec. Adquid icquin: Nuquin Papabëd tabadte iquec, utsibo quesho tantiesa yec aid tantiate bunenquio iquec tabadec.

Uanën dada uaid 12:36

Uëshën chëncacbimbuen Nuquin Papan bëdambuen iste tantiamequid tantiata. Adsho bëdambo icmequin Nuquin Papan ambi cuidenquio ictequid mibi icmendac, quepondash Esus. Adtanec aidon istuidtiapimbo icnuc nidpondash.

Epeso 2:2

Adquid icquin Nuquin Papa tantiesabon nacpadombuen mimbi icsambuen nabampondac. Adombuembidi podobitsi icsabon chuiquid tapa Mayan Icsa Satanas bunacpadombuen nabampondac. Aidëmbi Nuquin Papan Chiaid niacmequin icsambuen nate matses bunmec.

Codinto 2 4:6

Taëecquiobi ëndenquimboshë: Inchëshquio icbuedi uëshëmbo yanta, capampic Nuquin Papan. Adombuembidi Nuquin Papan Chiaid pamumëdacbimbuen tantienquiocbuedi Nuquin Papan tantiamiaido nebi. Esuquidistu aton Papapadquidquio bëdamboshëcquid nec, quequin tantiaquin utsibo chuibanquido nebi.

Tito 3:3

Ënden Esus tantiesa yec nadquio nuquitedi icpondac. Nuquin Papan chiacpadombuen naisa yec nuqui bunacpaden naic tabadec bënnudacbimbuec nuqui icpondac. Adecbidi nuqui bunacpaden nabanquin ëntiapimbocquin nuqui icsambuen nadednepondac. Icsambuec tabadquido yec utsin bëdambuen isquin namesho isash nuqui nëishpondac. Adecbidi utsibobëd nëishnanash nuqui chieshënnampondac.

Ducas 16:8

Adoacsho tantiashun icbon: Cun piucquid icsambuen dayun uaquidën ambi naid tantiaquidquio nec. Cun icbon nidmiacsho umbi nashunaidon ubi bëdambuen isquin iuedtsiash, quepec. Aden Nuquin Papa tantiesabon aton piucquid bednuen ambi naid tantiaquidquio nec. Padnuen Nuquin Papa tantiaquidën aton piucquid bedte bëdiactsëc tantiatsec.

Epeso 6:12

Matses isadacpadquidpenquiobëd cuesnanacbimbuecquido nuquitedi nec. Mayan Icsa Satanasën iuabo isadesabëd cuesnanacbimbuen nuquitedi naic. Aidtedi abuc tabadec. Aidotedi nidaidënshun nadatiambocquin nabanquidquio yec: Abitedishun chuiquid tapa nebi, quequin icsambuen namequin iuanu, quequid aido nendac.

Codinto 2 3:18

Adquid icnuc: Umbi icsambuen naid bedshunash Esuquidistuded cuidadpanëdash, quequin tantiabenash Esusbimbuec bëdambocquid nuquitedi yanendac. Adsho aidënquiobi icsambuen naisa icquin abipadquid nuqui meniac aton Mayanën nuqui bëdamboshëcquid icmebanendac.

Ducas 1:79

Aden chomiac choshon uëshëmbo icnuc isquin tantiacbimbuen matses abimbo tantiamendac. Icsambuen naquidombo icsho Nuquin Papan cuidtequido nec, quequin tantiamendac. Aden tantiamiac aid tantiaquid yanash dacuëdenquio yanec bëdambuec tabadendac, quequin Sacadiasën chuipanëdash.

Codinto 2 6:14

Esuquidistu tantiesabëtan icsambuen nainda. Uëshëmbocquidbëd inchëshquiocquid bëdambo ictiapimbo iquec. Adacbimbuec bëdambocquidbëd icsambocquid bëdambuec tabadtiapimbo iquec.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Doma 2:19

Adembidi pashuacbimbuec tabadquidobëta inchëshën istiapimbo icquin tantiatiapimbocquido bëdambuen tantiamequin Nuquin Papan Chiaid chuibanquidquio nebi, mibi quepec.

Uanën dada uaid 1:9

Nidaidën choshon cuëte dëbedmequin ismiacbimbuen matses Nuquin Papambo tantiamendac, quequin chuibampondash.

Mateo 4:16

Aidtedshun Nuquin Papan Chomiaid tantienquio iquendac. Pabiate shëcuë nibëdacbimbuen icsambuen naic tabadquin Nuquin Papa tantienquio icbuedombi tantiabenendac. Nuquin Papa tantiamenuen chuibansho tantiashun paposhquiacbimbuen matsesën Nuquin Papa tantiabenendac. Abi tantienquio icsho Nuquin Papan uënësuaquin cuidtsenaidombi Nuquin Papa tantiabenendac, ushash isucunacbimbuen, quequin Nuquin Papan tantiamiac Isayasën dada uapampic.

Cadasia 5:25

Aden Nuquin Papan Mayanën bëdambuen tabadmiaid icquin nëbi aidën tantiamiacpadombuen nabannuna.

Doma 1:21

Ambi uaid issumbi Nuquin Papa tantiaquin aidën chiacpadombuen natiapimbo iquec. Nëid uaquid bëdambocquid nec. Aidëmbien ubi nashunchitec, quetiadquidi pamumëdacbimbuecquin Nuquin Papa tantiatiapimbocquin ambembi chiaiduidi tantiaquin nabanquid matses nec.

Epeso 5:2

Nuqui tantiaquidquio Esuquidistu nec. Adquid icnuc utsibobëd tantiananec tabadta. Nuquitedi tantiaquidquio yec abided cuidadec uënëspanëdash. Adec abi uënësaid nuadte bëda shëdtequid pichicacbimbuen nasho isash Nuquin Papa: Bëdambo iquec, quepanëdash.

Hechos 17:30

Ënden matsesën ambibi nacnenshun: Papa, quequin cuënsho tantiash Nuquin Papa: Padi. Aden nainda, quenquio iccondaidi nëbi: Mimbi icsambuen tantiaid ënshun ubi tantiaquin umbi chiacpadombuen nabanta, quequin matses abitedimbo chiec.

Mateo 3:8

Mentomete bunec Nuquin Papan Chiaid niac niacbuedi ënash Aid tantiec bëdambuec tabadta.

Uanën dada uaid 12:35

Adoaquien Esusën: Nadquid nebi, quenquio icquin utsi chiacbimbuen naden chuipondash: Mibi bëdambuen tantiamequid nëbi abi mibëd iqueque. Aid tantiata. Adbuedi uëshë budacbimbuec isadenquio yanendac. Aid nibëdnuc inchëshën tantienquio yec capuacbimbuen mimbi bëdambuen tantienquio iquendac.

Doma 13:12

Nëbien Esus choec, quequin tantiaquin icsambuen nainquio yec bëdambuec tabadnuna. Sondado: Senushe, quiash tsasimbocquid dasiuidacbimbuen icsamianquidën iuanushe, queshun nuqui icsambuen naid ënshun bëdambuen tantianuna.

Codosas 1:12

Mimbi bëdambocquid icmebanac icsambocquid nibëdacno mimbi namiacno uëshëmboshë yacno mibi tantiaquid utsibobëd mibëdi tabadendabi, quequin tantiec: Nuquin Papa bëdambo iquec, quec cuishonquendac, Papa, quequin Nuquin Papa chiannembi.