Epeso 5:6 - El Nuevo Testamento en matsés

⁶ Muaquin ambembi chiec onquiaid tantiesa icta. Adquid ambi chiacpadombuen naisa icsho Nuquin Papan cumapenen cuidendac.

Epeso 5:6 Referans Kwoze

Doma 1:18

Abi tantiesabo yec chieshëmënec tabadquid abucshun isquin cuidquid Nuquin Papa nec, quequin nuqui tantiec. Adec abi tantiesa yec icsambuen naic tabadquin Ambi Chiaid tantiatiapimbocquin utsibotsen tantiametiapimbo icsho nëishshun Nuquin Papan cuidendac.

Mateo 24:4

Adoaquien Esusën naden chuipondash: Tantia. Mibitedi chuinu. Muaquidoba choendac. Aido choshon chuisho tantiash: Abimbuen cachitec, quec mua uadenda.

Codosas 2:8

Naden muaquidon icsambuen tantiamenushe. Abimbo tantiaquiec tabadta. Ëndenquio ambibi tantiaquin matsesën chiaid ambembi chiec onquiampicpaden nëbi icquidën Esuquidistu chuibanenquio icquin chuisho tantiashun: Nuquin Papan Chiaidpenquio chiec nec, quequin tantiata. Adembidi Mayan Icsa Satanasën icsambuen namenuen tantiamiacpadombuen aidon muaquin chiaid tantienda.

Uan 1 4:1

Tantia, cun utsibo. Umbi tantiaido icsho mibi chuinu. Matsesën: Nuquin Papan Mayan Bëdan tantiamiaidquio nebi, quequin chuibansho: Abimbo chiec, quequin badedquio tantienda. ¿Nuquin Papan Mayanën tantiamiaidënquiobida chuipec? quequin aidën chuibansho tantiata. Nuquin Papan oncamiaid nebi, quequin chuiquido nidaid utsi utsiec yacnoshon dadpenshunquio ambembi chuibaneque.

Codosas 3:6

Adec tabadquin ambi icsambuen nate bunaidbëta ambi icsambuen tantiaid ënesa icquin Ambi Chiaid niacquido icsho Nuquin Papan cumapenquien cuidendac.

Madcos 13:5

Adoaquien Esusën: Tantia. Mibi chuinu. Muaquidoba choshon chuisho tantiash: Abimbuen cachitec, quec mua uade, tantiaquiec tabadta.

Mateo 24:24

Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin ubi chieshënquidombi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Petedo 1 2:8

Adembidi naden chuiquin dada uamiampid iquec: Cute mabud iquec, quequin tantienquio yec nidec tocoshquetanec uebudendac, quequin Nuquin Papan dada uamepampic. Aido tocoshquetanec uebudacbimbuen Nuquin Papan Chiaid tantienquio yec cuidadtequid iquec abibi chian annëdënquiacno nidendac.

Tesadonica 2 2:3

Aden muaquin chiaid tantiash: Abimbuen cachitec, quequin tantienda. ¿Nuquin Icbobada chopadic? Padenquio. Icsamboshëcquidoba choendac. Nuquin Papa caidën chiaid tantiatiapimbo iquebi, quec matses icsambuec tabadnubien Nuquin Papa chieshënquidquio icsamboshë icquidba choash matses abitedishun chuiquid tapa iquendac. Aid Nuquin Papan cuidtequidquio nendac.

Codosas 2:4

Aden umbi chianniaid icnuc utsibon abimbo chiacbimbuen chuiquin: Umbi chiaid tantiata, quequin muaquin Esuquidistupenquio chuibansho ma tantienquio mibitedishun icpanu, quequin tantiaquin aden mibitedi chiec nebi.

Madcos 13:22

Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin Nuquin Papan tantiamiaido chieshënquimbi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Codosas 2:18

Nuquin Papabëd icquido tantiaquid utsibon: Ubien bëdamboshëcquid nec, quesa nebi, quequin muaquin chuisho tantienda. Ushquin isacbimbuen isombi, quequin muaquin chuisho adembidi tantienda. Adembidi: Ubien dadpen tantiaquidquio nec, quequin chuisho tantienda. Aidon: Umbi tantiacpaden nainquio yec mibi icsambo iquec, quequin icsambuen chuisho tantienda.

Ebedeo 3:19

Aden tantiesabo icquin ambi chiacpadombuen nainquiocsho issun ambi chiacno Nuquin Papan tabadmenquio icpampic.

Ebedeo 13:9

Esusën naidquio chuinu, quequidën utsi chiec muaquin chuibansho tantienda. Padnuen mibi bëdambuen isquin nashunquid: Nuquin Papa tantiaquidquio ma yannu, quequin mibi chuibanquidën chuibanacpadombuen nabanta. Utsibic: Nëid petemaid nec. Nëid petequid nec, quequin tantiaquin naquid yec Nuquin Papa tantiaquidquio yanenquio mibi ictsiac.