Epeso 4:3 - El Nuevo Testamento en matsés

³ Nuquin Papan Mayan Bëdan utsibëd bëdambuec tabadte tantiamiacpadquiec Esuquidistu tantiaquid utsibobëd abentsëc yacbimbuec bëdambuec tabadta.

Epeso 4:3 Referans Kwoze

Codinto 1 1:10

Tantia, cun utsibo, Nuquin Icbo Esuquidistun namiaid icquin mibitedi chuinu. Mibëtan Esus tantiaquidobëd chieshënnanec cuëshcuëshëdec tabadenda. Adenquio yec Esus tantiaquid utsibobëd tsidadash tabadec: Naden nanuna, quec abentsëcshun tantiacbimbuen tantiec bëdambuec tabadta.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Uanën dada uaid 13:34

Aden tantiaquin Nuquin Papan Chiaid chuca utsi mibi chuinu. Ubi nidan umbi chiacpadombuen nata. Umbi mibitedi tantiaquiacpadquiecbidi mibitedi tantiananquiota.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Tesadonica 1 5:13

Aido Nuquin Papan Chiaid bëdambuen tantiamequidombo nec, quequin tantiaquioquin bëdambuen ista. Adec chieshëmënenquio yec utsibobëdtsen bëdambuec tabadta.

Epeso 4:4

Esuquidistu tantiaquidtedi abentsëc yacbimbuecquid nec. Abentsëcquiobi aton Mayan iquec. Adquiecbidi Nuquin Papan tantiamiaido icquin ambi matses abi yacno tabadmete nuqui cainaid abentsëcquiobi iquec.

Epeso 4:13

Adoaid icquin nashunac abentsëc yacbimbuec Esus tantiaquido yanendac. Adquid iquec Nuquin Papan Mado tantiaquiec Esuquidistupadquid yanec nuquitedi bëdambuec tabadquid yanendac.

Madcos 3:24

Chuiquid tapan nëishshun abëd icquido cumapenen chushcac: Aidbëd ictiapimbo iquebi, quianec cuëshcuëshëdec niqueshun chieshënac aidon chuiquid tapa ictiapimbo iquendac.