Epeso 4:19 - El Nuevo Testamento en matsés

¹⁹ Icsambuen naquidquio icquin: Aden naic icsambocquid nechitebi, quequin tantienquio aidon iquec. Adquid icquin abi bunaiduidi naquin mëmunesa icquin icsateuidi nabanec tabadec.

Epeso 4:19 Referans Kwoze

Timoteo 1 4:2

Aden podobitsi icsabon tantiamiac muaquidon: Abimbo caimbi, quequin bëdambocquid danmianquien muaquin chiendac. Aidon: Naden nac bëdambo ictsiash. Naden nac icsambo ictsiash, quequin bëdambuen tantienquio icquimbi icsambuen chuibansho matsesën tantiashunendac.

Codosas 3:5

Adec Esuquidistubëd tabadec bëdamboshëcquid iquendabi, quequin tantiaquin mimbi icsambuen nabanaidtedi cuessun secacbimbuen mibitedishun ëmbanta. Adshun: Umbi chudtemaid chudnu, quenquio icquin ënta dadan. Umbi chudmetemaid chudmenu, quenquio icquin ënta chidon. Aden natemaid bunmec dasiuidenda. Adembidi mimbi icsambuen nate bunaidtedi ënta. Adembidi mitsana dadpen bedteuidi bunaid ënta. Mimbi: Bednu, quequinuidi tantiaid matsesën ambibi nacnenshun: Papa, quequin tantiacbimbuecquid mibi bedte bunaid nendac.

Udas 1:11

Aido cuidtequido icsho tantiac uënësquioshë iquec. Cain campidbimbuecquid aido nec. Nuquin Papan Chiaid niacniacquin abi bunaid naiqui icsaic. Aido piucquid dadpen bedteuidi bunquido yec Badan caidbimbuecquido nec. Adembidi Nuquin Papan Ambi Chiaid niacniacsho Code uënësmepampic.

Esusën Uan ismiaid 18:3

Babidonia yacnocquidon nidaid utsi utsiec yacno tabadquido aton chuiquid tapabobëta tantiadenmenuen acte paë uaid acmiac aton chidopenquio chudacbimbuen Nuquin Papambo tantiamenquio icquin aidën chiaid niac niacmequin icsamequioposh. Adembidi dadpen dayun uaquid matses utsibon abi bunaidquio menequin piucquid dadpen bedash: Bëdambo iquebi, queposh.

Petedo 2 2:22

Adquid chuiquin abimbo chiaid naden chuipanëdash: Ambi ucbudaidi opan chequid. Adecbidi chanchu nesmiaqui mactaquën padpidec nocoshquec bëchishuaquid, quepanëdash.

Petedo 1 4:3

Ënden Nuquin Papa tantiesabon nacpaden Nuquin Papan Chiaid niacniaquec mibitedi icsambuen naic iuec tabadpanëdac. Adec icsateuidi bunec mëmuntiapimbo mibitedi icpanëdac. Adquid icquin utsin chido chudquid dada icnubi chido aton bënëpenquio chudmequid icpanëdash. Badiadquidën badiadquidënquien nua peshun tantiadennuen acte paë uaid acquid mibi icpanëdac. Nëid papa canu, quequin matsesbimbuecnuc nacnenshun mimbi tantiapanëdac.

Epeso 4:17

Nëbi Nuquin Icbo Esuquidistun namiaid icquin aidën tantiamiacpadombuen mibitedi chuinu: Nuquin Papa tantiesabo yec icsambuec tabadacpadec tabadenda. Aidon ambi icsambuen tantiacpadombuenuidi tantiaquin nabanec.

Madcos 7:22

Nëidic aton chidopenquio chudquido. Nëidic aton bënëpenquio chudmequido. Nëidic abi bunacpadombuen dadpenquio bedquido. Nëidic icsamboshëcquido. Nëidic utsin na isash bunquido. Nëidic utsibo muaquin chuishunquido. Nëidic abi bunaiduidi nate bunquin naquido. Nëidic utsina isash bedte bunquido. Nëidic utsi ambembi icsambuen chuishunquido. Nëidic: Ubiuidtsëqui bëdambocquid nebi, quequido. Nëidic: Aden naic icsatsiabi, quenquio icquin icsambuen naquido.