Epeso 3:6 - El Nuevo Testamento en matsés

⁶ Ambi matses tantiamenquio icpampid nad iquec: Esusën naid ambi Chiaid Bëda chuibansho Nuquin Papan matses utsi utsien Esus tantiaquido icmec. Adoac aidobëd isadaidbo dada abentsëc yacbimbuec tabadsho issun ambi chiampicpadombuen bëdambuen isquin uënësacsho abëdi tabadmendac.

Epeso 3:6 Referans Kwoze

Uan 1 2:25

Adquid icsho Esuquidistun: Ubëd abuc ënëdenquio yec tabadte iquendac, quequin chiondacpadec nuqui tabadendac.

Uan 1 1:3

Aidi ubëd icquidobëtan isquin chuibansho tantiondashun chuibanec nebi. Ma mibitedi ubëd icquidobëd abentsëc yacbimbuec ma tabadnu, quequin chuibanec nebi. Adecbidi abentsëc yacbimbuec Nuquin Papabëd yec aton mado Esuquidistubëd yec quec ubitedi tabadacpadecbidi ma mibitedi tabadnu, quequin chuibanec nebi.

Cadasia 3:14

Adec matses abitedimbo abi tantiaquido icmenuec uënëspanëdash. Aden ambi Abadauan chiampicpadombuen napampic. Nëbi Esuquidistu tantiasho isadaidpembo ambi chiampicpadombuen bëdambo icmequin aton Mayan menec.

Codinto 1 12:27

Mibitedi Esus tantiaquin utsi utsien nabanquido yec Esuquidistun dadabimbuecquido nec.

Codosas 2:19

Aido Esusbëd abentsëc yacbimbuec tabadquidpenquio nec. Adquid icquin: Esuquidistu abi tantiaquidon Icbombo nec, quequin tantienquio iquec. Adecbidi Nuquin Papan tantiacpadquiec Esuquidistu tantiaquid dadpen yanash aton utsibobëd tantiananec nashunnanec aton Icbo padquid yanec, quequin tantiesa adquido nendac.

Epeso 5:30

Nuquitedi abi tantiaquido yec Esuquidistubëd abentsëc yacbimbuecquid icnuc aidën dadabimbuecquid nuqui nec.

Epeso 5:7

Aidobëtan icsambuen naic tabadenda.

Codinto 1 12:12

Matsesën dadan icquid uidënuaid dadpen icnubi dada abentsëcquiobi iquec. Adquiobidi Esus tantiaquido dadpen icnubi ambi tantiaid abentsëcquiobi Esuquidistu iquec.

Cadasia 5:24

Esuquidistun iuabo icquin nuqui icsambuen naidbëta nuqui icsate bunaidtedi bedshun cueste napotiaidën dectanquin cuessunniacbimbuen nuquitedi ënondac.

Epeso 3:3

Nuquin Papan ënden ambi matses tantiamenquio icpampidi tantiamiac daëdpactsëc dada uaquin mibitedi chiondambi.