Epeso 3:16 - El Nuevo Testamento en matsés

¹⁶ Nuquin Papa nadatiambocquin naquidquio icsho naden mibitedi tantiaquin chiannembi: Min Mayan Esus tantiaquidobëd icmequin chieshtoenquio icquido icme.

Epeso 3:16 Referans Kwoze

Codosas 1:11

Nadembidi Nuquin Papa chiannembi. Mibi nadatiambocquid yec bëdamboshëcquid icquin Codosas yacnocquido dayacquio icmequimbi utsibon chieshënquin natiamesho issun chieshtoenquiocquido icmeta. Adoac mibi tantiec cuishonquequid iquendac, Papa.

Pidipos 4:13

¿Ubenquiodabi adquidtedi icnuc uidënquio icti? Padenquio. Esuquidistun namiaquini adquidtedi icnuc chieshtoenquio yec uidënquio iquec.

Timoteo 2 4:17

Nuquin Icbombini nianenquio icpondash. Isadaidpembo matses utsibo yacno nidshun ma Esus abided cuidadec uënës uaid tantiate chuibannu, quequin cuesambo icmepondashi. Adondaid icshobini chieshëmënquidon: Cuessunnenu, cauidpondash. Adshobini bëdi tëbuchoquid tapan bedacsho mënchicacbimbuen Nuquin Icbon nac aid matsesën cuessunnenquio icpondashi.

Codinto 2 4:16

Adquid icnuc chieshtoenquio icquin cun dada shënibudec tsësiobudquimbi badiadquidën badiadquidënquien Nuquin Papan namiac Esuquidistu tantiaquid icbuedi Esus tantiaquidquio yanebi.

Epeso 6:10

Cun utsibo, nëbi: Nuquin Icbo nadatiambocquin nabanquid nec, quiash aidënquio uidënquio icmequin bëdambuen tantiamiaid icta.

Codinto 2 12:9

Adoac naden chuipondashi: Umbi bëdambuen isquin tantiaidquio yec mibi bëdambo iquec. Mimbi natiapimbo icsho issun nadatiambocquid icquin mibi namequiembi, quequin chiac naden tantiembi. Natiambo icmiac natiapimbocquid yequi bëdambo iquebi. Ma Esuquidistun nadatiambocquid icquin ubi namenu, quiash bëdambo iquebi.

Pidipos 4:19

Adquid icsho Nuquin Papa umbi tantiaidën mitsana nibëdsho mibi icmeshunendac. Atona abitedimbo icnuc Esuquidistu uidtsëqui tantiaquid icsho aden mibi icmeshunquin bëdambo icmendac.

Doma 7:22

Nuquin Papan: Naden nata, quequin Moises chuiquin dada uamiampid tantiate bunebi,

Codinto 1 16:13

Icsamane, queshun isucunacbimbuen chieshtoenquio icquin Esus tantiaquidquio icta. Adecbidi natiamiantequid icnuc dacuëdenquio yec chieshtoenquio yec tabadta.

Doma 9:23

Nuquin Papan matses bëdambuen iste bunquin icsaisambo yec bëdamboshëcquid icquin nuqui tantiamete bunec. Nuquin Papa nuqui tantiec uënësquiocquid icquin ambi ëndenquimbo nacnenampicno bëdamboshë yacno tabadmendac.

Codosas 1:27

Aden Nuquin Papan ambi matses tantiamenquio icpampidi bëdamboshëcquid Esuquidistu Isadaidpembo tantiamebempanëdash. Adoac Esuquidistu tantiaquido yansho issun Nuquin Papan cun matses caido yec bëdamboshëcquid yacno aidbëd tabadtequid nebi, quequin tantiaquin cainec tabadendac.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Epeso 1:18

Nadembidi mibitedi tantiaquin Nuquin Papa chiannembi. Mimbi bëdambuen tantiamiac: Ma mibëd tabadte bunquin cainquidombo ma icpanuna. Adash: Nuquin Papa tantiaquido utsibobëd bëdamboshë yacno tabadendabi, quequin ma tantiapanuna, quequin chiannembi.

Mateo 6:13

Adembidi Mayan Icsa Satanasën tanquin ubi icsamete bunmequin: Iuanu, casho ubi cudasquin mënchicta, Papa. Mibiuidtsëqui nadatiambocquid yec bëdamboshëcquid yec nibëdantiapimbocquidquio mibi nec, Papa, Amen, quequin Nuquin Papa chianneta, quequin Esusën chuibampanëdash.

Epeso 1:7

Matses bëdambuen iste bunquidquio icquin Nuquin Papan namiac Esuquidistu aton intac chididiquec uënësaidën nuquitedi icsambuen naid bedshunquin nuqui icsambuen naid tantienquiocnoc Nuquin Papa bëshunmendac.

Ebedeo 11:34

Adembidi Nuquin Papa tantiaquidquio icsho chieshënquin: Cute nëdëncadoshon pichicanu, casho Nuquin Papan nac nëdënquequidën pichiquenquio icpampic. Adembidi abi tantiaquidquio icsho utsi utsien: Chështen senu, casho issun mënchicquin cuenmepampic. Adembidi tantiequi casenash uidënquio ictiapimbo icbuedi uidënquiocquid icmepampic. Adembidi Nuquin Papa tantiaquid icquin matses utsibon sondadobëd cuesnannuequido choacsho dëniacquin cuenmepampic.

Petedo 1 3:4

Adenquio icquin: Bëdambocquid nec, camenuec bëdambuec tabadta. Nacnemëdteuidi bunenquio icquin bëdambuen nabanec bëdambocquid icta. Mimbi aden nasho isash: Mibi bëdambo iquec, quendac Nuquin Papa.

Epeso 2:7

Iuecshun utsibon Nuquin Papan aden naid icsho issun: Nuquin Papa bëdambocquid yec matses tantiaquidquio icquin Esuquidistu tantiasho bëdambuen isec, ma capanuna.

Doma 2:29

Isadaidbo nebi, queshun shui dëbid dëtemequido yec bëdambuec tabadquin Nuquin Papa tantiaquidombo nec. Adquid icquin Moisesën chiampicpadombuenuidi nainquio yec Nuquin Papan Mayan Bëdan tantiamiacpadec bëdambuec tabadec. Adec tabadsho: Adquid bëdambo iquec, matsesën cainquio icnubi Nuquin Papan: Bëdambo iquec, caindac.

Codosas 2:2

Ma ënenquio icquin Esuquidistu tantiaquidombo yampanu, queshun dayacquiocquin chiannec nebi. Abentsëc yacbimbuec tantiananquido ma yampanu, queshun adembidi chiannembi. Adquido yanshun ma bëdambuen tantiapanu. Adembidi: Ëndenquimbo Nuquin Papan matses tantiamenquio icpampidi Esuquidistu nec, quequin ma tantianu.