Epeso 1:8 - El Nuevo Testamento en matsés

⁸ Adomiac Nuquin Papan nuquitedi bëdambuen isquin ambi bëdambuen tantiaid tantiamequin utsi dadpen bëdambuen tantiamendac.

Epeso 1:8 Referans Kwoze

Esusën Uan ismiaid 5:12

Adec tabadec naden chiec cumapenquiec cuëdëncuededposh: Obecabimbuecquid yec matses icsaid bedshunash abided cuidadec uënësquid yec Mibi bëdamboshëcquidquio nec. Adquid icsho: Abitedishun Icbo icquin nadatiambocquin namequidquio mibi nec. Adecbidi mimbi uaido yec mitsana abitedimbo nec. Cumapenen tantiaquidquio mibi icnuc mimbi tantiacmaid utsi nibëdec, abitedishun canuna. Adembidi mibi bëdamboshëcquid icsho Mibi tantiaquiembi, canuna. Adembidi abitedishunquio: Mibi bëdamboshë iquec, canuna, quec cuëdëncuededposh.

Codosas 2:3

Adembidi piucquid dadpen meniacbimbuen Esuquidistunuidtsëqui tantiamiac chiaid bëdamboshëcquid tantiabenshun bëdambuec tabadte tantiaquiendac, queshun Nuquin Papa chiannembi.

Epeso 3:10

Adembidi nëbi chuibenniac matses dadpen Esuquidistu tantiaquido yanacsho issun Nuquin Papabëd icquidobëtan abuc icquid Mayan Icsa Satanasën iuabo abitedishun naden tantiendac: Nuquin Papan abitedi tantiaquidquio icquin Esuquidistu tantiaquid dadpen yanmiac, quequin tantiendac.

Doma 5:15

Adanëmba Ambi Chiaid niacsho cuidquin aidba uënëstequid icmeshun aton tsiuecquido matses uënëstequidouidquio Nuquin Papan icmepampic. Padnuen Nuquin Papa matses bëdambuen ismequidquio abentsëc icnuc utsi adquid ictiapimbo iquec. Nuquin Papan: Piucquid ubi mene, quenquio icquin Esusuidtsëqui tantiameshun nuquitedi bëdambuen isec. Esuquidistun naid bëdamboshë icnuc Adanën naid icsamboshë icpampic.

Epeso 1:11

Nuquin Papa ambi tantiampicpadombuen naquidquio nec. Ëndenquimbo abitedi uabi yequi Nuquin Papa nadpampic: Umbi tantiaidtedishun Esuquidistu tantiaquid icsho: Ubëdi tabadmenuen: Cun matses nec, caindambi, quepampic.

Codinto 1 2:7

Umbi tantiaid chienquio icquin Nuquin Papan bëdambuen tantiamiac ambi matses tantiamenquio icpampidi chuibanec nebi. Nidaid uabi yec ëndenquimboshë: Umbi tantiacpadënquio Esus tantiaquido bëdamboshë yacno ubëdi tabadmendambi, quequin chiampidquio chuibanec nebi.

Doma 11:33

Nuquin Papa abitedimbo tantiaquidquio yec bëdamboshëcquid nec. Adquid icquin ambi natiapimbo ictequid nibëdnuc bëdambuen naquidquio nec. ¿Ada adquid icsho matsesën: Aden nac icsambo iquec. Naden nac bëdambo iquec, quequin Nuquin Papa chuipadic? Padenquio. Ambi naidtedi matsesën tantienquio iquec.

Mateo 11:19

Adnubini Matsesën Tishaid yec choshon peshun acsho isash: Nua pedenneshun tantiadennuen acte paë uaid acquid nec. Adecbidi icsambocquidobëd icquid yec Doma yacnocquidon chuiquidën: Piucquid aidted bedta, quequin chiacpadec bedshumënquidbëd icquid nec, mibitedishun ubi capec. Adquid icnuc Nuquin Papan tantiamiac aidën chiacpadombuen nabansho issun: Bëdambo iquec, caindac, quepondash Esus.

Epeso 1:7

Matses bëdambuen iste bunquidquio icquin Nuquin Papan namiac Esuquidistu aton intac chididiquec uënësaidën nuquitedi icsambuen naid bedshunquin nuqui icsambuen naid tantienquiocnoc Nuquin Papa bëshunmendac.

Epeso 1:9

Aden Nuquin Papan ambi matses tantiamenquio icpampidi nëbi nuqui tantiamec. Abi bunacpadombuen abi matses bëdambuen ismequid Esuquidistu nuqui tantiamiac.