Ebedeo 8:6 - El Nuevo Testamento en matsés

⁶ Padnuen nuqui Nuquin Papa bëdambuen ismequid tapa icquin Esuquidistun bëdambuenshë naic. Utsibic Nuquin Papa matses bëdambuen ismenuen nëish iua cuessunneshun pichicaquidon chuiquid tapa yec matses icquin bëdiactsëc bëdambuen naic. Nuquin Papan: Aden matsesën tantiasho bëdambuen isendambi, quequin chiaid chuca bëdamboshë icsho aid tantiamequid Esus nec.

Ebedeo 8:6 Referans Kwoze

Ebedeo 7:22

Adquid nëbi icnubi Adombëtan aton tsiuecquidon Nuquin Papan: Naden nata, quequin Moises chiaid tantiaquin nauidpanëdash. Nëbien Nuquin Papan utsi chuca uain chiaid tantiaquin abi tantiasho Esusën Nuquin Papa matses bëdambuen ismendac. Ëndenquimbo Nuquin Papan Chiampid bëdambocquid icnubi chiaid chuca utsi bëdamboshëcquid iquec.

Ebedeo 12:24

Adecbidi Esus yacno choacbimbuecquido mibitedi nec. Aidi Nuquin Papan Ambi Chiaid chuca namiaid icquin Nuquin Papa matses bëdambuen ismequid nec. Esus abided cuidadec uënësaid intaquën matsesën icsambuen naid ucacbimbuen bëshunmequin Nuquin Papa nuquitedi bëdambuen ismec. Padnuen Abed intac chiquidiquec uënësaidën Nuquin Papa matses bëdambuen ismetiapimbo icpampic. Esus abided cuidadec uënësaidëmbien Nuquin Papa matses bëdambuen ismendac.

Petedo 2 1:4

Aden ambi chuinëdacpadombuen bëdamboshëcquid nuqui menec. Adoac aidën tantiamiac Nuquin Papan Chiaid isbanec Nuquin Papabimbuec icsate bunenquio yec nuqui bëdambuec tabadendac. Utsibo icsateuidi bunec icsambuen naic tabadnubi cuenacbimbuec mibitedi bëdambuec tabadendac.

Tito 1:2

Nuquin Papa muesambo nec. Adquid yec ëndenquimboshë nidaid uabi yequi onquec: Umbi chiacpadombuen Esuquidistu tantiaquido icsho ënenquiocquin ubëdi tabadmendambi, quequin ambi chiampicpadombuen ma nëidon tantianu, queshun Esuquidistu chuibennequidquio icmiondashi.

Ducas 22:20

Adoshombic adembidi dëshoten uba chinaid ënë cushtoshon menec: Nëid cun intacbimbuecquid neque. Aid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun aid tantiaquid icsho Nuquin Papan ubi cuidenquio iquec, quequin tantiata, quepanëdash.

Doma 9:4

Cun tsusedpa Acobo Nuquin Papan Isadaid cuënaidën tsiuecquidotedi isadaidbo tantiaquin Nuquin Papan nadopampic: Cun matses mibi icsho isash mibëd tabadebique. Mibi ismenu, quequin cun matses tabadacno abu ushu bëchamauanquiecquid chomequin ismepampic. Adashic nadpampic: Umbi chiacpadec bëdambuec tabadsho mibi bëdambuen isquin bëdambo icmendambi, queshun ambi: Naden nata, quequin chiaid Moises dada uamepampic. Adoac abi tantianuen tabadte shubumpi uashunac Nuquin Papan abi bëdambuen tantiec tabadte isadaidbo chuipampic. Adshumbic: Bëdambuen isendambi, quequin Nuquin Papan cun tsusedpabo chuipampic.

Epeso 2:12

Adquid icnuc: Nadquid iccondabi, quequin tantiata. Ënden Esus tantiesabo yec isadaidpembo icquin: Cun matses tsusedpabo chuiquin Nuquin Papan: Umbi chiacpadombuen nasho adoendambi, quequin chuipampic, quetiapimbo mibitedi iquec. Isadaidbon aden chuipampic. Adecbidi nëid nidaidën tabadec Nuquin Papa tantiesa icquin abëd tabadte caintiapimbo mibitedi icpondac.

Timoteo 1 2:5

Aden Nuquin Papan Chiaidquio tantiashun nuqui naden tantiec. Nuquin Papa matses uaquid abentsëcquiobi iquec. Matsessun Nuquin Papa matses bëdambuen ismequid aton Mado Esuquidistu abentsëcquiobi iquec.