Ebedeo 5:7 - El Nuevo Testamento en matsés

⁷ Esuquidistu matsesash nidaidën tabadec: Ubi uënës uamequin mëyanquiendac, quequin tantiec shubiquioquin naden chuidonepanëdash: Nadatiambocquid icquin ubi uënës uamenda, Papa, quequin chuidoniaqui: Ai, quenquio icsho Aton Madon naden chiec: Papa, mimbi chiacpadombuen naindambi, quequin abi chuisho tantiashun aton Papan adombuen namepanëdash.

Ebedeo 5:7 Referans Kwoze

Uanën dada uaid 17:1

Aden ubitedi tantiamequin chuibanshumbic abuc isquin Esusën naden Nuquin Papa chuipondash: Papa, nëbi mimbi tantiaidtedi nainsho issun mimbi tantiamiacpadquiec: Aton Mado Esus bëdamboshëcquid yec abitedishun Icbombo nec, matses cameta. Adembidi mimbi chiacpadombuen umbi nasho issun mibi caic: Abi namequidtsen bëdamboshëcquid yec abitedishun Icbombo nec, cameta.

Mateo 27:46

Uëshë budec 3 yannubien Esus cumapenec cuëdec nadpanëdash: Edi, Edi, dama sabactani, quec cun onqueten cuëdec: Papa, Papa ¿Atotsi queshun ubi isenquio icquin niano? quec adpanëdash.

Madcos 15:34

Adec uëshë budec 3 yannubien Esus cumapenec cuëdec nadpanëdash: Edoi, Edoi, dama sabactani, quec cun onqueten: ¿Atotsi queshun ubi isenquio icquin niano? Papa, quec adpanëdash.

Ebedeo 12:28

Adoaid Nuquin Papa ambi namiacno abi tantiaquidobëd tabadte ishcunquin nibëdanmetiapimbo ictequid nec, quequin Nuquin Papan nabanaid tantiec aid bunacpaden: Nuquin Papa bëdamboshë iquec, quequin aidquio tantiec tabadnuna.

Uanën dada uaid 11:35

Esus shubiampondash.

Mateo 27:50

Adnubien padpidec cumapenec cuëdtanec Esus uënëspanëdash.

Madcos 15:37

Adnubien cumapenec cuëdtanec Esus uënëspanëdash.

Ebedeo 2:14

Matses yec namibëd intacchoquid nuquitedi nec. Adecbidi Esus namibëd intacchoquid matses yanash naden nanuec uënëspanëdash. Mayan Icsa Satanas matses uënës uaquid icsho dëniacshun aden namenquio iquembi, quiash Esuquidistu matsesash uënëspanëdash.

Ducas 23:46

Adnubien cumapenec cuëdec: Papa, cun mayan bedquin mibi yacno ubi iuedta, quetanequi Esus uënëspanëdash.

Ebedeo 13:20

Bëdambuec tabadmianquid icquin Nuquin Papan aton Mado Esus matsesacsho matsesën uënës uaid icsho uincuenmiac nëish iua obeca abi dayun uacbimbuen abi tantiaquidtedi dayun uaquid yampanëdash. Abi tantiaquido caic: Aido bëdambuen isendambi, quequin chiaid ucudtiapimbo ictequid nec, quequin aton intac ismequin ënenquio icquin abi tantiaquido Nuquin Papa bëdambuen ismendac.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Uan 2 1:7

Muaquin chuibanquido dadpen choac. Aidon: Esuquidistu Nuquin Papan Chomiaid yec matsespenquio nepanëdash, quequin muaquin chuibanendac. Aido Esuquidistu chieshënquidombo nec.

Uan 1 4:3

Aden chuibanesa Nuquin Papan Mayanën tantiamiacmaid nendac. Adquid icquin Mayan Icsa Satanasën namiaid icquin Esus chieshënquidquio nec. Adec chieshëmënec icsamboshëcquidquio choendac, quequin chuisho mibitedishun tantiondac. Adquid chieshëmënquido nidaidën nëbi abi iquec.

Cadasia 4:4

Adnubien ambi ëndenquimboshë tantiampicpadembi Nuquin Papan Aton Mado chomepanëdash. Aidi isadaidbo chidon tishaid icquin Nuquin Papan: Naden nata, quequin Moises chuiquin dada uamiampicpadombuen naquidquio nepanëdash.

Uanën dada uaid 11:42

Umbi otacquio chianniaid mimbi ënenquio icquin tantiec. Ubi datsidadquido tantiamequin nëbi cumapenec onquequin mibi chiembi. Mibi chuitanquin umbi nadatiambocquin nasho issun: Nuquin Papan Chomiaidquio nec, quequin ma nëidon ubi tantianu, queshun cumapenec onquequin Nuquin Papa chuipondash.

Doma 8:3

Moises dada uamiampidën chiacpadec matses bëdambuec tabadtiapimbo yec uidëmpentsëcquio icsho issun Nuquin Papan aton Mado matses uidëmpentsëcquiocquid yacbimbuecquid chomepanëdash. Adshumbic Nuquin Papan icsambuen naquido cuidenquio icnuen aton Madoded cuidmequin uënës uamepanëdash.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Ebedeo 10:5

Padnuen Esuquidistu nidaidënshun tishac caniash Nuquin Papa chiec: Mibi bëdambuen ismenuen matsesën nëish iua cuessunneshun pichicatebëta ambi menete utsi iste bunenquio mibi iquec, Papa. Adec bunenquio icquin mimbi tantiacpadombuen matsesën tishaid nebi, Papa.

Ebedeo 10:10

Adoac Nuquin Papa bunacpaden: Ma matsesën ubi uënës uanu, quiash padpidec uënësenquio icnush abentsequi abided cuidadec Nuquin Papa matses cuidmenquio icnuec Esuquidistu uënëspanëdash. Aid tantiaquido icsho issun Nuquin Papan: Cuna nec, caido yec aton iuabo nuqui nendac.

Ebedeo 11:7

Adembidi abi tantiaquidquio icsho Nuquin Papan Noe naden chuipampic: Mimbi isacmaidquio naimbique. Cano dapa nacnenta, capampic. Adoac: Adquid isambo iquembi. Nibëdtsiash, quenquio icquin: Nuquin Papan chiacpadombuen aton shubun icquido: Acte nëuebudnushe, queshun buannuen cano dapa nacnempampic. Adembidi Abi tantiaquin: Cun matses Ambi Chiaid tantiesa icsho Nuquin Papan: Cuidac uënëstequid iquec, quequin Noen tantiapampic. Aden tantiaquidquio icsho Nuquin Papan bëdambuen isquin nashunaidquio Noe icpampic.