Ebedeo 5:1 - El Nuevo Testamento en matsés

¹ Nuquin Papambi: Nadoquid icta, cac aton matses bëdambuen ismenuen nëish iua cuessunneshun pichicaquidon chuiquid tapa nuquin matses isadaidbo utsi utsiec icpampic. Adquid Nuquin Papan icmiac: Cun matses icsambuen naquido icshobi ma Nuquin Papan bëdambuen isnu, queshun nëish iua cuessunnequin pichicadednepampic. Adembidi: Mibi bëdambo iquec, Papa, quequin aton matsesën meniaid Nuquin Papa menedednequid nepampic.

Ebedeo 5:1 Referans Kwoze

Ebedeo 8:3

Matses icshobi nëish iua cuessunneshun pichicaquidon chuiquid tapa icta, caid icquin: Cun matsesbëtambi icsambuen naquid nebi, queshun nëish iua cuessunneshun pichicadennepampic. Adembidi Nuquin Papa tantiaquin: Menenu, quequin aton matsesën bëbëaid bedshun Nuquin Papa menedednepampic. Adembidi Esuquidistun nuqui bëdambuen ismequid tapa icquin Nuquin Papa menetequid icpec.

Ebedeo 10:11

Adnuc nuquin matses isadaidbon nëish iua cuessunneshun pichicaquidon badiadquidën badiadquidënquien abi nëish iua cuessunneshun pichicadednepec. Aden naidën matsesën icsambuen naid bedshuntiapimbo iquec.

Ebedeo 11:4

Ëndenquimbo Abedën Nuquin Papa tantiaquin: Mibi bunacpadombuen cun nëish iua cuessunneshun pichicanu, quequin bëdambuen chuishun pichicasho issun Nuquin Papan bëdambuen isaidquio Abed icpampic. Aton buchi Cainien ambi chiacpadombuen nainquiocquin tiedën icquid pichicasho issun Nuquin Papan icsambuen isaid icpampic. Abed uënësampid icnubi Abedën Nuquin Papa tantiaquioquin nampid chiannetequidquio abi iquec.

Ebedeo 9:9

Aden chiaid issun nëbi naden nuqui bëdambuen tantiec. Matsesën icsambuen nasho ma Nuquin Papan cuidenquio icnu, quequin baded badedquien nëish iua pichicapadennec. Adembidi Nuquin Papa bëdambuen ismenuen nëish iua cuessunneshun pichicaquidën matsesën meniaid menepadennec. Adobuedi: Umbi icsambuen naid tantienquio yec Nuquin Papa umbi naid bëshunac, quetiapimbo icpampic.

Ebedeo 7:27

Adonën tsiuecquidon Nuquin Papa matses bëdambuen ismenuen nëish iua cuessunneshun pichicaquidon chuiquid tapan nacpadombuen Esusën nainquio icpanëdash. Adonën tsiuecquidombien badiadquidën badiadquidënquien nëish iua cuessunneshun pichicadennepanëdash. Ambi icsambuen naidba Nuquin Papa bëshunmenuen pichicashumbic aton matsesën icsambuen naidtsen bëshunmenuen pichicauapanëdash. Padnuen Esuquidistu matsesën icsambuen naidtedi bedshunash abided cuidadec abentsecquiobi uënëspanëdash padpidec uënësenquio icnuec.

Ebedeo 2:17

Matsespadquid yanash matses cuidmenquio icte bunquid yec Nuquin Papan chiacpaden naquid yec matses nashunquid nec. Adquid iquec Nuquin Papa matses bëdambuen ismenuen nëish iua cuessunneshun pichicaquidon chuiquid tapabimbuecquid yec bëdamboshëcquid nec. Adquid icquin matsesën icsambuen naidtedi bëshunmequin Nuquin Papa bëdambuen ismenuec Esus abided cuidadec uënëspanëdash.

Doma 15:17

Aden Esuquidistun namiacpadombuen naic bëdambocquid nebi, quequin Nuquin Papan chiacpadombuen naimbi.

Codinto 1 15:3

Umbi tantiabenondaidquiobidi mibitedi tantiamequin chuibanondambi. Nuquin Papan chuiquin dada uamiampicpadec nuquitedi icsambuen naid bedash abided cuidadec Esuquidistu uënëspanëdash.

Ebedeo 8:4

Adec Esus nidaidën tabadec Moisesën chiampicpadquid Nuquin Papa matses bëdambuen ismenuen nëish iua cuessunneshun pichicaquid ictiapimbo icpanëdash. Nëbi Adonën tsiuecquidoen Nuquin Papa matses bëdambuen ismenuen nëish iua pichicaquimbic Nuquin Papa bëdambuen ismenuen utsi menequid abi iquec.

Ebedeo 10:12

Esuquidistuen Nuquin Papa matses bëdambuen ismenuec abided cuidadec abentsequi uënësash padpidec cuidadec uënëstiapimbo iquec. Adec uënësash uincuenash aton Papa yacnombo nidash aidën dayun abiucquio tsadtuidpanëdash.