Ebedeo 4:13 - El Nuevo Testamento en matsés

¹³ Abitedimbo isquidquio Nuquin Papa nec. Adquid icsho ambi uaidtedishun ompodëntiapimbo iquendac. Adquid yec abitedimbo tantiaquid icquin: ¿Mitsipadec tabado? quequin chiac nuqui nabanaidtedi nuqui chuibanendac.

Ebedeo 4:13 Referans Kwoze

Codinto 1 4:5

Adquid icnuc utsibo isquin: Aid Icsambuen naquid nec, cainda. Nuquin Icbo choshombien icsambocquid cuidendac, quequin aid cainta. Aidëmbi matsesën ompodshon naidbëta ëquëducshun tantiaid chuibanquin tantiameshun cuidendac. Adoshombic utsibo chuiquin: Mibi bëdambuec tabadoc, quequin abentse abentsen chuibanquin Nuquin Papan bëdambocquid menebanendac.

Codinto 2 5:10

Matsesën nabanaidtedi chuibante uëshë chonoc Nuquin Icbon nuqui nabanaidtedi chuibanendac, quequin tantiembi. Ambi chiacpaden naquido abëdi tabadmequimbic icsambuen naquido natiamequin cuidendac.

Doma 2:16

Nuquin Papan abitedimbo cuidte uëshëmbi aidën chiacpadombuen Esuquidistun matsesën otacquio tantiaidbëta ompodshon naidtedi tantiashun matses cuidendac. Aden umbi Chiaid Bëda chuibanquin chuibocpadombuen naindac.

Esusën Uan ismiaid 2:23

Aid chidon namiaidotsen cumapenec mëyadnuc uënësmendambi. Umbi adosho issun ubi tantiaquidtedishun naden tantiendac: Matsesën tantiaidbëta aidën nabanaidtedi tantiaquidquio icquin Esusën abi tantiesa cuidquimbi abi tantiaquin bëdambuen nabansho issun abi yacnombo tabadmendac.

Uanën dada uaid 21:17

Aden daëden chuishumbic padpiden Esusën: ¿Ada ubi tantiaquie, Onasën mado Simon? cac uënësquio yanec shubiantiadtsëcquio Petedo yampondash. Adashic: Mibi cun Icbo nec. Ma mimbi abitedimbo tantieyoc. Petedon ubi tantiaquiec, quequin ma mimbi tantieyoc, quepondash Petedo. Adsho tantiash Esus padpidec: Ubi tantiaquin cun obecabimbuecquido ubi dayun uashunta, queuapondash.

Uanën dada uaid 2:24

Aden tantiasho isash tantiaquidquio yec: Ubi bëdiactsëc tantiaquido nec, quequin Esusën tantiapanëdash.

Hechos 17:31

Matses abitedishun naid chuibanquin cuidte uëshë chonoc matsesën icsambuen naidbëta bëdambuen naid chuibanquin Nuquin Papan Chomiaidën cuidbanendac. Aden matsesën naid chuibanquid nec, queshun ismenu, quequin ambi chiampicpaden naquin Nuquin Papan isadaidbon uënës uacsho Aid uincuenmepanëdash, quepanëdash Pabado.

Mateo 6:4

Adsho issun mimbi utsibo ismenquio icquin nashunaid tantiaquid icquin Nuquin Papan mibi bëdambuen isquin bëdamboshëcquid menendac, quequin Esusën chuipanëdash.

Uanën dada uaid 4:16

Adoaquien Esusën: Min bënë bedtan, capanëdash.