Ebedeo 3:2 - El Nuevo Testamento en matsés

² Moisesën Nuquin Papan chiacpadombuen Nuquin Papa tabadte shubumpi uashun nuquin matsestedi namepampic. Adombuembidi Nuquin Papan chiacpadombuen chieshtoenquio icquin Esusën nabampanëdash.

Ebedeo 3:2 Referans Kwoze

Timoteo 1 3:15

Esus tantiaquido iccuededquin nadoquid, quequin Pabadon chiacpadombuen nanuna, cata. Nuquin Papambo uënëstiapimbocquidtsen tantiaquido nuqui nec. Aid tantiaquido icquin Nuquin Papan Chiaid utsi uaquin chienquio icquin aid abimbo chuiquid icquin ambi chiacpadombuen naquid nuqui nendac, quequin chuita.

Epeso 2:22

Mibitedi Esuquidistu tantiaquid utsibobëd abentsëc yacbimbuecsho Nuquin Papan Aton Mayan meniaid yec Aid tabadte shubu mibitedi nendac.

Ebedeo 2:17

Matsespadquid yanash matses cuidmenquio icte bunquid yec Nuquin Papan chiacpaden naquid yec matses nashunquid nec. Adquid iquec Nuquin Papa matses bëdambuen ismenuen nëish iua cuessunneshun pichicaquidon chuiquid tapabimbuecquid yec bëdamboshëcquid nec. Adquid icquin matsesën icsambuen naidtedi bëshunmequin Nuquin Papa bëdambuen ismenuec Esus abided cuidadec uënëspanëdash.

Uanën dada uaid 17:4

Mimbi chiacpadombuen naquin nëbimbobi nidaidënshun nainembi. Umbi adoacsho isash matses: Abi namequid Nuquin Papa bëdamboshëcquid yec abitedishun Icbombo nec, quendac.

Timoteo 1 1:12

Tantia, mado. Mibi chuinu. Nuquin Icbo Esuquidistun: Ubi bëdambuen chuibantsiash, queshun: Ubi chuibennequid icta, Pabado, cashun ubi bëdambuen namec. Adoaid icquin: Ubi namequid yec mibi bëdamboshë iquec, Icbo, quequin Nuquin Icbo Esus chiannembi.

Uanën dada uaid 15:10

Abi tantiaquioquin ambi chiacpadombuen nashobini Cun Pan tantiaquiec. Adembidi ubi tantiaquin umbi chiacpaden nasho umbitsen mibi tantiaquiembi.

Uanën dada uaid 8:29

Nëbi ubi chomiondaid Cun Pa ubëd iquec. Abi bëdambo icmenuenuidi nasho issun Cun Pan ubi nianenquio iquec, quepondash Esus.

Uanën dada uaid 7:18

Ambembi chuiquidën: Mabi matsesën: Bëdambo mibi iquec, canu, quequinuidtsëqui tantiaquin chuibanendac. Umbien: Ubi chomiondaidquio ma matsesën tantianu, quequin aidën chiaidquio abimbo chiec nendac.