Ebedeo 3:12 - El Nuevo Testamento en matsés

¹² Tantia, cun utsibo. Bëdambuen tantiec tabadta. Uënëstiapimbocquid yec Nuquin Papa abi iqueque. Nëbi aidën chiacpadombuen nanuna, quebuedi: Tantiesa yanshun icsambuen naic cuëshëdchitomane, queshun ënenquio icquin Esus tantiaquiota.

Ebedeo 3:12 Referans Kwoze

Ebedeo 12:25

Aden umbi chuisho tantiashun naden tantiata. Nuquin Papan chiacpadombuen nainquio icmane, queshun aidën chuisho tantiata. Ënden Nuquin Papan: Umbi chuisho tantiata, cac matsesën abi chieshënquin ambi chiacpadombuen nainquiocsho cuentiapimbocnoc Nuquin Papan cuidpampic. Adembidi nëbi abi yacno abucshun chuimesho tantiashumbi ambi chiacpadombuen nainquiocsho Nuquin Papan cumapenen cuiduaindac.

Codinto 1 10:12

Aden icsambuen nainquio ictsiambi, quequin tantiaquidi abia icsatsiash, quiash chieshtoenquio icquin Esus tantiec bëdambuec tabadta.

Ebedeo 10:38

Aid chote tantiec Ambi chiacpadec bëdambuec tabadquin abi tantiasho Nuquin Papan abëd tabadtequido icmendac. Utsin chieshtoshon ubi tantienquio icsho bëdambuen istiapimbo iquendabi, quec Nuquin Papa, quequin chuiquin dada uapampic.

Ebedeo 12:15

Nuquin Papan bëdambuen isaid icquimbi chieshtoshon icsambuen nasho issun: Mibi icsambuec tabadeque. Adec tabadquin ismequin cute podo icsa chodcashun acmiacbimbuen mimbi utsibo icsambuen nametsiaque. Padi. Aden naic tabadenda, quequin chuiban.

Ebedeo 3:10

Adec tabadsho isash nëishash: Umbi chiaid chieshënec ambi tantiacpadembi icsambuen nadednequiopec. Umbi chiacpadec bëdambuec tabadte bunenquio iquec.

Madcos 13:33

Ubi chote uëshë tantiadenquio icnuc: Nuquin Papan Chiaid niacmane, queshun Aidën Chiaid istednequin tantiaquiota.

Mateo 24:4

Adoaquien Esusën naden chuipondash: Tantia. Mibitedi chuinu. Muaquidoba choendac. Aido choshon chuisho tantiash: Abimbuen cachitec, quec mua uadenda.

Madcos 13:9

Adquid yannuc ista, cacbimbuen bëdambuen tantiec tabadta. Mibi bedshun: Icsambocquid neque. Cuidta, quequin chuiquido menenun mibi buanendac. Adembidi bedshun Nuquin Papan Chiaid chuibante shubuno buanacsho chuiquido cuesmequin mëyanmendac. Adembidi bedshun isadaidpembon chuiquid cobednadodbëd aidon chuiquid tapambo yacno buanac umbi nabanaid mimbi aido chuibanendac.

Tesadonica 1 1:9

Ambocquidombien ambo nidacsho ubitedi mimbi naid chioshi naden: Ambi papa canun ambi nacnenaidtedi aidon tantienquio yanac caosh. Adshumbic: Matses uaquid Nuquin Papambo uënëstiapimbocquid neque. Aidën chiacpadombuen nanuen aid tantiembi, quequin mimbi naidtedi tantiashun aidon chioshi.

Doma 11:21

Isadaidbon Esus tantienquio icsho Nuquin Papan bëdambuen istiapimbo icpanëdash. Adembidi matses utsibo icquin mimbi Esus tantienquio icsho Nuquin Papan mibitedi bëdambuen istiapimbo icuaindac.

Ducas 21:8

Adoaquien Esusën: Tantia. Mibi chuinu. Muaquidoba choendac. Aidon chuisho tantiash: Abimbuen cachitec, quec mua uadenda. Adquido choshon: Nuquin Papan Chomiaidquio Quidistu caid nebi, quequin muaquin chiaqui matses dadpenshun: Ai, abimbo mimbi caic, capendac. Aden chuibanquido icsho tsibanenda. Adembidi utsin: Nuquin Papan matses abitedi cuidte uëshë nëbi nec, quequin chuisho tantienda.

Madcos 13:23

Adquid iquendac, quequin mibitedi chiombique. Adquid yanshun chuibansho: Abimbo caic, quequin tantienda, quepanëdash Esus abëd icquido chiec.

Mateo 16:16

Simon Petedon: Quidistu Mesias caid Nuquin Papa uënëstiapimbocquidën Chomiaidquio yec Aidën Madombo mibi nec, caombi, capondash.

Codosas 2:8

Naden muaquidon icsambuen tantiamenushe. Abimbo tantiaquiec tabadta. Ëndenquio ambibi tantiaquin matsesën chiaid ambembi chiec onquiampicpaden nëbi icquidën Esuquidistu chuibanenquio icquin chuisho tantiashun: Nuquin Papan Chiaidpenquio chiec nec, quequin tantiata. Adembidi Mayan Icsa Satanasën icsambuen namenuen tantiamiacpadombuen aidon muaquin chiaid tantienda.

Ebedeo 3:1

Cun utsibo, Nuquin Papan: Cun matses nec, queshun ambi tantiacpadombuen Esus tantiamiaido mibitedi nec. Adoaido icquin Esuquidistu tantiaquionona. Nuquin Papan: Ubi chuibenneta, caid Esus nec. Adecbidi matses Nuquin Papa bëdambuen ismenuen nëish iua cuessunneshun pichicaquidon chuiquid tapabimbuecquid Esus nec, queshun aidquio tantiaquionona.

Ebedeo 3:19

Aden tantiesabo icquin ambi chiacpadombuen nainquiocsho issun ambi chiacno Nuquin Papan tabadmenquio icpampic.

Ebedeo 9:14

Esusën intaquëmbien Nuquin Papa yacnombo matses puduedmetequidquio nec. Nuquin Papan Mayan Bëda uënësesambo icquin dayacquio icmiac Esuquidistu icsambuen naisambo yequi matsesën icsambuen naid bedshunec abided cuidadec uënëspanëdash. Adec uënësaid icnuc nëbi naden nuqui tantiec: Umbi icsambuen naidtedi tantienquio yec bëshunquin ambi cuidtequid icbuedi Esusën mënchicaid icsho Nuquin Papan ubi cuidenquio iquec, quequin nuqui tantiec. Nuquin Papa uënëstiapimbocquidën namiaid icmenuec adec Esus uënëspanëdash.

Ebedeo 10:31

Nuquin Papa uënëstiapimbocquid yec matses tibocamequid icquin icsambuen naquido cuidquidquio dacuëdampamboshë iquec.

Ebedeo 12:22

Padnuen mibitedi dacuëdenquio yec Macuësh Sion cashumbic Edusaden Bëdambocquid abuc icquidën Nuquin Papa uënëstiapimbocquid tabadacno choacbimbuecquido mibi nec. Ambo Nuquin Papabëd icquido tambantiapimbo yec dadpenquioshë nadec onquec: Nuquin Papa bëdamboshë iquec, quec cuëdëncuededec tabadec.