Ebedeo 11:35 - El Nuevo Testamento en matsés

³⁵ Adembidi chidobon abi tantiaquid icquin aton matses uënësaid icsho Nuquin Papan uincuenmeshunac bedpampic. Adembidi tantiaquid utsibo: Nuquin Papa tantiesa nebi, camenu, quequin mëyanquiaqui chieshtoenquio icquin Nuquin Papa tantiec: Aid yacno nidebi, quiash uënëspampic.

Ebedeo 11:35 Referans Kwoze

Pidipos 3:11

Adshun uënësaido uincuenmete uëshë cainec bëdambo iquebi, quequin tantiembi.

Hechos 9:41

Uëtsëdtosho issun mëdinquin nidtomeshun niantebobëta Esus tantiaquido utsibo cuënquin chochomeshun ambi uincuenmebued ismepanëdash.

Hechos 24:15

Adembidi matses uënësacsho Nuquin Papan bëdambocquidobëta icsambuen naquido uincuenmendac, quequin Nuquin Papan oncamiaidon chiampicpadembidi tantiembi.

Codinto 1 15:54

Adtequid chuiquin Nuquin Papan dada uamiampid nad iquec: Chieshëmënquid dëniacquin cuessunniacbimbuen Uënëstequid nibëdanmendac.

Hechos 23:6

Aden chuishumbic: Iccuededquid utsi utsiec saduseobobëd icquido icnubi utsi utsiec padiseobobëd icquido iquec, quequin tantiec: Tantia. Chuinu, cun matses. Padiseobon tishmiaid yec padiseobo nebi. Adquid icquin: Uënësash uincuentequid iquec, quequin tantiaquid icsho: Icsambocquid nec, quequin mimbi ubi chiec, quec cumapenec onquequin Pabadon iccuededquido chuipanëdash.

Hechos 22:29

Aden Pabadon chuisho tantiash ambi icsambuen naid chuimenuen cacuestsembuedo nidannepanëdash. Aden chuisho tantiash: Doma yacnoquido icshobi Pabado shocosh bucun mëtanemechitombi, quequin tantiec comandante dacuëdpanëdash.

Hechos 4:19

Adoaquien Petedobëtan Uanën: ¿Mitsicquidën chiaid umbi natequid icpec? ¿Nuquin Papan Chiaid niacquindambi mimbi chiacpaden nape?

Uanën dada uaid 5:29

Adec uincuenacsho ubi tantiaquido ubëdi tabadmequimbi ubi tantiesabo icsho icsambuen naquido cuidacno nidmendambi.

Ducas 14:14

Adquidon mibi cuidquin pemetiapimbo iquec. Adquido pemiash: Bëdambo iquebi, mibi quendac. Adquid abi tantiaquido uënësaido uincuenmete uëshëmbi Nuquin Papan abi yacno puduedmequin mibi bëdambo icmendac, quepanëdash Esus.

Madcos 12:25

Nad iqueque. Tantia. Chuinu. Uënësaid uincuenash Nuquin Papa yacno tabadquin dadan chido bedtiapimbo iquendac. Adembidi chidon dada bedmetiapimbo iquendac. Adquid icnuc abucuësh Nuquin Papabëd icquidobimbuec matses iquendac.

Mateo 22:30

Uincuenmiac dadan aton chido bedtiapimbo iquendac. Adembidi chidon dada bedmetiapimbo iquendac. Adquid icnuc Nuquin Papabëd icquidobimbuec matses uincuenmiaido iquendac, quepondash Esus.

Ducas 20:36

Adecbidi Nuquin Papabëd icquido uënësesa yacpadecbidi Nuquin Papan uincuenmiaido yec uënësenquio iquendac. Aden uincuenmiaido yec Nuquin Papan bacuëbo nendac.