Ebedeo 11:26 - El Nuevo Testamento en matsés

²⁶ Iuecshun Nuquin Papa yacno iuedac bëdambo iquendabi, quequin tantiaquin Equipito yacnocquidon bëdamboshëcquid meniaid isuidpampic naden tantiaquin: Nuquin Papan Quidistu Mesias caid chomiacsho matsesën icsambuen chuishunte yacpadombuembidi ma matsesën nëbi ubi icsambuen chuishunnu, quequin tantiec: Nuquin Papan cun matses caidobëd mëyamëdebi, quepampic.

Ebedeo 11:26 Referans Kwoze

Ebedeo 11:6

Padnuen abi tantienquiocquin naquid icsho isash: Umbi bëdambuen isaidquio nec, quetiapimbo Nuquin Papa iquec. Adquid icnubi Nuquin Papa tantiaquid icte bunebi, quequid nadtsiash: Nuquin Papa abi iquec. Abi tantiaquido bëdambuen nashunquidquio nec, quequin abi tantiaquid icsho ambi bëdambuen isaidquio nec.

Ebedeo 10:35

Adquid icquin chieshtoenquio icquin: Nuquin Papa yacno tabadtequid nebi, quequin ënenquio icquin mibitedishun tantiata. Aden tantiaquid icsho Nuquin Papan abi yacnombo tabadmequin bedtequid bëdamboshëcquid mibi menetequid iquendac.

Esusën Uan ismiaid 3:18

Adquid icsho mibi chuinu. Tantia: Ubi tantiaquid icnuen bëchish nibëdquiocnoc cute nëdënquequidën dapichicac bëdamboshëcquid icsho cun shocosh piu piupactsëcquid odo caid bedta. Adosho mibi mitsana dadpenquiocquid icmendambi. Ubi tantiaquid icquin dashcute nibëdquio icbuedi bëchish nibëdquiocquid cun dashcute ushumboshë icquid dasiuidnun bedash aid dasiuidash mibi dacuëdenquio iquendac. Ubi tantiaquid icquin cun dauë bëpasquenun bed. Adshun mimbi bëdambuen isquin umbi naid tantiendac.

Petedo 1 4:14

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.

Ebedeo 2:2

Ëndenquimboshë Nuquin Papan: Naden nata, quequin chuibanampid ambi abi yacnocquid abëd icquido chuimiacpadombuen chiac matsesën nainquio icsho issun Nuquin Papan cuidpampic. Aden ëndenquimboshë Ambi Chiaid niacquido cuidpampic.

Codinto 2 6:10

Uënësquio icmiaqui bëdambo iquebi. Cuna nibëdnubi: Ma Esuquidistu tantiaquido utsibo dadpen icnu, queshun chuibanec bëdambo iquebi. Cuna nibëdec, quiashic: Nuquin Papa yacno abitedi cuna nec, quequin tantiec bëdambo iquebi.

Ducas 14:14

Adquidon mibi cuidquin pemetiapimbo iquec. Adquido pemiash: Bëdambo iquebi, mibi quendac. Adquid abi tantiaquido uënësaido uincuenmete uëshëmbi Nuquin Papan abi yacno puduedmequin mibi bëdambo icmendac, quepanëdash Esus.

Mateo 5:12

Aden utsibon chieshënaqui chieshtoenquio yec cuishonqueta. Adembidi ënden min tsusedpabo Nuquin Papan oncamiaidon chuibansho issun chieshënquin utsibon cuessunnepampic. Aden nampid icnuc utsibon chieshënac: Ubi bëdambuen isquin uënësacsho abuc abëdi tabadmequin ubi bëdamboshëcquid menendac, quiash cuishonqueta, quequin Esusën chuipanëdash.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Codinto 2 12:10

Aden tantiec cun dada icsambo icnubi bëdambo icquin abi Esuquidistu chuibennec capuebi. Icsambuen chuiquin mamënshunaqui abi Esuquidistu chuibennec capuebi. Bunequi adecbidi capuebi. Utsin: Mibi natiamequin ënmembi, caqui adquiecbidi abi Esuquidistu chuibennec capuebi. Utsin natiamequin mëyanaqui adquiecbidi capuebi. Adquid icnuc umbibi natiapimbo icsho issun Nuquin Icbon nadatiambocquin namiac ëntiapimbocquin chuibennec capuebi.

Petedo 1 1:11

Esuquidistu choabi icnuc Aidën Mayanën tantiamiac aidon naden chuipampic: Nidaidën choacsho matsesën chieshënquin natiamequin uënës uaindac. Aden uënës uacsho uincuenmiac bëdamboshëcquid yec abitedishun Icbombo icuaindac, quequin Esusën nate chuipampic. Aden chuiquin: ¿Tedtsi yash chopec? ¿Mitsiuëshquio chopec? quequin tantiate bunquiopampic.

Ebedeo 13:13

Adoaid yec Esusbëd icquid nebi, quiash umanuc buansho isash aidbëd nidacbimbuecquid icnuna. Adquid icsho issun Esuquidistu tantiesabon: Mibi icsamboshë iquec, quequin Esus chieshënnëdacpadombuembidi nuquitsen chieshënendac.

Ebedeo 10:33

Aden Esus tantiasho mibitedi utsi utsien icsambuen chuishunquin mamënshunquin abitedi ismequin cuesquin mëyanquin natiamepanëdash. Aden natiamiacsho isash Esus tantiaquid utsibo aidobëd shubitiadquio yec natiec tabadpanëdash.

Pidipos 3:7

Aden nabanquid icquin: Umbi tantiacpadombuen naic bëdamboshë iquebi, quequin icsambuen tantiapondambi. Adondaidi nëbi Esuquidistu tantiabenshun: Umbi tantiacpaden naiquini icsambo icchitoc, quequin tantiabempondambi.

Epeso 1:18

Nadembidi mibitedi tantiaquin Nuquin Papa chiannembi. Mimbi bëdambuen tantiamiac: Ma mibëd tabadte bunquin cainquidombo ma icpanuna. Adash: Nuquin Papa tantiaquido utsibobëd bëdamboshë yacno tabadendabi, quequin ma tantiapanuna, quequin chiannembi.

Hechos 5:41

Puduenmiac: Nuquin Papan namiacpaden Esus chuibansho mëyanac bëdambo iquebi, quec cuishonquecuededpanëdash.

Mateo 10:41

Nuquin Papan oncamiaid yec aidën chiaid chuibennequid bëdambuen isquid icsho ambi oncamiaid meniacbimbuen Nuquin Papan bëdamboshëcquid menetequid iquendac. Adombuembidi bëdambuec tabadquid icsho bëdambuen nashunsho Nuquin Papan bëdambuen isquin bëdamboshëcquid menetequidtsen iquendac.

Mateo 6:1

Adshumbic abi macuësh tapa poctse tsadquin Esusën naden chuibampanëdash: Aton matses ismenuenuidi utsibo nashunquid Nuquin Papan bëdambuen istiapimbo icquin bëdamboshëcquid menetiapimbo iqueque. Utsibo nashunnu, queshun utsibo ismenquio icquin nata.

Esusën Uan ismiaid 2:9

Ubi tantiaquido icsho utsibon chieshënaido yec mitsana nibëdquid mibi nec. Nëbi mitsana nibëdquid iquequi ubi tantiaquid yec dadpenquio dayun uaquidbimbuec mibi bëdambo iquendac. Chieshëmënquidon mibi icsambuen chuishumbuedtsen tantiembi. Mibi yacnoshon Mayan Icsa Satanasën tantiamiac: Isadaidbo nebi, quequin mibi icsambuen chuishunquido yec Mayan Icsa Satanasën iuabo nendac.

Ducas 14:33

Adquid icnuc ubi tantiaquidquio icnuen bëdambuen tantiata. Cun chuiquid nec, quequin tantiaquin mitsanatedi nianta. Adoesa ubi tantiaquid ictiapimbo iquendac, quepanëdash Esus abi tsibananquido chiec.