Ebedeo 11:16 - El Nuevo Testamento en matsés

¹⁶ Adenquio yec: Nuquin Papa yacno bëdamboshë yacno tabadte bunquiebi, quesho tantiashun: Cun matses nec. Aidon Papa nebi, quequin chuishun abi yacno abëd tabadte Nuquin Papan icmiaid shubu dadpen icquid abi iquec.

Ebedeo 11:16 Referans Kwoze

Ebedeo 13:14

Adquid icnuc nëid nidaidën ënëdenquio yec nuqui tabadte nibëdec. Adquid nibëdnuc nibënacbimbuen Nuquin Papabëd tabadtequid cainquido nuqui nendac.

Ebedeo 11:10

Nadembidi Abadauanën tantiapampic: Abi yacnoshon Nuquin Papan ambi tantiacpadombuen chimeshadtiapimbo icnuc shubu uaquin dadpen nacnenaidën tabadebi, quequin tantiaquin cainquid nepampic.

Pidipos 3:20

Padnuen nuquitedi Nuquin Papabëd abuc tabadtequido nendac. Abi yacno buannuec abucuësh abi yacno tabadmianquid Nuquin Icbo Esuquidistu chosho isnuen cainec nuqui tabadec.

Uanën dada uaid 14:2

Cun Pan shubu yacno quënë dadpenquioshëcquid tsucustiapimbo iquendac. Adquidpenquio icsho mibi aden chienquio ictsiambi. Adquid tantiaquin: Ubi tantiaquido ubëdi tabadmendambi, quequin chiombi.

Ebedeo 2:11

Aden matses bëdambo icmequid Esuquidistun Papa ambi bëdambo icmiaidon Papabidi nendac. Adec Nuquin Papan Madombo icquin Esusën dacuëdenquio icquin: Cun Pabëd ictequid cun utsibobëd nec, caindac.

Mateo 25:34

Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Ebedeo 12:22

Padnuen mibitedi dacuëdenquio yec Macuësh Sion cashumbic Edusaden Bëdambocquid abuc icquidën Nuquin Papa uënëstiapimbocquid tabadacno choacbimbuecquido mibi nec. Ambo Nuquin Papabëd icquido tambantiapimbo yec dadpenquioshë nadec onquec: Nuquin Papa bëdamboshë iquec, quec cuëdëncuededec tabadec.

Ebedeo 11:14

Aden tantiaquin: Quenenec tabadte bunquiebi, quequin tantiaquin adec tabadte nibëmpampic.

Timoteo 2 4:18

Padpiden chieshëmënquidon: Chieshtomenu, casho Nuquin Icbon nac chieshtoenquio ictsiabi. Nuquin Icbombidi abi yacno ambi namiacno abuc abëdi ubi tabadmendac, queshun: Nuquin Icbo bëdamboshë iquec, caimbi ënenquio icquin. Amen.

Madcos 8:38

Esus tantiaquid yec ambi chiaid tantiaquid nebi, quequid icquimbi ubi tantiesabo icsambuec tabadquido dacuëdënquin ubi caic: Aid tantiaquid nebi, catiapimbocquid icsho isash nadendabi. Matsesën Tishaid icshobi Nuquin Papa nadatiambocquidquio icquin abitedishun Icbombo icmiac Cun Pabëd icquido bëdamboshëcquidobëd choshon nidaidënshun umbitsen: Nëid ubi tantiaquid nec, cauatiapimbo iquendabi, quepanëdash Esus.

Hechos 7:32

Min tsusedpa Abadauan yec Isac yec Acobo yec quequidon Papa campid nebi, quesho tantiash dacuëdec uëdëquec Moises istiapimbo icpampic.

Ducas 12:32

Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.

Madcos 12:26

Adembidi uënësash uincuente ma tantianu, queshun ¿Moisesën dada uampid isquin tantiamboda ictio? Aidën cutempi abibi nëdënquedosho istanec nidtuidnubien nadec Nuquin Papa onquiampampic: Min tsusedpa Abadauanën Papa caid yec Isaquën Papa caid yec Acobon Papa caid yec quequid nebi, quequin Nuquin Papan chuisho tantiapampic.

Ducas 20:37

Adembidi chuinu. Tantia. Cutempi nëdënquiacnoshon Nuquin Papan naden chuisho Moisesën tantiapampic: Min tsusedpa Abadauan yec Isac yec Acobo yec quequidën Papa caid nebi, quequin Nuquin Papan Moises chiampid tantiaquin: Uënësaid uincuentequid iquec, quequin tantiatequidquio nendac.

Ebedeo 10:34

Adecbidi mibitedi Esuquidistu tantiaquid utsi quënën tsadunaid icsho isash uënësquio icquin aid tantiaquin mimbi nashumpondac. Adecbidi mibi chieshënquidën mitsana bedacsho isash cuishonquepanëdac. Nuquin Papan abi yacnoshon cuna bëdamboshëcquid nibëdantiapimbo icquid bedtequid iquec, quequin tantiec: Bëdambo iquebi, quec mibi cuishonquepanëdac.

Ebedeo 11:40

Aden Nuquin Papan aido tantiaquimbi ambi chiampicpadombuen meniambo icpampic. Aido ënden icquido uënësampidobëtabi nuquitedi bëdamboshëcquido icmequin icsambuen naisabo icmendac.

Esusën Uan ismiaid 21:2

Adnubien bëdamboshë isadquid shubu dadpen icquid Edusaden chuca caid Nuquin Papa yacnoësh abucuësh budsho ispombi. Aidi chidon: Ma ubi bednu, quequid dada bedmequin cuishoncamiacbimbuec bëdamboshë isadposh.