Ebedeo 11:11 - El Nuevo Testamento en matsés

¹¹ Adembidi: Abi tantiaquidquio icsho Nuquin Papan namiac Abadauan tsësiombo icquimbi aton chido Sada machobudash bacuë tishtiapimbocshobi Nuquin Papan uidënquio icmiac aton mado tishmepampic.

Ebedeo 11:11 Referans Kwoze

Ebedeo 10:23

Nuquin Papa ambi chiampicpadombuen naquidquio nec, quequin tantiaquid yec: Aid yacnombo tabadtequid nebi, quequin cainquin chieshtoenquio icquin tantianuna.

Ducas 1:36

Min chuchu Isabed machobudshun bacuë usundotiapimbo icbuedëmbi nëbi bacuë usundoac. Usundoenquien icpec, cabededbuedëmbi ambi bacuë usundoaid uëshë 6ted nidmiaid iquec.

Doma 9:8

¿Abadauanën bacuëbotedishun tsiuecquidotedida Nuquin Papan cun matses caido nepec? Padenquio. Ambi chiampicpadombuen naquido icsho Isaquën tsiuecquidotedi Nuquin Papan cun matses caido nec.

Cadasia 4:23

Abadauanën chudac badedquio bacuë usundoshon chido iuaidën aton mado tishpampic. Padnuen Abadauanën chidombo iuaidpenquio icsho: Min chidonquio bacuë tishendac, quequin ambi chiampicpadombuen Nuquin Papan aton mado tishmepampic.